جابو ميز الطعام من المطبخ وخلوه بالهول وخلو فوكاه الهدايا وجايبين كيك وببسي وحلويات ، مكتوب على الكيكة مبروك النجاح دكتورتنة ، فرحت وبجيت بنفس الوقت ، جنت اتمنى احقق حلم بابا واصير دكتورة،، بس اللي صار صار مابيدي شي .
احتفلنة وقطعت الكيكة ، وكلمن نطاني هديتة وباركلي مرة ثانية ، نظفنة الهوسة الصارت ورجعنه كلشي بمكانة وكعدنة بالهول .
هدوء والكل ساكت حجه خالو محمد...
محمد: صادق ماكتلي شعجب اجيت بهذا الوقت وبدون ماتنطيه خبر .
صادق: كتلك علمود رسوله اجيت وهم اشوفكم ..
محمد: بس انت كلت شغلي سويته بالجديد واقل شي يرادلي شهر يلا اكدر اجي للعراق شنو الصار وخلاك تجي غفل ومنو لزم شغلك بلفترة البيها انت هنا.
صادق: قبل اسبوع اجاني مروان وأيهم ماخذين رقم علاء منكم وعلى اساس عدهم شغل بالاردن شحن اثاث وهيج شي ،استقبلناهم احسن استقبال وضلو يومين يمي ، مروان لاحظ غياب رسيل وبدة تحقيق وين وليش كتله سادس وحرامات تضيع عليها السنة .
محمد: شجابهم عليك ، وشعليهم برسيل يمنه مو يمنه شلهم دخل ، وبعدين جيتهم الك مو صدفة يشمشمون اخبار ، يشوفون الوضع ، شافونة مانطيناهم مجال ولا اي شي يخص سفرتك اخذو العنوان من علاء واجوك والله ولد اخوك مو هينين.
صادق: كول ياالله كتلك عدهم شغل هناك وسمعت اتصالاتهم ويه الوكلاء وحتى الوصولات شفتها بعيني .
محمد: وانت جيت لهنا خايف منهم مو؟
صادق: لا خايف ولا ابد بس ابوية خابر على بيت علاء اكثر من مرة طلب يحجي ويايه واني متأكد علمود رسيل لهذا اجيت اخذها ومن يطلع القبول مالتهة ارجعها .
محمد: حسام شكتلك مو كتلك رجعت عمك من ورة اهله عرفت والله ، زين همه مو يدرون الوضعية مو زينة هنا وخطرة رجعتك ماخافو عليك .
صادق: يمعود محد طلب مني ارجع اني رجعت حتى اخذ رسيل ويايه .
محمد: عوفك هسه من كل هذا الحجي رايدك بطلب وأتمنى ماتردني.
صادق: عيوني اشلعها الك بس كول .
محمد : اريد رسيل لحسام.............
يتبع.......
YOU ARE READING
العروس في الثوب الاسود
Romance#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
