THE WORLD OF MOONLIT

CHAPTER 51

ELIJAH'S POV

Hindi ko na alam kung ano ang iisipin ko, gusto kong mag isip pero walang pumapasok sa isip ko. Gulong-gulo na ako sa nangyayari sa'kin.

Noong nasa acquaintance party kami ay kinikikabutan ako nang makita ko ang special guest namin. Pakiramdam ko ay nakita ko na siya noon somewhere. Tapos bigla pang may pumasok sa isip ko na hindi ko pa masyadong naintindihan no'n. Ang akala ko ay nababaliw na ako sa mga pumapasok sa isip ko, pero nang sabihin ko kay Zionne ang tungkol dito ay sinabi niyang may vision daw ako.

Ayuko sanang maniwala sa kanya, pero ano pa nga ba ang itatawag ko sa mga nangyayaro sa'kin? Parating may pumapasok sa isip ko tapos kalaunan ay biglang mangyayari.

Nang makapasok kami dito sa ibang mundo, Accidentally ay napapadalas na ang nakikita ko sa isip ko o tamang sabihin na vision kagaya ng sinabi ni Zionne.

Nang ibigay nila sa'kin ang sandata na crossbow at spada ay biglang may pumasok sa vision ko. Isang pangyayari na talagang dumanak ang mga dugo, maraming mga namatay at sugatan. Nakita ko din na meron akong sinaksak na familiar sa'kin gamit ang spada na 'yon, pero malabo masyado kaya hindi ko makita ang mukha niya.

Habang naglalakbay kami kanina ay nakita ko na sa vision ko na may aatake sa'min na mga kakaibang hayop, nasabi ko din 'yon kay zionne. Kaya nang makarating kami sa familiar na gubat na 'yon ay mabilis akong naka-akyat sa puno nang salakayin kami ng mga halimaw, ang sabi ni cypher ay TA-AWI daw ang tawag sa mga nilalang na 'yon, sinabi lang din daw ni zionne sa kanila.

Nang magpahinga kami ay hindi ako nakatulog dahil may nakita na naman ako sa vision ko. Sobrang kakaibang nilalang at hayop, kaya naman nang makarating kami sa may ilog kung saan may maganda at mahabang falls ay alam kong may mangyayari na naman. Lumapit ako sa tubig to confirm if 'yon nga ba ang lugar na nakita ko sa vision ko pero biglang ko na naman nakita ang mangyayari. Akala ko ay maiwasan namin 'yon dahil inaya ko na agad si zionne pero nagulat ako nang sumigaw si xyvyn habang nakatingin sa likuran ko, kung saan naka angat si zionne sa ere dahil sa isang halimaw sa tubig. Yun mismo yung halimaw na nakita ko sa vision ko. Higanteng ahas na may tatlong katawan at ulo, tapos may matutulis na mga ngipin at kaliskis.

Natigilan ako no'n at hindi ko man lang magawang igalaw ang paa ko dahil sa gulat. Pero nakakapagtaka ang biglang pag ilaw ng spada at crossbow ko na parang sinasabi nitong lumaban ako. Hindi ko din alam kung paano ko nagawa ang tumalon ng mataas, ang alam ko lang ay gusto kong talunin ang malaking halimaw na 'yon. Nang bumalik sa ilalim ng tubig ang halimaw ay bigla akong nakaramdam ng panghihina at muntik ng bumagsak, gusto kong magpasalamat dahil sa pagtulong sa'kin ni Zyleigh.

Hindi ko na alam kung ano pa ang mangyayari, gusto ko naman matuwa sa mga kaibigan namin dahil mukhang mabilis nilang natanggap ang nangyayari sa'min, napunta kami dito sa kakaibang mundo na sa panaginip ko lang nakikita.

"WOW!" rinig kong usal ni krixi nang makarating kami sa napakagandang bayan.

Maraming nilalang na parang mga tao lang din ang itsura, meron din akong nakitang mga katulad ni zionne at zy na may mahahabang tenga.

"Ito na ang bayan ng Goetia." anunsyo ni Xyvyn.

Bakas pa rin ang pagkamangha sa mata at mukha ng mga kaibigan namin. Well, kahit naman ako namamangha pero hindi naman ako kasing OA ni krixi na nakanganga pa talaga.

"May alam akong pwede nating pagpahingahan." nakangiting ani Zionne.

"Hotel ba dre?" tanong ni cypher. Gusto kong matawa dahil sa reaction ni Zionne at Xyvyn.

"Williams, hindi ba't sinabi ko sayong huwag kang magsalita dito ng lengguwahe ng mundo niyo?" bulong ni Zionne kay Cypher.

Napatakip naman agad ng bibig si Cypher.