كمت لبست دشداشه ورحت غسلت وجهي ورتبت شعري ملبست حجاب عناد بيه، منا وجاي اله كلشي اسويه بالعكس بسيطه ،
نزلت وشفت كومه نسوان نفسهن اللي اجني بفاتحه بابا بس اكو بعد بنات صغار بكدي واصغر واكو اكبر مني بسنه وسنتين ، فرتني نور عليهن هاي عمتج فلانه وهاي فلانه وهاي صبرية، وكملت الباقيات خمسه هنه ، وهاي مرة عمج جواد وهاي مرة عمج جابر بوستهن و وصلت للبنات هم عرفتي عليهم بوستهن وصلت لهاي الجانت يم مروان من بستها ، شاورتني .
رغد:هذا اللي يعاند جبيرنه هيج يصير بيه .
وخرت منها وابتسمت وكتلها جبيرج ، اني ماعندي جبير غير بس الله .
عفتها ورحت كعدت وبده النفاق ؛ هاي تنفخ بنتها والخ تمدح با اخلاقهن ويوووو كوم نفاق جان تحجي اللي اسمها صبريه.
صبريه : والله احنه ربينه ونعم التربيه بنات اصول ومتربايات ، عينهن مايرفعنهن بعيون الزلم وعدهن احترام للصغير قبل الكبير ومو فد هيج بنات حموله وكلبهن يسع الكل واهم شي ماعدهن علاقات وي زلم ومحاضن ، وتختل بالبيوت.
عرفتها تقصدني ابتسمت كلت لعد الشفته فوك شنو جان يلعبون بيت بيوت .
سكتت ضلن وحده ترفع والثانية تكبس وملتهيات بالغيبه والنميمه حتى ماحسو عليه من كمت من يمهن .
تسحبت على كيفي ورحت ورة المنور شفت اكو دبه نفط اخذتها واخذت شخاطه وطلعت بالحديقه.
اني نفسيتي تعبانه من وفاه بابا واللي صارلي شي فوك شي كلت اموت احسن .
شلت دبة النفط فتحتها ودرتة على راسي ........
يتيع........
العروس في الثوب الاسود
البارت الاربعون
دخلت قطرات من النفط بخشمي وعيوني ،شمرت الجداحة وضليت اكح واشهك ، سمعت صوت واحد اجه ويحجي ، بس مكدرت اشوفه منو لان نفط دخل لعيني.
أيهم: هاي منو هنا ، هييي ، استغفر الله ليش محد يجاوب ...
اسمعه يحجي والصوت صار قريب عليه اكثر ...
أيهم: رسيل ؟ شنو شبيج ، شنو ريحه النفط هاي
فتحت عيني كوة باوعتله ، شفته عين عليه وعين على الدبة ، مصدوم دنك اخذ الجداحه وباوعلي...
أيهم: هاي شنو تريدين تحركين روحج ، لج شبيج تخبلتتييييي...
كام يصيح ، على صوته اجه ياسر صاح...
ياسر: شكو شكو شبيك تصيح.
أيهم: شوف تريد تحرك روحها .
حجاها والتفتلي كز على اسنانه...
ايهم : امشي كدامي للحمام بسرعه خلي وحده من البنات تسبحج ، شنو هاي الرعونية وصلت بيج تحركين روحج تردين تبلينه انتي..
YOU ARE READING
العروس في الثوب الاسود
Romance#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
