العروس في الثوب الاسود

تكمله

دارني للمرايا وكلي شوفي ...

باوعت صدك مورم واخوف ..

رسيل: غير جنت ابجي ...

حسام: ومنو يسوه تبجين عليه بس والله سباعية يكولون ماسحة الكاع بشواربهم .

ضحكت .

رسيل: وانت ليش انهزمت جبان جان صرنه جبهة وحده ضدهم

حسام: ام الجبهات انتي شمدريج نايمه هنا بالكهف واني اجيت قبل كم يوم العصر وتعاركت ويه ايهم كوة فاككونه .

رسيل: ليش تعاركت وشوكت اجيت شو ماندري وعمه كالت انت بيت خالك .

حسام: صح جنت هناك بس ضليت ألوب ردت اشوف الوضع شنو واجيت وردت افوت لبيتكم وايهم الكلب مخلاني.

رسيل: ليش مخلاك قابل بيته .

حسام: شمدريني عوفج منهم كومي غسلي وامشي نتمشة .

رسيل: مابيه حيل ..

حسام: كومي كومي اني اجيت مناك لهنا لان كالو كاعد تبجين واني جنت حالف ما اطب بيت اهلي .

رسيل: وليش بله ...

حسام: غير انتي ما شفتي من طلعت من يمكم بيوم المشكله ابويه شسوة بيه وشغلط غلط طلعني واحد دايح وابن شوارع .

رسيل: هههه والله صرنه فلم خلال اسبوع لو يبقون شهر شيصير.
حسام: راحوا عساهم مارجعوا ..

بدلت ونزلت شفت بابا متمدد على القنفة بالهول رحت كعدت بالكاع يم راسه .

رسيل: بابا اني اعتذر زعلتك مني بس هو تجاوز على ماما ومكدرت اسكت .

صادق: لتسكتين وخليني علج بحلوكهم اهم شي تردين حقج وابوج ضربيه بعرض الحايط.

رسيل: بس بابا ..

قاطعني

صادق: لا بس ولا تبسبسين انتي غلطانة والغلط راكبج المفروض لو صدك تحترميني وتكولين عندي اب تجيني بابا ترضه هيج وهيج يحجي مروان اذا ما اخذت حقج ذاك الوكت هدي لسانج وعاركي الولد ،ماستحيتي ماخجلتي رجال شطوله ومشورب حجايه بحجايه وياه وبعدين من ابويه يكلج شيلي السفره ليش تهزين بيدج كدامهم هاي تربيتي الج هاي اخلاقج حرامات بيج التعب التعبناه اني وامج من تالي وكت تجينه حجايه بسببج .

ردت ابوسه دفعني مقبل وكام دخل لغرفته وسد الباب كعدت على القنفه شكو بجي بالدنيا بجيته وشكو قهر بكلبي طلعته بحيث فقدت .

حسام: على كيفج راح تموتين كومي نطلع نغير جو .

رسيل: ما اطلع ...

عفته وصعدت لغرفتي سديت الباب ، ضل يدك بالباب ويحجي على كيف ..

حسام : رسيل فتحي بس احجي وياج واروح .

رسيل: حسام روح الله يخليك اريد انام .

حسام: جذابه متنامين فتحي الباب..

عطت ..

رسيل: رووووووح حسام روووح ما اريد اشوف احد .

ورة شويه سمعت صوت نزلته من الدرج ،حضنت مخدتي وابجي ما اعرف لاي ساعه اني كاعده حتى ما اكلت .

مشت الايام عاديه تشبه القبلها بس هدوء بدون عواصف داومت من بعد غياب اسبوعين وشرحت وضعي للمديرة رادت ولي امري بوقتها خالو راح لمدرستي رجعنه اني وريناد وراح لمدرسه ثائر .

رجع الدوام نروح ونجي بالخط ومن نرجع نلتهي بين الدروس والواجبات وشغل البيت ويخلص الوكت .

اجتي امتحانات نصف السنة بشهر الواحد امتحنة وخلصنه على خير بدت العطله وهاي الفتره اني وبابا علاقتنه مو مثل قبل على كد الصخرة اذا راد مني شي او يسألني على شي ميسولف ويايه مثل قبل اعرف طبعه بابا هيج يسوي حتى يعلمني درس ما انساه و السويته خطأ ميسامحني عليه بسهوله حتى اذا اريد اعيده افكر الف مرة قبلها...
صار عرس ياسر واكيد مرحت اني ولا ريناد فقط بابا واران يومين ورجعوا اسمعه يحجي لخالو من شاف امه شصار هو يبجي وهيه تبجي وشلون نصه على رجلها باسها . ورجع علمود عنده دوام اله هيه واكعتله دخيل دم حتى يضل يمهم فتره اطول ، وعدهم يروح بأقرب فرصة تصير.

ثاني يوم العطلة اجة بابا وكال حضرو ملابسكم باجر ورانة سفر........

يتبع....

العروس في الثوب الاسود

البارت السادس والعشرون

مشهد مستقبلي 💫💫💫
.
.
.
صافنة وسمعت صوت باب الشقة اندكت  كمت على كيفي فتحته .

رسيل: شرايدة عندج تهمة جديدة تذبيها عليه وترحين ..

باوعتلي من فوك ليجوة بشماتة كالت ..

شوق : كالو مضروبة ومزوركيج

رسيل: عبالج ما اعرف انتي اللي ضميتي السوار واتهمتيني اني بايكته قشمري على الكل بس ربج فوك يشوف ويعرف كلش زين الحق من الباطل والج يوم توكعين بشر اعمالج وتذكريني وكولي هاي حوبت رسيل طلعت بيه .

ضحكت ضحكة طويلة وكالت..

شوق: والله زين بعد بيج حيل وتلاسنين كلت من بعد العياط السمعناه الكاج ميته اكيد اخويه ما قصر لو ما العيبة لا اهلهل و ابوس ايدة لان برد كلبي بيج .

رسيل: يجيج يوم صبري ان غدا لناظره قريب مسلمتج بيد الله والعباس اللي تكومين وتكعدين تحلفين بيه كذب .

كامت ترجف ..

شوق: تدعين عليه لج تدعين عليه

كامت تعيط و تملخ براسي اني محركت ايدي لان حيل ما بيه عفتها تملخ براسي حتى كمت ما احس بوجع ولا ابجي تعلمت على الضرب ، طبت نور تعيط وتجر بيها .

نور: ياحقيرة ياحية لانها فقيرة كدرتج عليها خافي ربج باجر عكبه سوالفج تنرد الج ياضالمة يوميه تاهمتها شكل ومسويه افلام عبالج كلنا ندري هاي سوالفج و رسيل ميطلع منها العيب عمنج غيرانه منها ومن جمالها وثقافتها هيج تسوين تريدين تملين النقص البداخلج بأذيتج لهاي المسكينة بس مو صوجج صوج اخوج اللي يضرب بدون مايفهم والله