العروس في الثوب الاسود

٢٥________٢٦

العروس في الثوب الاسود

البارت الخامس والعشرون
وكفت كباله خزرته وعيوني بعيونه كتله.

رسيل: اول شي ماما ميتة ما اسمحلك تجيب طاريهة
ثاني شي عيب عليك تكول سوسن عدها بنات وعدها ولد سميها بأسمهم وين حرمة الميت لعد وبعدين شبيها سوسن حتى تكلي بنت سوسن ،

صار اعصاب دمارت وجها كلها برزت والله خفت بدخلي ارجف كلت راح يضربني بس ضليت اتصنع القوة كدامة.

مروان: أكره ما اكره المرة الصلفة وترادد شايفه لو انتي هناك يمنه يوم ما اخليج عايشة لو اشوفج شي بعمرج ما شايفته اخليج تتمنين الموت ومتحصليه وتمشين وتتلفتين داير ميدورج خاف يلمحج مروان واذكري حجايتي لا تنسيها .

عيوني دمعت بقهر بس مبجيت حتى ليكول خافت ،
اول مرة واحد يحجي هيج ويايه .

رسيل: الحمدلله معايشة يمكم والحمد لله ابويه موجود وراسه يشم الهوة وميخليك لا انت ولا امثالك يتحكمون بيه وهسه عرفت ليش بابا ميريدكم وميعجبه يرجع يمكم لان ناس همج .

شال ايده يضربني فات بابا لزم ايده وصاااااح بصوت عالي .

صادق: مروووان أيدك ...

جاوبه مروان بنتر..

مروان: عمي علم بنتك الادب لا ادفنها هنا وحتى انت متوكف بعيني .

اجوي كلهم التموا علينه ...

أيهم: بعصبيه هاي شكو شصاير ..

مروان: بنت عمك المتربايه تكول علينه ناس همج ولسانها شطوله الادبسز .

بابا عاط بصوت ..

صادق: رسيييييل الكلام السمعته صحيح لو لا .

مروان: افه عليك عمي جاهل جدامك واكذب ...

نصيت راسي كلهم اعصاب صايرين ويباوعولي بغضب .
ماحسيت اله انضربت راشدي فر وجهي فر عطت ورفعت راسي واجاني الثاني شفت بابا يرجف وعيونة تدمع مبين مقهور مني حيل....

صادق: اياج مرة ثانية ترفعين صوتج على الاكبر منج لو تجادلين وذوله الهمج اللي تحجين عليهم اهلي يعني اني هم همجي من تحجين حجاية ثمنييها وسولفيها بينج وبين نفسج شوفي المقابل يتقبلها منج لو لا يلا تحجين وامشي لغرفتج خيالج ما اشوفه يلاااااااااا.

رسيل: بس..

علي: والله والج عين تحجين بعد، شلون بنات ..

صادق: ابو مروان انت اخويه الجبير وعلى راسي بس ما اقبل تمس بناتي بكلمه .

علي : متشوف بناتك شلون لسان ومامتربايات .

اباوع على بابا نضراته كلها لوم وعتب لان خليته بهيج موقف صعب لا يكدر يدافعلي ولا يكدر يعديها ويسكت وهاي اول مرة انضرب من بابا بعمرة ما ماد ايده علينه، كله بسبب مروان هو استفزني من حجة على ماما
واني منا كرهتهم من يوم اللي سوو مشكله ويه بابا وبسببهم طلع حسام من البيت،

صعدت لغرفتي اركض نمت على جربايتي وابجي واشهك اول مرة احس بالاهانه ونضراتهم شلون متشمتين بيه كلبي محروك عضيت مخدتي وكمت اعيط اكرهكم طلعو من حياتنه اطلعووووو .

دخلت عمة زهرة...

زهرة: شبيج يمة اسم الله الرحمن شصاير وهذا حالج...

رسيل: ماريدهم ما اريد اشوف شكولاتهم خلي يروحون

زهرة: راحو حبيبتي على كيفج منو يستاهل تبجين وتحركين دمج من وراه.

شالت راسي وخلته بحضنها وتمسدلي ...

زهرة: ليش هيج صار مو عفتج جان كلشي ماكو.

رسيل: بابا ضربني بسببهم .

زهرة: اعرف وهو دزني عليج كال روحي شوفيها.

رسيل: عمة يكلي بت سوسن واني ممرتاحلج من جيت لحد الان شمسويه اني .

زهرة: انتي ليش تاخذين وتنطين وياهم بالحجي متعرفين اطباعهم ولا على شنو متربين المفروض منج تتجنبيهم،،و من يحجون شي ابتسم وافوت هاي مو ريناد وياج شلون يحبوها تسولف وتشاقة وياهم عبالك صارلها سنين تعرفهم.

رسيل: اي مو هاي ادبسز اني الها..

زهرة: لا مو ادبسز ما سوت شي غلط كعدت وسولفت وياهم وهمه مو غربه ولد عمكم .

رسيل: ماعندي لا عم ولا ولد عم عرف ولف من تالي وكت طلعولنه عمام.

زهرة : انتي سواء تقبلتيهم او لا يبقون ولد عمج وخلي ابالج بعد اسبوعين تروحون للبصرة .

كمزت من حضنها مخروعه شنوو لو اموت والله ما اروح .

زهرة: عرس ياسر وعزمو ابوج وعزمونه وابوج نطاهم كلمه تروحون.

رسيل: اي خلي يروح بالنسبه الي ما اوصل ولا اتحرك من مكاني والله ياالله هسه بس نروح جدي يوكع دخيل ويخلي بابا يضل هناك وميخليه يرجع لو نموت .

زهرة: لا ابوج مصر على موقفه ومايتراجع عنه لتخافين

رسيل: مشفتي اليوم شلون فرو راسه بكلمتين وخلوه يضربني...

زهرة: انتي خليتيه يضربج لو مضاربج جان اكلو وجها وزاد الحجي منقص .

ضلت عمه تحجي ويايه واني ساكته كلشي محجيت الى ان غفيت ،
مكعدت غير ساعه عشرة ،بليل كمت باوعت على روحي بالمرايه اخترعت عيوني مورمة وجهي مطبوع بيه أثر اصابع بابا تلمست خدي وبجيت بقهر وكعدت على الطابوريه غطيت وجهي بيدي وابجي الى ان انفتحت الباب عبالي ريناد اجتي مرفعت راسي لان كلش ضايجه منها .

نمدت ايد على ايدي وسحبتها من وجهي رفعت راسي واشوفه حسام كمزت حضنته وابجي .

رسيل: شوكت جيت ...

حسام: توني طبيت وكالو اكو وحده تلطم فوك ناصبه مناحه روح نوح وياها ههههه واجيتج.

ضحكت وعيوني كلها دموع ..

حسام: والله انتي غشاشه . .

رسيل: ليش بله ..

حسام: هو هذا هم وجه ..

رسيل: شبيه عيني اخبل ..