العروس في الثوب الاسود

تكمله

فشرت وعيطت وبجت وراحت مثل الجلب .

لليل اجه أيهم شايل بيده غراض دفع الباب برجله وفات ...رحت يمه تلكيته بأبتسامة..

رسيل: اشيل وياك ...

أيهم : لا
فات وسدة الباب برجله

ايهم :  تعاي شوفي شنو جبت ..

رسيل: شنو

أيهم: وين نور اول...

رسيل: من اجني ذني السعالو اخذن امك وشوق وراحن لبيت صبريه يباتن هناك تعرف اجتماع مغلق يخص رسيل  نور من شافت البيت فرغ راحت تغسل ملابس ياسر وكالت انظف الشقه واسبح ايه وتجيبها وتجي .

أيهم: شفتي شلون مهمه انتي ..

رسيل: لا شلون يعني...

أيهم: شاغله بلد كامل والامم المتحده احتركت دك اجتماعات.

رسيل: هههه لا حرامات هيج تسميهن افكرلهن بأسم ثاني.

أيهم: دتعاي شوفي ذني الكتب ..

كعدت يمه وكمت اكلب بيهن..

رسيل :  المن ذني..

أيهم: جبتهن الج .

رسيل: ليش كلفت نفسك..

أيهم: انه ما حب هاي الكلمه لاتعيديها بعد .

رسيل: ماشي

أيهم: شنو عدنه اكل تره جوعان..

رسيل: اسويلك

أيهم: اذا بيج حيل بين ما اسبح

رسيل: تمام

فات للحمام واني رحت للمطبخ حضرت عشا النه كلنا، حرت اسوي جاي لو لا ، خلي اسأل أيهم ، رحت وصلت قريب الحمام واسمعه يدندن ويغني عجبني اوكف اسمع صوته....

عايل يالأسمــر عايــل
صبح ضعنهم شايـــــل
ما أگدر على ثمنهم تسعين ناكة وحايـــل
ماغير هذي السمرة الخلت بگلبي الحسرة
لك من زاخو ولحد البصرة والگلب صاعد نازل
....
ياعين غيمي وصبي ونزلي الدمع لاتخبي
ليش عايش ياگلبي ومحبووبك إنت راحل
عايل يالأسمــر عايــــل
صبح ضعنهم شايــــــل
ما أگدر على ثمنهم تسعين ناگة وحايـــــل
....
راحت ريمة الجزيرة الـ على حديثاتنا أميرة
خلت الروح بحيرة وگطعت حتى الرسايل
عايل الأسمـــر
........

سمعتها ما اعرف ليشش غرت حسيته يغني لحبيبته زين اني شعليه واذا تذكرها ، رسيل هاي شبيج .

رحت للمطبخ حتى مسألته يريد جاي لو لا بس شنو كلبي يفور ، كمت اروح واجي وافرك بيدي ، رحت غسلت وجهي على السنك اريد بس الضوجه تروح .

اختنكت ، استغفرالله ؛ اعوذ بالله من الشيطان الرجيم .

طلع ايهم من الحمام ، وفات لغرفته ، كمت طلعت الصمون وحميته اريد التهي حتى مينتبه عليه صاح..