လယ်တောဆီမှ လုပ်ကြံသတ်ဖြတ်သူ (MM-translation)

ပျော်ရွှင်မှုဖြင့်ပြည့်နှက်နေသောအိမ်ကလေး(၂)

[Unicode]
လယ်တောဆီမှလုပ်ကြံသတ်ဖြတ်သူအခန်း ၃၄။ ။ပျော်ရွှင်မှုဖြင့်ပြည့်နှက်နေသောအိမ်ကလေး(၂)

စုရွှေလျန်နှင့် လင်းစစ်ယောင်သည် စားသောက်ပွဲကျင်းပရန်ဆုံးဖြတ်ထားခဲ့သောကြောင့် ၎င်းတို့အားကူညီခဲ့သောမိသားစုများကိုကျေးဇူးတင်သည့်အနေဖြင့် ငွေစသုံးစထုတ်ပေးကာ အားလုံးကို အိမ်သစ်တက်ပွဲနှင့်မင်္ဂလာပွဲကိုဖိတ်ကြားခဲ့သည်။

စားသောက်ပွဲစတင်သောအခါတွင် အပူအအေးဟင်းပွဲများစွာ ပါဝင်လာသည်။ ဟင်းပွဲများစွာနှင့်ရင်းနှီးသောစုရွှေလျန်ပင် အံ့ဩသွားရသည်။

သူမနှင့် လင်းစစ်ယောင်သည် အပူအအေးဟင်းပွဲ စုစုပေါင်း(၁၈)ပွဲအားမှာယူခဲ့ခြင်းဖြစ်သည်။ အပူကိုးပွဲနှင့် အအေးကိုးပွဲဖြစ်သည်။ (၁၈)ပွဲတွင် တစ်ဝက်သည် အသားဟင်းပွဲနှင့် ကျန်တစ်ဝက်မှာ ဟင်းသီးဟင်းရွက်များဖြစ်သည်။

စားပွဲပေါ်တွင် ထိုဟင်းလျာများအပါအဝင် သားသတ်လွတ်ဟင်းများ၊ အသားပန်းကန်ခြောက်ချပ်၊ အားလုံးသည် လွန်စွာမှထူးကဲနေပေသည်။ ဝက်ဂုတ်သားနှပ်၊ ကြက်သွန်နီနှင့်နှပ်ထားသောဘဲကင်၊ ငါးပေါင်း၊ အိမ်လုပ်ဆီပူထိုးဝယ်သားကြော်၊ ပဲဒိန်ပြားကြော်နှင့် အအီပြေစေသောကြက်သားစွပ်ပြုတ် စသည်ဖြင့် အမျိုးစုံနေပေသည်။

ငွေစသုံးစဖြင့် စားပွဲတိုင်းတွင် အဓိကဟင်းလျာနှစ်မျိုးစီရှိသည်။ သို့သော်လည်း ဟင်းလျာတိုင်းသည် အမြဲတမ်းထူးခြားနေသည်မဟုတ်ပါလော။ စုရွှေလျန်က လင်းစစ်ယောင်ဘက်သို့ တွေဝေစွာဖြင့်လှည့်ကြည့်လိုက်သည်။

"တည်းခိုခန်းပိုင်ရှင်ပြောတာတော့ ဒါက ငါတို့အတွက် သူ့လက်ဆောင်လို့ပြောတယ်"

လင်းစစ်ယောင်က သူမ၏အကြည့်ကိုတွေ့သောကြောင့် သူမပန်းကန်လုံးထဲသို့ဟင်းများထည့်ပေးကာ ပြန်ဖြေလိုက်၏။

စုရွှေလျန်က အခြားစားပွဲရှိ သားနှစ်ယောက်ဖြစ်သူအား ဟင်းထည့်ပေးနေသောတည်းခိုခန်းပိုင်ရှင်ကိုကြည့်ကာ ကျေးဇူးတင်သောအပြုံးမျိုး ပြုံးပြလိုက်သည်။

"ယဉ်ကျေးနေဖို့မလိုပါဘူး။ ဒီလောက်လေးပဲပေးတာပါ။ ငါတို့လုပ်ပေးတာက ဟင်းပွဲလေးလောက်ပါပဲ"