العروس في الثوب الاسود

تكمله

نتر بيه وطلع ركع باب الشقه حيل وراح مرجع غير بليل ساعه وحده هيج، نايمين اني ونور وهو فات سمعت باب الشقه انقفلت ، ردت اكوم اروح عليه بس كلت خاف ضايج بعده.

سمعت صوت الدوش يمكن فات يسبح بس شلون ملابسه هنا، كمت طلعت تراكسود وملابس داخليه وخليتهن على القنفه بالهول وفتت مددت.

ورة نص ساعه انفتحت باب الغرفه همس..

أيهم: رسيل كاعده .

رسيل: اي

أيهم: اكو اكل لو انام .

رسيل: لحظه جيتك ...

كمت طلعت شفته كاعد على القنفه يدخن ، تقربت يمه كعدت...

رسيل: اول مرة اشوفك تدخن.

أيهم: من اضوج اشرب كم وحده .

رسيل: ليش ضايج احجيلي اذا تحب .

جر نفس صدره ارتفع وهبط..

أيهم: عبالج هينه عليه امي تجي لهنا واصدها ؛ تشوفيني اضحك فد داخلي اتكطع اريد اروح احضنها وابوس راسها ، من اتذكر سوالفها اضوج.

رسيل: الله يصفي الكلوب ، اروح اسويلك اكل .

أيهم: اي شي موجود جيبي لتعبين نفسج.

رسيل: ماشي

كمت كليت كباب باقي عجين من العشا وطلعت زلاطه وطرشي وسويت لفتين وياهن قوطيه ببسي .

أيهم: رسيل جاي فدوة راسي راح ينفجر .

رسيل: اي حسوي .

سويت جاي صبيته ورجعت الببسي للثلاجه خليته كدامه وكعد ياكل، كمل شلتهن  اوديهن للمطبخ كال...

أيهم: رسيل بدربج بطانيه وطفيلي الضوه راسي .

رسيل: اي صار .

رحت جبتله بطانيه جان متمدد وايده على عينه .غطيته وجبتله براسيتول .

رسيل: ايهم هاك هذا براسيتول بلكت يفك الوجع..

أيهم: ماخذ من العصر لسا نص شريط عبالك شارب جص ولا يأثر.

رسيل: الله يساعدك محتاج شي .

أيهم: سلامتج

رسيل: تصبح على خير

ايهم: هله .
.
ضليت مخنوكه لان ضايج ..

رحت اريد انام ما اكدر بس اتكلب .
ثاني يوم كعدت على صوت نور تتقيء ، تخبلت ركضت عليها للحمام ساده الباب ، دكيته وصحت..

رسيل: نورة حبيبتي شبيج ..

مستمرة، شسوي هسه اني

رحت على أيهم طالع شعجب اليوم من وكت ، ركضت على شقه ياسر جانت الساعه سته ونص دكيت الباب حيل ؛ اجاني صوته، جاي جاي ؛ طلع وفاتح نص عين .