٤١____٤٢
العروس في الثوب الاسود
البارت الواحد والاربعون
انا مابـيّة اضوگ الموت مـرتين
وحچـاية الشـامٰت مو حمـلها
_____
مر اسبوع على المشكلة الصارت واني بغرفتي لا طلعت ولا نزلت جوة على كد الحمام وارجع ،
نور كامت متجي يمي على كد تجيبلي الاكل وتروح ، اني هم عفتها براحتها احتمال تخاف منهم او دتصير الها مشاكل بسببي ،
ايهم ومروان، مشفتهم بعد ،
وبيوم طكت روحي ضجت حيل ،
نزلت جوة ماكو احد البيت فارغ،
فتحت باب المطبخ على كيفي ،
رحت للحديقة اكو كراسي وميز وسطي شفت ماكو احد ،
كلت اكعد شويه اشتم هوى اختنكت صارلي اسبوع محبوسة ،
مرت ساعه كامله واني كاعده ،
الهوة حلوو بدايه شهر العاشر،
البوخه خفت شويه،
اول مرة انتبه على الحديقة كلش حلوة والزرع يخبل ومبين راشين الزرع لان مبلل ،
اعشق ريحة الزرع من ينرش بالمي وريحه التراب من تمطر هههه ،
واكو شغله هم احبها بل اعشقها،
من تمطر الدنيا واكو شمس خفيفه ،
ابقه امشي جوة المطر لحد ما اتبلل ،
اخذتني الافكار ساعه ارجع لبيت اهلي ساعه افكر ب أخواني ريناد و أران ،
شنو وضعهم منو كاعد يداريهم ويدير باله عليهم،
بيبي حبيبتي مشتاقتلها اووف كلهم مشتاقه اشوفهم دمعت عيني ،
جريت نفس عميق ورجعت راسي ليورة على الكرسي وصعدت رجلي على الطبله مددت ،
وضليت اباوع على السما، واحجي بصوت..
رسيل : بابا تسمعني ، متأكدة كاعد تشوفني لان احس بيك قريب عليه ، مشتاقتلك ماما شفتها رويت عطشك بشوفتها ، سلمتلي عليها ، اران وريناد شلونهم اكيد تعرف اخبارهم ومعفتهم ..
احجي من كل عقلي يعني عبالك ابويه واكف كدامي، خليت اصابعي على عيوني وفركتهن حيل اريدهن ميبجن بعد...
جان اسمع صوته .
أيهم: يسمعج احجي وياه ويشوفج هم .
عدلت كعدتي ، باوعتله ودرت وجهي...
أيهم: شلونج احسن ان شاءالله...
رسيل: الحمدلله ماشي الحال ..
أيهم: هواي تصفنين صايرة ..
رسيل: اللي صارلي لو صاير الك شنو يكون موقفك بله.
أيهم: من اي ناحيه قصدج على وفاه عمي لو شنو ؟
اجه كعد بصفي على القنفه الخوص ام نفرين .
جريت نفس وكتله ..
رسيل : من كل النواحي مو بس وفاه بابا ، يعني تخيل انت سنين عايش هنا ومتعلم على اهلك وعلى شغلك وعلى حياتك ونظام ماشي عليه واجي غفل اخذ كلشي من ايدك واخذك اجبرك تعيش حياة مو حياتك وتعيش ويه ناس مطايقه تباوع بوجهك ،
واحرمك من دراستك وانت سنين تدرس وتتعب حتى تحصل معدل زين وبالموت تطلع الدرجه وتالي اجي احرمك من كل هذا ،ياترى راح تحبني؟
DU LIEST GERADE
العروس في الثوب الاسود
Romantik#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
