احببتك والله يعلم بالخفاء

بلسان الكاتبه 🤏🏻،
ان شاءالله تنال اعجابكم ويكون لها اثر علي وعليكم اتركم مع بدايات روايتنا 💕

(للكاتبه / وجدان )

" القصائد الي في الروايه منقوله "

•الروايه موجوده في واتباد فقط •

الاشخاص :
ابو رعد ،ابناءه

رعد عمره 32 متزوج 'ساره' عسكري  شخصيه حنونه جداً لكن عصبيه نوعاً ما من اثر شغله عليه

بهاج ( البطل ) عمره 28 يتاجر بالسيارات يبيع ويشتري ولهذا السبب كل يومين على سياره جديده وكشخه شخصيه عفويه وتسعد من حولها ونوعً ما يزعج من حوله ويكرهم عيشتهم عشان بس يضحك ولا مره احد شافه زعلان دايم مبتسم واذا ضاقت فيه الدينا اخر اليل تهج معه قصايد

تغريد عمرها26هي الاخت المثاليه بنسبه لخوانها

سلطان عمره 24يدرس

افنان عمرها 24تدرس ( تؤام سلطان )
———————————
ابو سياف ، ابناءه

اديم ( البطله ) عمرها 25 قاعده تكمل دراستها بنت جميله جميله جميله لدرجة لقبوها اهل الديره بشبيه القمر دلوعة ابوها وطلاباتها اوامر والي يشوفها ومايعرفها يقول انها شايفه نفسها من جمالها

سياف عمره 6 سنين
——————————-
العمه شيخه ، ابناءها
مشعل
هدى
امجاد
هند
——————————
العمه عواطف ، ابناءها
حمد
محمد
نوره
العنود

وباقي الاشخاص نتعرف عليهم بالروايه

ابو رعد وابو سياف والعمه شيخه والعمه عواطف ابناء الشيخ "حمد بن ضاري" معروف بالديره بأنه شايب شديد شوي وراعي مراجل ويحب ديرة اهله وعربه الاولين وهاذي الديره من ديار نجد ولا يرضا يطلع منها ولا يرضى ان عياله يطلعون للمدن ويخلونه لكن مايقدر يقول لهم شي بحيث انهم كبار وهاذي حياتهم لكن عياله مارضو يخلونه والشي الإجابي ان الديره عصريه وحديثه وفيها كل المتطلبات ابو رعد هو الي كان مع ابوه في الديره بحيث انه اكبر عياله والعمه شيخه متزوجه واحد بعد من اهل الديره وساكنه بالديره
اما ابو سياف بمأنه متزوج زوجة من اهل الرياض ف له بيت في الرياض وله بيت في الديره لكن اكثر وقتهم في الرياض عشان دراسة اديم وسياف ويروحون للديرة ايام الاعياد و اوقات الإجازات
اما العمه عواطف متزوجه واحد من اهل الديره لكن شغله في جده ولهذا السبب ساكنه هي وعيالها في جده
———————————
في يوم 20 من رمضان بداية الروحات والجيات للاسواق الي بالرياض وبداية غثا بهاج لانه المكلوف في خواته وامه يوديهم ويجيبهم بأمر من ابوه