رجعنه للفندق وحضرنه ملابسنه وثاني يوم انطلقنة لاربيل جمال المناطق لا يوصف صح اني جايه قبل بس جنت صغيره ما جنت انتبه على الطبيعة عندي اهم شي ياخذنه بابا للالعاب والمي .
وصلنه لاربيل حجزنة بفندق وبدت الونسه الصدك مخلينه مكان يعتب علينه نكعد ساعه ثمانيه ونص نتريك بالفندق عدهم بوفيه مفتوح حده لساعه تسعه وينسد ومن بعدها ننطلق اول يوم رحنة لمدينة الالعاب وصعدت لعبة اسمها (شنكل بانه) هلكد ضحكت وتونست طبعا هناك هم اكو ثلج بس اقل من دهوك ،،، من البرد احس وجهي جمد هههه ونسه جانت من العمر وخلصت مع الاسف الايام الحلوة بسرعه تخلص ...
واليوم اخر يوم النه هنا اخر مكان جان شقلاوة لان بعد يومين دوام المدارس يبدي لمينه ملابسنه وسدينه الجنط وتوجهنا راجعين لحياتنة..........
يتبع
العروس في الثوب الاسود
البارت الثامن والعشرون
مشهد مستقبلي 💫
اليوم أني عروس
ولابسة بدلتي البيضة
وفرحانة بيها وافتر كبال المراية
واشوف نفسي شلون طالعة حلوة
وادقق بوجهي زين
خاف اكو خلل ما منتبها عليه
لو خاف ماشة واكعه من شعري
والتفت الكة اختي تباوعلي بلهفة
تشوفني شلون طالعة حلوة ،
فرحانة بأختها الكبيرة
ويدخلن عليه صديقاتي بفرحة وهلاهل
، فرحتي كملت لان اخذت الاحبة ويحبني ،
نزلت الدرج شايلين بدلتي البنات
ويهلهلون واضحك من كل كلبي
اوصل نهاية الدرج والكى اغلى انسان ينتظرني بابا حبيبي،
حتى يسلمني بيدة للانسان الي اختارة قلبي...
نزلت بنص اهلي والكل يركص وفرحان كوموني ركصت وياهم
هاي الي تكلي عيب ميصير انتي عروس
والثانيه تكلي ركصي حتى يصير بختج حلو
اصوات عالية صوت ضحك
ونسوان تسولف وصوت الاغاني الصاخبه
من بين كل هاي الاصوات ميزت صوت مميز بكل عرس نسمعة
هو صوت المزيقة تعلن عن قدوم الحبيب
كلبي كام يدك سريع
يتسابق ياهو اسرع هو لوصوت المزيقة
بطني كامت تلويني من كالو يلا لبسو راح يدخل العريس
صخنت وجهي صار احمر
صعد الدم براسي
نزلو البركع على وجهي
دخل اللي الكلب ينتضره من سنين صابر عليه
دخل اللي حبيته بكل جوارحي
اجه رفع البركع وباسني براسي وكال مبروك عروستي....
______________
نرجع
مدينة الاعظمية الساعة التاسعة ليلاً
كاعدين بحديقة بيت جدو النة يومين راجعين من السفر ملتمين بحب والكل مرتاح الحمدلله .
الي صار اندكت الباب فتحها ثائر ودخلت ام شجن...
تحجي ومدنكة راسها وتفرك بيديها بخجل ..
أم شجن: السلام عليكم ..
زهرة: هله حجيه تفضلي ..
ام شجن: اعرف اجيت من غير موعد وغير مرحب بيه بيتكم بس عندي حجايتين احجيهن واروح .
اباوع على بابا صار اعصاب ويهز برجله وينافخ .
ام شجن: ابو رسيل اللي صار صار واني مالي عين حتى اعتذر منك بس اعتبرني امك وجايتك .
محمد: حجية بلا مقدمات كولي العندج وتوكلي .
ام شجن: اني راح اشيل منايه واريد خدمة من ابو رسيل واتمنى مايردني .
محمد: شنيه الخدمه حجيه اذا نكدر عليهة ما نقصر ..
ام شجن: اريدن يطلك شجن وتروح بفالها جايها ناس خطابه ومن اهل الله و ما يدرون هيه متزوجه .
صادق: كلتي من أهل الله وهم كربسيها براسه وتلعب من وراه ما ستحيتي على شيباتج جايتني مناك لهنا تحجين هيج حجي وبكل عين صلفه تردين اطلك مرتي حتى تزوجيها .
ام شجن : بس انت ماتريدها يايمه ليش مجلب بيها عوفها لحال سبيلها .
صادق: بكيفي والله اني اريد مرتي و مايعجبني اطلك .
كلنا صفنه على بابا شكاعد يحجي يامرتة مو جانت يمه وبدون مشاكل ما يريدها هسه يتمسك بيها .
أم شجن: اذا رايد مرتك ليش ما ترجعها ونخلص من حجي الناس .
صادق: بكيفي اني اريد الناس تحجي وتاكل وجهكم وما اريد اطلكها وتلعب بكيفها ، حجيه انتضري يومين ويجيكم قرار من المحكمة اطلبها بيت طاعه .
محمد: صادق تحجي صدك انت شبيك تخبلت ..
صادق: لا متخبلت بالعكس بكامل قواي العقليه واللي دا اسويه من حقي .
محمد: تعال اريد احجي وياك كوم ويايه ..
صادق: احجي هنا ام شجن مو غريبه نسبان بعد ..
محمد: كوم لتعاند .
صادق: شبيك اشوفلها بيت هنا قريب وتجي تكعد بيه لا تطلع على احد ولا احد يطب عليها .
محمد: خوش وتجيك حجايه على ابو كح..... ورجعها
صادق: اللي يحجي هو والنعال ما يهمني على اساس هسه ساكتين .
الكل سكت وصار هدوء وام شجن تسحبت على كيف وطلعت وكبت العيطة بين بابا وخالو وحسام.
حسام: عمي شكاعد تسوي ما عولنة نخلص من هاي السالفه وتنسد طلعت بشغله جديده.
صادق: اريد اربيها عبالك اخليها تفلت بالسوته بسهوله والله لا اعيشها المر اخليها تنام وتكعد تلعن اليوم الشافتني بيه والساعه اللي جتي بيها للدنيا.
محمد: ومنو يخليك على كص ركبتي تسوي هاي الخرابيط ..
صادق: سويتها وخلصت اجرت بيت بمكان محد يندله وكلفت محامي توب لزم القضيه اريدها تجي حتى ابرد كلبي بيها .
ŞİMDİ OKUDUĞUN
العروس في الثوب الاسود
Romantizm#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
