العروس في الثوب الاسود

تكمله

أيهم: اشتكي يستاهل، حت يتوب يأذيج ويصيرله درس مهما يصير بينكم ما يمد ايده عليج.

رسيل: واهلك راح يسكتولي ، راح يخلوني اعيش بسلام.

ضحك ..
أيهم: تريدين الصراحه، امي وجده ما يبيتوج بلبيت..

رسيل: خلص ، عرفت جوابي، امشي وديني راح اموت من الألم .

رحنة للمستشفى وصلنه نزل ورة شويه اجاني،

أيهم: يلا نزلي خليت خبر يم الدكتور ، كال جيبها .

نزلت والألم صار اضعاف متت بجي طبيت لغرفه الدكتور ابتسملي .

_هاي العيون الحلوة ليش تبجي ، باوعتله وضحكت يطلع بكد بابا ومبين اريحي.

اشرلي اكعد ، كعدت واجه يمي

_شو طلعي ايدج اشوف ، رفعت الردن وطلعتها، باوع على ايدي والتفت لأيهم .

_ لازم تاخذلها اشعه وتجيني.

أيهم : ماشي .

كمت وطلعنه رحنه لغرفه الاشعة دخلت ، اخذولي اشعه وطلعت برة انتضرنه ورة دقايق ، راح أيهم جابها ورجعنه للطبيب شاف الاشعة .

_ مع الاسف هذا كسر واضح بمفصل الايد ولازم اجبسها الها.

خفت كلش ، ايهم خله ايده على كتفي ويربت عليه .

ايهم : لاتخافين بسيطه .

_شلون انكسرت ايدها هيج ، يباوع عليه وعلى أيهم ويحجي،

أيهم: دكتور

ديحجي اني جاوبت قبله.

رسيل: وكعت من الدرج ..

باوعلي الطبيب بنضرات ما مصدك.

_ تمام هسه ارد العظم بمكانه شويه راح تتأذين واجبسها الج.

لزم مفصل ايدي وجرة حيل عطت هيه عيطه وهيه عضة لايد ايهم كل قوتي عضيته لحد مكمل الطبيب  وجبسها لايدي يلا هديت ايده، باوعت عليه لكيته صافن عليه فشلت بس جنت محاسه شنو دا اسوي من الوجع.

رسيل: اسفه..

باوعلي ضحك ودار وجها للطبيب حجه وياه وطلعنه ، صعدنه بالسيارة ، شغلها ومشينه ، التفت عليه .

ايهم: تدرين عدنه جلب بوليسي بلبيت .

رسيل: اي شفته يخوف .

أيهم: تعرفين كم سنه صارله يمنه مربيه .

رسيل: لا شكد

أيهم: صارله خمس سنوات، تدرين ما فد يوم عضني ربع عضتج هاي...
حجاها وضحك ..

جاوبته بفشله ..

رسيل : اسفه مو قصدي والله.

أيهم: ولايهمج فدوة فد خفت لا الكه سنونج نابتات بيدي؛ شو بله ضحكي ..