العروس في الثوب الاسود

تكمله

رسيل: اي ناس تلوك لناس، وانت منو من البنات رادوها الك .

أيهم: اخت رغد الصغيرة ، غيداء .

رسيل: كلهن بحرف الغين .

أيهم: يابه تنسيقات شعبالج .

ضلينه نسولف فات مروان جان جوة وصعد ..

مروان: اي يابه الله يثخن لبنكم .

أيهم: لا لبن ولا روبه ؛ كاعد احجيلها على زمن.

مروان: هاا شكو بيها صارت بيها اسرار.

رسيل: أيهم اروح انام بعدين نكمل .

مروان: لازم ازعجنه جنابج ست .

أيهم: شكد تلح شبيك متكلي خال بالك وياها...

مروان: بحالها انه ؛ رايح انام ما نايم صارلي يومين؛ هاي اجازتي يمكن اكضيها نوم بنوم .

أيهم: ارتاح شعندك حتى للشغل لتنزل.

مروان: لا ما انزل اضل نايم 

أيهم: نوم العافيه

مروان: الله يعافيك .

دخل لغرفته وسد الباب اني هم رحت لغرفتي نمت صار المغرب ، فزيت على صوت الاذان الجامع قريب علينه؛ كعدت رحت توضيت وصليت المغرب؛ نزلت جوه البيت هدوء ماكو احد ، ورة ربع ساعه دخل ياسر شايل بيده علاليك .

ياسر: رسيل سويلنه صينيه توب هاي جبت حبشكلات حت نسهر اليوم فد اصلي واصيحهم ، اليوم عشا لاتسوون انه اجيب وينها نور .

رسيل: فوك نايمه ..

ياسر: خطيه نفسها تلعب ما ادري شبيها .

رسيل : راح اصعد اشوفها..

ياسر : صيحيها بدربج..

رسيل : تمام..

عفت كلشي من ايدي وصعدت الها؛ دكيت الباب وفتت
الشقه باردة ثلج وضلمه ، نعست شفتها نايمه اجيت مددت بصفها صافنه على وجها ونمت اني هم.

كعدت على صوت ضحك ، اندار واشوف ياسر ونور ؛ خربانين ضحك .

رسيل: ضحكوني وياكم ؛ شنو باجر عيد ؛ ضمولكم ضحكه اله.

ياسر: انه وين دزيتج؟

رسيل: اكعد نور غير

ياسر: وانتي شسويتي

رسيل : نمت هههه

ياسر: دازج تكعديها لو تنامين يمها يلا كومي أيهم جوة خسرته بالطاولي اريدكم تشجعوني؛ لخاطر المشترة الجبته الكم ..

كمزت.

رسيل :  يلا اني اشجعك .

نور: واني هم .

نزلنه نركض اني ونور وطلعنه بالحديقه ..

رسيل: الله الله شنو هاي الاجواء بس المخربها دخان النراكيل.