العروس في الثوب الاسود

١١_________١٢

العروس في الثوب الاسود

البارد الحادي عشر

تمنيت لوهلة أن اعود طفلآ!
حتى التقيكِ
دون أن تحول بيننا مسافات
أهمس على مسامعكِ: أحبك
أتشبث بيمينك، وأستشعر أناملك

تمنيت أن أعود طفلا
لكي أعبث بشعركِ كيفما أشاء
لأحتضن وجهك بين كفوفي

أتأملكِ وأبحر في طيات ملامحكِ حد الغرق
تمنيت أن اعود طفلآ
حتى أغضبكِ بعفوية مشاكساتي
وألوذ لأضلعكِ هاربآ

لأقص عليكِ أصغر تفاصيل يومي
وأطيل الحديث لعينيكِ دون أنقطاع
حتى تتغني لي بأكثر الأغنيات التي أحبها

وتمتلئ حواسي بصوتكِ الى أن أغفو
_______________

طلعت ريناد تمشي سريع وطلعنه وراها بابا كام يركض  حتى مدفع الحساب طلعنه وهيه تمشي سريع مستمرة والشارع العام كبالها ،،،،،،
لحضات وصوت هورن مال سيارة عاالي ما اعرف شلون بابا جرها ،،، جان نمردت حضنها وكام يبجي،،،

من الخرعه اغمى عليها بحضن بابا شالها ودخل بيها للمطعم دخلها للحمامات غسل الها وكعدت،،، ارتاحت شويه ورجعنة للبيت اول مدخلنه صعدنه فوك ،،ريناد مددت أطمن بابا عليها وراح لبيت جدو جاب اران واجه نزلت جوة بعد ما نامت ريناد رحت لغرفة بابا دكيت الباب ...

رسيل: بابا ادخل..

صادق: تعاي رسوله ..

طبيت وكعدت يمة ..

رسيل : شلون صرت بعدك تعبان من الخرعة...

صادق: والله حيلي انهد لو لا لطف رب العاليمن بينه جان صارت كارثة وراحت اختج من ايدي.

رسيل: الحمدلله والله موقف اليوم كل ما اتذكر شلون بينها وبين السياره شعراية اتخبل .

صادق: الحمدلله الله يكفيكم الشر باباتي..

رسيل: بابا لتتزوج عفية شفت ريناد شلون تأذت احنه منحتاج احد يساعدنه واذا على عمة زهرة اني كبرت واروح يوميه اساعدها .

جر راسي على صدرة وشبكني وكال..

صادق:  هاهيه اني اصلا جنت رايدها من الله وهيه جتي عدله .

رسيل : اي عفيه بابا منريد وحده تشاركنه بيك..

ابتسم بتعب..
ضلينه نسولف لحد ماغفيت يمة كعدت الصبح لكيته ماكو هو واران عرفت رايح لبيت جدو .

كمت غسلت ورحت وراهم طبيت واسمع بابا يحجي ويه عمة وخالو بغرفه بيبي ضليت كاعده بالهول ..

محمد: هذا كلامك الاخير ..

صادق : اي وما اغيره وما اريد اي واحد يفتح الموضوع مرة ثانية ..

محمد: ادري ليش غيرت رأيك مو قبلت وكلت هذا هو اروح اشوفها..

صادق: أكلة اطرش يكلي غنيلة ..
أكلة بنتي رادت تموت البارحة وربك نجاها بمعجزة يكلي ليش غيرت رأيك

محمد: مال اطرش اي انت اطرش وابصملك بالعشرة بس مال تغنيلي لا واليرحم والديك صوتك صوت معزة تعتعت ..

صادق: خلف الله عليك وبعدين انت وين سامعني أغني..
محمد: هههه منو يومية ساعة ٣ بليل يكعد يغني وينوح بالحديقة عبالك ما ادري ..

صادق: وهاي انت ماعندك شغل وعمل تكعد تتسنط عليه ادري خفاش حتى بليل تضل كاعد ...

محمد: والله مرات اضوج واطلع اكول هسه بدة ينحب واكعد اسمعلك من تكمل اطب جوة ..

صادق: هاي تكعد تضحك عليه واني حال الضيم حالي مشكور خوية ...

زهرة: يمعود هو هيج يحجي يومية يكعد على الكرسي وتشوغ روحة يكضيها بجي واني اوكف على صفحة ابجي على بجيكم وتالي من انت تدخل جوة هو يدخل يصلي ويقره قران للمرحومة وينام وهذا حاله يوميه .

محمد: جر نفس وكال الحمد لله الله يصبرنة...

صادق: همزين الله كتبلي عمر علمود اعرف عندك احساس ...
محمد: اني كلبي رهيف من زمان بس انت ماملاحظ .

زهرة: يلا كومو نتريك حروح اصيح البنات واجي ..

طلعت عمة زهرة شافتني كاعده بالهول ابتسمت ...

زهرة : ها يمة صباح الخير شوكت اجيتي ...

رسيل : توني اجيت شفت بابا ماكو وريناد نايمة ضجت وحدي ..

زهرة : زين تسوين توني اريد اجيكم اكعدكم علمود تتريكون ويانه ريناد شلون اصيحها اني لو انتي..

رسيل : اني حروح اصيحها واجي ...

زهرة: يلا على ما اصب الجاي ...

رحت اصيح ريناد اول مافتحت الباب حسام صار بوجهي توه جاي بالبايسكل يروح محاضرات ..

حسام : ها وين ..
رسيل : وين يعني لبيتنه ..

حسام: شو وحدج..

رسيل : منو يجي وياية وهو البيت هياته من بعده وخر عفية .

حسام: اخ من عنادج امشي صيحيها واني واكفلج هنا
رسيل : ميحتاج محد راح ياكلني ..

عفته ورحت كعدت ريناد على ما غسلت وبدلت لان نامت بهدوم الطلعة طلعنة من البيت واشوفه واكف صافن من شافنه عقج وجها..

حسام :  ادري رحتي تصيحيها لو نمتي يمها ..

رسيل: والله مكتلك انتضرني ..

حسام : شلون لسان عليج شو انتي متحترمين ...

رسيل : انت ملاحظ احنة بالشارع واكفين...

عفته وطبيت جوة رحت يم عمة حضرنه الريوك وكعدنه بالهول وتريكنة كلنا سوة .

مشت الايام عادية ماكو اي شي جديد خلصت السنة الدراسية ونجحت رحت للثالث متوسط وريناد أول متوسط صرنة نفس المدرسة وحسام كمل سادس وطلع معدل ٨٥ وطلع القبول مالتة كلية قانون جامعة بغداد هو رادها خلاها اول شي قبل الدوام با أسبوعين أجوي بيت خالو علاء هو و ولدة أحمد الكبير عمرة ٣٠ زوج نبراس و وليد اصغر من احمد عمرة ٢٥ وزيد ١٩ سنة بعمر حسام والبنات ولاء عمرها ١٧ وافنان ١٤ نفس العمر اني وياها من