٤٩_____٥٠
عروس في الثوب الاسود
البارت التاسع والاربعون
دخلنة للهول وأنصدم بمروان راجع ..باوعت عليه كاعد ورغد وعمي وشيماء مبين شاحنيه شحنة زينه ولو هو ميحتاج بس النار من ينصب عليها بانزين تشتعل اكثر .
التفتت عليه أيهم حجه بصوت مسموع لان عرف الوضع ما راح يمر سلامات .
أيهم: رسيل بوجهج فوك بسرعه .
مشيت اريد اصعد اول بايه جان يعيط .
مروان: اوووووووكفيييييي.
من الهبطة والله كعدت على الدرج خفت كلت هذا هو راح تصيرلي مصيبه ويتأذه أيهم من ورايه .
مروان: من شوكت تداومين .
أيهم: عوفها واحجي وياي
مروان: جاوبي من شوكت تداومييييين
أيهم: دا اكلك احجي وياي معليك بيها .
جانت اكو طبله كدام مروان بيها استكاين جاي وقوري وشكر .، بس أيهم حجه، مروان كلب الطبله وكامله، لزم أيهم من ياخته .
مروان: أنه سألتها الها وهيه عدها لسان تجاوب انت حسابك بعدين ، يحجي بصياح
أيهم: لاتاخذنه بصوتك وعربدتك ، دوم ما تتفاهم، على شنو هالاعصاب شلك دخل بيها ان داومت او لا ، انت تزوجت وعندك عائلتك حط عينك عليها ما لك شغل بغيرك.
نزل ايده مروان من تشيرت أيهم.
مروان: صح مالي شغل بغيري .
وجان يضرب أيهم كله على خشمه خلاه يفقد التوازن .
كام يصيح واخذنه بعياطه اني جمدت بمكاني لا بيه اكوم لايهم خشمه ينزف ولا بيه اعوفه واصعد ..كمت ابجي .
التفت عليه جان يكول .
مروان: ضميهن تحتاجيهن بعدين ،( يقصد على دموعي)
هو ومندار عليه كامله أيهم وضربه بوكس .
وتلازمو هاي ثاني مرة يتعاركون من ورايه.
صار صياح وعياط وحجي هواي انتهى بكلمه من مروان .
مروان: أذا عتبت الباب رسيل، طلقه براسها والله والله والله اخذها بمكان الجني الازرك ميندله واريد اشوف شلون تمشي كلامك عليه وتسجلها غصب .
وعاف وصعد فوك ، ركضت على أيهم جبتله خاولي جان معلك يم المغسله ، اخذه مني وخلاه على خشمه .
رسيل: تأذيت
أيهم: ماكو شي روحي بدلي وتغدي ليضل بالج ، نوررررر
نور: ها عيني ،
أيهم: غده رسيل؛ صعدي فوك بلا زحمه عليج.
نور: تدلل .
شيماء ورغد اتخذو موقف المتفرج حجايه محجن لان يعرفن أيهم يخبزهن خبز .
صعدت خايفه من الجاي وابجي انهارت اعصابييي شكد جنه مرتاحين والبيت هدوء بس اجه كلب البيت .
YOU ARE READING
العروس في الثوب الاسود
Romance#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
