العروس في الثوب الاسود

٧________٨

العروس في الثوب الاسود

البارت السابع

لا تنعتني بالجنون....
حينما تجدني أنبش في سراديب الأمس

عن عنوان حبيبة مضى على فراقها
عامان
ربما هو ضرب من الوفاء!
________

البيبي : يمة صادق أنت ليش ما تتزوج عاجبتك حياتك هاي..

بابا باوع على بيبي بصدمة صفن عليها وكال...

صادق: حجية كاعد تحجين صدك لو تتشاقين علمود أعرف شنو اجاوبج .

البيبي : ليش يمة هو هذا الموضوع مال واحد يتشاقة بيه.
صادق: شجابة على بالج وليش تفتحين هيج مواضيع وياي...

البيبي: يمة انت وبنياتك وابنك يرادلكم مرة حوك تقوم بيكم وبلبيت تشوف طلباتك اكلتك لبسك مايصير يايمه تضل هيج...

صادق: حجية شاكيلج ، سمعتيني فد يوم تذمرت من وضعيتي عايش ومرتاح مامحتاج لمرة تجي وتخدمني...

البيبي: انت هم قدر وضعنه شوف زهرة شصار بيها واني وسهاد يرادلنه مداراه ومحمد  تعب بلكت البنيه تطلع بنت حلال وتساعد اخيتك زهرة .

صادق: حجية اذا احنه ثقلنه عليكم اني مستعد اخذ اطفالي واكعد بيتي حتى لو اعرف ابطل من الدوام واكابلهم واكعد واذا على مساعده زهرة اني اجيب بنيه تساعدها،، كومة بنات اصول وشريفات يكيفن يشتغلن براتب واني ادفعه واتكفل بكلشي .

البيبي : يمه اسمعني ..

قاطعها بابا وكام ...

صادق: سمعيني حجية تشيلين هذا الموضوع من بالج تمامآ وما أريد اسمعه بعد والمفروض اني اجي عليج واكلج اريد اتزوج وانتي ماترضين لان بنتج ما صارلها هواي من ماتت الله يرحمها واني ما ابدل سوسن بمليون مرة اله اذا تخبلت ،، في امان الله .

عافنه وطلع...

خطيه بيبي كامت تبجي...

البيبي: هو ما جاي يفهمني اني كلت يراد النه مداراه مو بس هو وجهاله لازم تجينه بنيه تساعدنه ،،عبالكم سهله عليه من هيج حجيت لاوحق بيت الله حسيت خناجر طبت بكلبي..

زهرة: والله ياعمه شمدريج اللي يتزوجها  شنو ماشنو اطباعها تصرفاتها يجوز نحسة ما ترضى تساعد تكلج اني تزوجته اله شعليه بيهم...

البيبي : لا اكو بنات اصول هوواي واحنه من نخطبها لازم نكللها عن وضعنه تقبل اهلا وسهلا ما تقبل نشوف غيرها شو كومه بنات...

محمد: والله حجية ماعرف شكلج حيرة حجيج صحيح بس هو صعبه عليه خصوصا جرحه بعده جديد  ماطاب .

البيبي : الله يعين كلبه ويصبره ويصبرنه ...

انسد هذا الموضوع ومحد حجة بعد وبابا اسبوع مايقبل ييجي لبيت بيبي زعلان عليها  وحتى ملابسه هو يغسلها ميخلي عمة زهرة تغسلهن ولا يقبل تنظف البيت .تالي عمه راحتلة...

زهرة: شجاك ابو رسيل ليش تاخذني بذنب عمتي اني شلي دخل قابل اني كتلك روح تزوج لو تعاجزت منكم .

صادق: حشى خيتي ام حسام لا عاش ولا كان اللي ينكر فضلج لو يكول تعاجزتي بس اني ما اريد اتعبج واخذت اجازة ست اشهر راح اكعد بلبيت والحمدلله عندي فلوس مال رواتبي جامعهن يكفني منا لسنه حتى ما يحتاج اطلع اشتغل .

زهرة: ولشوكت هيج تضل هم تخلص الست شهور ويرجع الوضع مثل قبل .

صادق: لا البنات شويه يكبرن واران يكبر شويه واني اريد اساعدج متقبلين اول مرة ادري بيج بخيلة .

زهرة: هاهيه مثل متشوف وشوكت ما تحتاجني بس كول اجي اركض.

صادق: والنعم منج اخيتي كول وفعل الله يحفظج النه يارب

زهرة : الله يسلمك اني رايحة مع السلامه ..

صادق: الله وياج

مشت الايام بسرعه والعطلة شرفت على الانتهاء وراح يرجع دوام المدارس اخذنه بابا للسوك اتسوك النه ملابس وجنط وترانشوزات وقراصات وقرطاسية
واخذنه ملابس بيت  واشترى ل آران ملابس والعاب رجعنه وبابا حيل فرحان عيونه تلمع ،،

قبل من جانت ماما هو وياها ياخذونه ونطلع نشتري بس العام مرحنه لان بابا  جانت نفسيته تعبانه .

قبل الدوام ب اسبوع كاعدين نتغده واندكت الباب
طلع خالو ورجع كال صادق جماعه يردوك بالباب

صادق: منو ذوله

محمد: ما اعرف والله كوم نشوف منو .

طلعو  ورة ربع ساعه اجوي  الوجوه مكلوبه وحيل ضايجين ...

زهرة: منو ذوله وشبيكم ليش هذا حالكم ..

محمد: اهل صادق دازين ناس يتوسطون يمه علمود يرجع للبصرة وابوه الحجي صحته تعبانه ويريد يشوفه .

زهرة : اي كلش زين بلكت يصير صلح وترجع علاقتة
ويه أهله

محمد: ليش هو صادق نطاهم مجال يحجون تكول عبالك رشاش مو لسان صلاهم صلي وصار طفارهم ماله والي .

زهرة : ليش ابو رسيل ذوله هم اهلك وعمر الدم ماصار ماي ...

صادق: صار والماي خايس اني ما الي اهل غيركم وما اريد اشوف اي واحد بيهم ولحد يكولي اهلك واهلك رايح انام ساعه من رخصتكم ..

محمد: متشرب جاي ..

صادق : لا

راح بابا بس مبين مقهور اكيد يريد يشوف جدو ويرجع بنص اهله بس اللي سواه بيه وبماما قبل صعب يكدر ينساه .
وبيوم اجة بابا وجايب وياه مريه تطلع اصغر من عمة زهرة صاح ياالله

زهرة: تفضل ابو رسيل ماكو احد ...

فات  بابا وكال..

صادق : السلام عليكم ام حسام ..

زهرة : وعليكم السلام منو هاي البنيه خطار ..