العروس في الثوب الاسود

تكمله

صادق : بسببه راحت سوسن مني،،،  ما الي نفس بيه بعد .
محمد : اتقي الله حرام هيج تحجي هذا كفر كلمن وساعته ويومه.

سكت بابا ما حجه شي

مرت ٣ اشهر اثقل مايكون عبالك ٣ سنوات

اليوم  احد بدايه اسبوع ،،، راح بابا وخالو محمد للمستشفى وجابو اخوية اللي لحد الان ماشايفيه و بمعجزة عاش ..

ولولا الله ومن بعدها عمة زهرة جان اخوية توفه لان حالته جانت حيل تعبانة..

اجوي لبيت بيبي اول ما فات بابا خلاه بحضن بيبي
هيه شافته ،،،حضنته وكامت تنعي

البيبي : يمة خالي طبيت ولكيت البيت خالي يمة تعالي
تعالي صحنة يالحبيبة تعالي
تعالي والدمع هالي( يهل)
كلبي انخمش والدمع هالي
أنا اركض وراها
أنا الزمت النعش واركض وراها....

تبجي و تنعي اجه خالو واخذ اخوية من ايدها ،،طلعه بره علمود تبطل بجي بعد ما بجتنه كلنه وياها وبابا حيل تعب ...

رجعنه للبيت اجتي خاله زهرة ويانه نظفت البيت من فوك ليجوة وعزلته ،،اني هم ساعدتها تصخرني روحي وتعالي بس على شغلات بسيطه خطيه تعبت حيل،، فات بابا جان يكول.

صادق: والله يا ام حسام ما اعرف شلون أطلع من جزاتج أنتي الاخت اللي الله رزقني بيها  صح مو بت امي وابويه بس احن من خواتي عليه.

زهرة: شنو هذا الحجي ابو رسيل مامقبوله منك انت اخوية وسوسن الله يرحمها اختي وجهالك جهالي ما اقبل  تحجي هيج، هذا واجبي لا فضل  مني ولا منيه .

صادق: رحم الله البطن الشالتج ياغاليه الله يحفظج ويحفظلج كل عزيز والله كلنا نضيع بلياج من الحجية وسهاد وبيتج لحد اني وبناتي كم ايد انتي صايرة والله مرات اخجل من اشوفج طابخه وجايبه الجدر لو الخبز وانتي منا حايرة ب آران.

آران اسم اخوية الجديد معناه النشاط والمرح
حسب ما بابا كال سماه على وصيه ماما رادت هذا الاسم .

ومرت الايام  طلعت النتائج مالتي والحمدلله ناجحة رحت للاول متوسط وريناد صف خامس وخالو ابتلش بينه يودي ويجيب،،،

  بابا رجع لدوامه و رجعت حياتنه مثل قبل بس طافيه شلون واحد ميت ويمشي ، لكن هاي الحياة لازم تستمر برضانه او غصب عنه ،، ماكو واحد مات وره واحد بس مستحيل ينسى هذا الشخص ويوم عن يوم الاشتياق يزيد لكن مابيدنه اله الدعاء الها بالرحمة والنه بالصبر..

و بيوم ريناد ما قبلت تداوم ضلت نايمه واصرت اله  تغيب..

بابا كال عوفوها براحتها لا تضغطون عليها،،،

احنه الصبح كلنا مدارس بابا دوام وخالو بالشغل يعني بس عمة زهرة وبيبي وخاله سهاد بلبيت خلص وقت الدوام ورجعنه للبيت خالو كال اروح بشغله واجي كولي لعمتج حتى لايضل بالها .

رسيل : صار خالو

سحبت السيم مال الباب ودخلت لبيت جدو ،،،هدوء ماكو احد المطبخ فارغ شنو وين عمه اصيح عليها ماترد رحت لغرفه بيبي نايمه  وخاله سهاد متمددة ..شافتني ابتسمت..

رسيل : هلو خاله.

سهاد: هلو حبيبتي شوكت اجيتي ..

رسيل : توني اجيت ، عمة زهرة وريناد وين شو ماكو..

سهاد: عمتج راحت تجيب معجون من ابو الاسواق وريناد توها جانت هنا وطلعت من الغرفة قبل لا تجين..

رسيل : راح اشوفها وين واجي ..

طلعت ادور عليها فريت البيت كله ماكو اخر شي رحت لغرفه خالو واشوفها تخنك ب آران وجان اعيط بعلو صوتي  ..

رسيل :لج هاي شجاي تسوين..

يتبع ..........