လယ်တောဆီမှ လုပ်ကြံသတ်ဖြတ်သူ (MM-translation)

အတူတူနေကြရအောင်

[Unicode]
လယ်တောဆီမှ လုပ်ကြံသတ်ဖြတ်သူ
အပိုင်း ၁၂။ ။ အတူတူနေကြရအောင်

"ဝါး ပန်းတွေပစ်နေကြပြီ။ သူတို့ပန်းတွေပစ်နေကြပြီ"

ချက်ချင်းပင် လူအုပ်သည် အုတ်အော်သောင်းနင်းဖြစ်သွား၏။

စုရွှေလျန်သည် သူမ၏စပ်စုချင်စိတ်အား မထိန်းသိမ်းထားနိုင်တော့ပေ။ ခြေလှမ်းခပ်သွက်သွက်ဖြင့် လှည့်လိုက်သည်။ အမှန်ပင် သူမနှင့်အနီးဆုံးမှနတ်သမီးသည် ပန်းစည်းကိုကိုင်ကာ သူမရှိသောအရပ်သို့ ရှက်ကိုးရှက်ကန်းကြည့်နေမိသည်။

စုရွှေလျန်သည် ဘယ်ဘက်နှင့်ညာဘက်သို့ မရေမရာကြည့်လိုက်ကာ မည်သူသည် နတ်သမီးအာရုံစိုက်ခံရသည်အထိ ကံကောင်းလိမ့်မည်ကို သိချင်မိသည်။ သူမက နှုတ်ခမ်းကိုက်လိုက်ကာ အပေါ်သို့မော့ကြည့်လိုက်ပြီး နတ်သမီးသည် သူမ၏ပန်းစည်းအား မည်သူ့ဆီသို့ ပစ်မည်ကို မျှော်လင့်စောင့်စားနေမိသည်။

မျှော်လင့်မထားသည်မှာ လင်းစစ်ယောင်သည် သူမ၏ခါးအား နောက်မှကိုင်လိုက်သည်။ လက်တစ်ဖက်အဝှေ့တွင် ၎င်းတို့ရှေ့မှာလူများအား ချက်ချင်းကွက်လပ်တစ်ခုဖြစ်အောင် လုပ်လိုက်သည်။ စုရွှေလျန်အားကိုင်ထားလျက် ခြေလှမ်းအနည်းငယ်မျှခုန်လွှားလိုက်ပြီး မကြာမီပင် လူအုပ်အပြင်သို့ရောက်သွားသည်။

"ယား"

စုရွှေလျန်တစ်ယောက် သတိမထားမိစွာဖြင့် သူမ၏လက်နှစ်ဖက်ဖြင့် သူ၏ခါးအား ဖက်ထားလိုက်မိသည်။ မရေမရာဖြင့် သူ့အားမော့ကြည့်ရန် သူမ၏ခေါင်းအား စောင်းလိုက်မိသည်။ သူ့အားမေးရန် ပါးစပ်ဟရန် ပြင်လိုက်စဉ်တွင်ပင် အလောတကြီးအသံတစ်သံသည် သူမ၏နောက်မှ ထွက်ပေါ်လာသည်။

   "သခင်လေး သခင်လေး"

စုရွှေလျန်လှည့်ကြည့်လိုက်ကာ ထိုအသံပိုင်ရှင်မှာ ပန်းစည်းကိုင်ထားသောနတ်သမီးပင်ဖြစ်သည်။ နတ်သမီးသဘောကျသောသူမှာ သူမ၏နောက်မှ ယောင်္ကျားဖြစ်ကြောင်း ရုတ်တရက်သဘောပေါက်သွားမိသည်။

စုရွှေလျန်၏မျက်လုံးများသည် လင်းစစ်ယောင်ဆီသို့ တိတ်တဆိတ်ရောက်သွားကာ ၎င်းအား ပို၍ပင်အေးစက်သွားစေသည်။ သူမက ဝန်ခံရန် သတ္တိမွေးလိုက်သော်လည်း သူသည် အခြားလမ်းသို့ ပျံသန်းသွားနေဆဲဖြစ်သည်။ ထွက်ပြေးရန် ဆုံးဖြတ်လိုက်လျှင်လည်း သူ၏ချွေးပေါက်များကပင် သက်ရှိလူသားအားလုံးအား ချေမှုန်းဖျက်စီးနိုင်မည့်အငွေ့အသက်များ ထုတ်လွှတ်နေသည်။