شمرت السطله والغراض من ايدها وركضت عليه حضنتني وكامت تبجي..
رسيل: ليش حبيبتي البجي ، نورة راح ابجي اني هم.
نور: عذريني انه اذيتج.
رسيل: لا ما مأذيتني بالعكس ليش هيج تحجين ...
نور: انه ما كدرت اشهد بجانبج ، لان يأذوني ، لهذا مالي عين اباوع بعينج ..
رسيل: عاذرتج واعرف كلش زين نيتج شنو وشكد داخلج نظيف ، وحقج اني لو بدالج هم ما ادخل نفسي وافضل السكوت، وصدكيني مزعلانه منج، انتي اختي بمثابه ريناد عندي؛ وحتى تعرفين اني مزعلانه منج ، بعد نتقاسم الشغل وما اقبل ترفضين.
نور: ايدج لسه ما طابت وكتلج تطيب وبلشي.
رسيل: زين انطيني امسح الغراض وهاهيه لا بيهن تعب ولا اشيل ثكل.
نور: ماشي هاج من وين تبلشين ؛ بلشي بالصاله كملي غراضها وبعدها غرفه النوم .
رسيل : تمام.
بلشت نورة تنظيف ؛ واني بلشت امسح بالغراض كملت مال استقبال ودخلت لغرفه النوم، شنو من غرفه دزاين عجيب بس جربايه وكم سندانة زرع ورفوف عليها كتب واقراص ، وتحفيات ؛
كلش هادئه الغرفه؛
بس اللي لفت نضري مكان الكنتور وين ؛
اخذني الفضول وبديت ادور باوعت اكو باب بداخل الغرفه فتحتها وفتت،
لكيت غرفه ثانيه بيها كنتور وميز تواليت وكومدي عالي بيه مجارير فتحت باب الكنتور ؛ جذبني عطر بالملابس يجننن ،
والملابس مرتبات حسب تدرجات الألوان ؛ فتحت الباب الثاني قوط والخ، بيه اربطه واحزمه؛ والخ دشاديش وغتر ، واكو ملابس بيت والباب الاخير بيها بدلات عسكريه.
والله هذا مهتم بروحه ، عجبني اشوف نوعيه العطر اللي يستعمله ، رحت للمجرات فتحتهن اول مجر بيه عطور ؛ اخذت كم واحد رشيت منهن لا مو نفسه اللي شميته ، ضليت اطلع واحد ورة الثاني الى ان لكيته؛ بس شنو الغرفه صارت ريحتها خبط عطور هههه.
توني رشيت غمضت عيوني وشميت العطر .
مروان: هاااا عجبج ........
يتبع......
عروس في الثوب الاسود
البارت الثاني والاربعون
مروان: هاااا عجبج .؟
التفتت واشوف مروان هذا شجابه صار كم يوم ماكو على حضي اليوم اجه، من الفزة وكع العطر من ايدي وتكسر ، نزلت للكاع حتى اشيل الكزاز ، ومحجيت شي ولا باوعت عليه بس احس بيه كاعد يباوع عليه.
مروان: ماكتيلي عجبج ؟
جنت الم بالكزاز ذبيته من ايدي وكمت وكفت باوعتله،
رسيل: لا بس جنت.دااا
ارتبكت وهو قاطعني..
مروان: على كيفج دكات كلبج وصلت يمي ، شكالولج ماكل بشر قبل.
YOU ARE READING
العروس في الثوب الاسود
Romance#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
