هز راسه مروان متحلف بركان وانفجر بلبيت ركض لغرفة شوق لكاها ماكو نزل يركض لاكيها بغرفه امها نايمه بحضنها دتواسيها، جرها مروان من حضنها وكاتلها كتله بحيث تافله سنين من حلكها وكوة مخلصيها من ايده .
طبعا هاي نور حجتلي لان اني منزلت .
ورة نص ساعه ساد الهدوووء بلبيت وصعد ايهم ونور جوي يمي .
ايهم مبين عليه التعب همس...
أيهم: شلون صرتي؟
رسيل: ضحكت وكتله احسن ..
أيهم: خير ان شاءالله ..
راح مدد على القنفه بالهول ونور اجتي بصفي نامت .
رسيل: شو هنا
نور: احسن ما اريدن اشوفه
رسيل: ليش ياسر شعليه بالصار حتى زعلانه منه .
كامت كعدت على الجربايه
نور: لا اله ونص ليش ما منع اخوه منج شفرقه عن ايهم ليش ايهم دافعلج وهو لا ، ما حاجيه لو يموت.
رسيل: هو صار بيناتنه مشفتيه بس مروان منو يكدر عليه.
نور: خليه اسبوع ماحاجيه حت يعرف نفسه غلطان ويراجعها .
رسيل: براحتج تصبحين على خير .
نور: وانتي من اهله
نمت وحسيت بنفسي ارجف واهذي بصوت ، فتحت عيني نور خاله ايدها على كصتي تباوعلي بقلق ، كمزت طلعت من الغرفه صاحت ايهم واجوي سريع .
أيهم: شبيها؟؟
نور: ما اعرف نايمين وحسيت على صوتها تحجي كعدت لزمت راسها صايره نار واحجي وياها متجاوب .
اني اسمعهم بس لساني ثكيل ما اكدر اجاوب .
أيهم: نور جيبي المحرار وطاسه مي بارد و وصله خلي نسويلهة كمادات .
نور: صار
راحت ، واجتي جايبتهن
قاس حرارتي...
ايهم : لج هاي صاعده .
نور: شكد
ايهم: ٣٨
نور: شنسوي هسا
أيهم: والله ما ادري ، جيبي براسيتول وانه اسويلهة كمادات .
كعد بصفي ويسوي كمادات واسمعه يتنهد .
نور : هاك هذا الكبسول وماي .
حجه بصوت تعبان ...
أيهم: خليه على الكومدي .
ورة شويه شربوني البراسيتول ٢ خلو بحلكي.
يعني اهتماهم وخوفهم عليه بالضبط مثل ماما وبابا من جنت اتمرض ، هلمرة خاف جنت احبهم قاط كمت احبهم قاطات ويمكن افديهم بروحي ، وكفاتهم وخوفهم عليه مينسي ابد .
YOU ARE READING
العروس في الثوب الاسود
Romance#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
