نور: عليج نور اي هو جا(اجه) فوك ٣ بنات ، عمي علي طار بيه طيور وجدي هم وجدتي ، وهاا هو اكبر ولد عمامي واكبر اخوتي ، من يوم يومه ثكيل وما يرضى يلعب وي البعمرة دوم تشوفينه مرافج الاكبر منه بالعمر ومن عمرة خمس سنين يحضر كعدات وفصول وي عمي وجدي .
يوم بعد يوم صارت جلمة مروان مسموعه اللي يريده يتنفذ ومن كبر صارت جلمته تمشي على الكبير قبل الصغير عدا عمامي وجدي طبعا .
مروان من هو وصغير حلمه يصير ضابط ،وتوفرت كل السبل اله كمل علامه ودخل دورة ضباط وصار ضابط ويوم بعد يوم بده يترقة ويكبر.
رسيل: هممممم
نور: عمي علي عندة بناته الثلاثه الكبار ازهار الجبيرة عمرها قريب ٤٧سنه ، بوراها ابتهال اصغر سنه ماعرف شكد بالضبط والخ انتصار، من بعدهم مروان عمرة ٣٦ ، وايهم ٣٤ وياسر ٣٢ وشوق الله يعينه عليها المصيبه صغيرة الكعده ومدللة البيت محد يحجي وياها عمرها ١٨ سنه جابتهة عمة شيماء على كبرر .
رسيل: خوش مسطرتهم مرت عمي فوكه فوكه .
نور: ههه كون تسمعج هسا ، هيه من جابت مروان وجده وكفتلها هاي الوكفه جيبي ما جيبي لن بطنج انفتحت وربج زرع بيهة الولد.
رسيل: ليش هيه بيدها كله رزق من رب العالمين وشمدريها راح يجي ولد ورة مروان.
نور: عقليه اهل قبل على نياتهم عدها اذا جابت الولد تجرها ولد واذا جابت بنات تجرها بنات.
رسيل: وانتي بنت ياعم بيهم .
نور: انه بنت عمج جابر اكبر من ابوج ويعتبر الثالث بعمامي ، عنده قسور ، وسرمد ، ولؤي، وحاتم ، والبنات انه وهديل اختي .
رسيل: ماشاءالله كلهم عدهم ولد خوش عصابات .
نور: هههه ما ازعل منج شما تحجين اعرف البداخلج نظيف وابيض فد من حركه كلبج هيج جاي تحجين .
رسيل: وبعد منو عندي من العمام الحلوين .
نور: عمج جواد عنده حازم وكرار وسام وسيف ، والبنات ، نوران ورغد وغيداء .
وعندج عماتي اعددهن خير من الله للصبح ما نخلص منهن ومن خلفتهن
رسيل: لا عفيه دخيلج السمعته كافي عليه صدميني غير يوم،
نور: خيه انتي صدك مخطوبه لو جذب .
رسيل: لا صحيح
نور: يحبج عاد .
رسيل: جريت حسرة قويه ، اي يحبني ، دنكت وكمت ابجي ، تدرين يومية يصعد بليل يفتح باب غرفتي يشوفني نايمه لو كاعده ابجي ، يكعد يواسيني ويصبر بيه ويهون عليه مصيبتي، هسه منو يصبرني نور منو ضل الي ، اني جنت اواسي نفسي واقنعها راح اشوف اخوتي واسافر الهم شلون هسه فلست من كلشي لا اخوان ولا اب وام ولا حتى خطيبي هم اخذو مني ، وتريديني ما اكرهم ..
ŞİMDİ OKUDUĞUN
العروس في الثوب الاسود
Romantizm#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
