وبيوم ٤/١٨ جان يوم الصورة مال حسام قبلها بيومين توسل ل بابا ياخذني وياه للكليه بالبدايه رفض بس حسام قنعه ، على ضايجه وصار هواي ما طالعين بسبب الوضع .اخذني واشتريت زي نيلي بنطرون قماش وسترة وياها قميص ابيض .
رسيل: ترة عندي ملابس كومة ، ليش اله البس مثلكم
حسام: اريدج توكفين بصفي من اطك الصورة
رسيل: شعندي واكفه وياكم والله استحي عفيه لتحرجني ..
حسام: لخاطري اول مرة اطلب منج طلب .
رسيل : ماشي ...
صار موعد الصورة شسورت شعري ولبست القاط وخليت مكياج خفيف وقبل يوم عمة سوتلي شواربي ونظف حواجي ، طلع تغير كلش قوي عيوني احسها نفتحت اكثر من قبل.
بهاي الفترة خالو نقل جربايتي والكنتور لبيتهم نطوني الغرفة الفوك .
نزلت وحسام مخبوص يفتر خاف ناسي شي .
رسيل: هاي شنو كملت وانت بعدك ....
التفت عليه وصفن فتح حلكه وباوعلي من فوك ليجوة .
رسيل: يمعود حلكك سدة راح يوكع بالكاع .
الوو ، ههههه شبيك .
حسام: ولج هاي شطالعه بطلت ما اخذج .
رسيل: يلا بعد احسن ارجع انام التفتت اصعد جان يركض صعد الدرج وجرني .
حسام: شبيج ما تتحملين شقه، امشي ما اروح اذا مو انتي ويايه .
طلعنه وصعدنه بسيارة خالو مشينه شويه وكال يااا وضرب على كصته .
رسيل: شكو يمعود
حسام: لج نسيت سترتي
رسيل: ههههه زين منسيت روحك
حسام: اي والله زين ما نسيتها
رجعنه نزل جابها واجه . طول الطريق يتلفت عليه ويكول والله مال ارجعج شلون بيه .
حسام :فتحي الجكمجة .
رسيل: فتحتها .
حسام: ناوشيني ذاك القرص.
رسيل: هاك ..
خلاه بالمسجل مال سيارة وشغلة ضل يكلب بالاغاني
رسيل: اصفالك على وحده عاد مو راسي بده يوجعني
حسام: صبري اكو وحده احبها هسه تطلع
اي هاي،
صعد الصوت جانت اغنيه لكاظم الساهر .
ما عندي ألماس وقصر .. لكني ميسور الحال
عندي كلب ليرة ذهب .. وصحتي عال العال
ما اواعدك الا أوفي موعدي ..
خطوة خطوة منا حبنا يبتدي ..
بيت على كد أحلامنا .. وعيشة على كد الحال
تغنينا كلمة من الكلب .. والغنى مو بالمال
وصلنة لزم ايدي ودخلنا سوى للكلية ..
يتبع......
YOU ARE READING
العروس في الثوب الاسود
Romance#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
