دخلت لغرفتي الهث هم صعدت سريع وهم هو نضراته اول مرة واحد هيج يباوعلي ، زين هو مو بالدوام شجابه حضي كعدت احسب ؛ ضربت كصتي اخ اليوم نزلته صدك......
ومرت الايام من بعد هذا الموقف كمت ما انزل اله بدشداشه ومرات البس الشال مرات انساه .
وبيوم كاعده بغرفتي اتفرج على التلفزيون وطبت نور تملخ بوجها .
رسيل: خير شكو شبيج منو مات
نور: انتي انتي وتملخ بروحهة ...
ضحكت شبيج خبله شنو متت مو هياتني ..
نور: انتي وكعتي بمصيبه وبس الله يكدر يطلعج منها واتصلت على ايهم مجاي يرد عباله نريد شغلات للبيت وما يجاوب...
رسيل: غير افهم شكو شبيج تكمزين .
نور: امجد الكلب رايح لمروان ولياسر للمحل .
تحجي وترجف
رسيل: شو تعاي كعدي وفهميني على كيفج كلبج راح يوكف منو هذا امجد ...
نور: امجد واحد كلب وساقط ابن عمه صبريه رايح لمروان وياسر كايل الهم لزمو بنت عمكم تتحارش بيه وكل ما ادخل اريد اشوف جدي هيه تتقصد تنضف كدامي الديوان تنصي وتسوي حركات وانه لخاطركم ساكتلها مرة ثانيه افضحها بين السلف.
رسيل: وهذا اني وين شايفته وحتى اول مرة اسمع ب اسمه .
نور : ما اعرف رسيل شنسوي كليلي.
رسيل: ومنو كلج بهالحجي
نور: ياسر خابرني وكال صح هذا الكلام كتله لا وحلفت اله .
رسيل: هذا هو اني هم يسألوني وانكر الصار محد اله شي يمي...
نور: الله اليستر .
اندكت الباب نور فتحتها ياسر يطلع دخان من راسه من الاعصاب صاح...
ياسر: رسيل تعاي دقيقه .
راح ومشيت وراه نزلنه جوة مروان كاعد وشيماء وعمو علي. وكفت .
علي: تعاي بابا كعدي هنا .
حجاها ويأشر على المكان البصفه..
عاط مروان ما تكعد اسألها بسرعه .
علي: بابا امجد جاي لهنا وحاجيه وياه .
رسيل: عمو والله اول مرة اسمع بيه واصلا ماشايفته ولا اعرفه ولا اعرف عمه صبريه عدهه ولد اسمه امجد .
اباوع على مروان منصي راسه ويهز برجله ،
علي: فد هو يكول انه اجيت وانتي طابتله للديوان ومنضفه جدامه ومسويه حركات.
ضحكت ،
رسيل : ابد مو صح اني لا ماسحه كدامه ولا شايفته .
شيماء حجت من يمها .
شيماء: انه سمعتج بهاي اذني وشفتج شوف عين .
وتأشر على عينها التفتت الها فتحت حلكي من الصدمه تفاجأت بيها .
ESTÁS LEYENDO
العروس في الثوب الاسود
Romance#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
