" අනේ මේ කියන තැනකට වදින්නම් මල්ලි එක්ක රණ්ඩු වෙන්න තියාගන්න එපා අයියේ ම්ම්......."
" ආයිශ්ශ් බෝ.......ඔයා ඕක කියන්නේ කිවෙනි වතාවටද ආ......??"
" කීවෙනි වතාවටද අහන්නේ....නොකියා බෑනේ.....මම දන්නවනෙ ඔයාගෙ හැටි..ඔයාට හොස්ස ළගින් මැස්ස යන්න බෑ එහෙන්.... අනිත් එකා දෙවෙනි..ඌට ඊටත් වඩා මූලග්ගින්න..... "
එයා මට රවල අහක බලාගනිද්දි මම ඉක්මනට මගේ බ්ලේසර් එකේ අතේ බොත්තම් දෙක දාගෙන කොණ්ඩෙ ජෙල් කළා...
" ඔච්චර ලස්සන වෙන්නෙපා ඉතිං ...."
" ඒක මගේ ජොබ් එකනේ සුදු මහත්තයෝ.... air hostess කෙනෙක් උනාම....දැකුම්කළු ප්ර්රියමනාප වෙන්න ඕනේ......"
" ඔයා ඉස්සර ඉදන්ම හිතන් ඉදියේ air hostess කෙනෙක් වෙන්නද සුදු මැණික ...."
කණ්ණාඩිය ඉස්සරහින් හිටගෙන කොණ්ඩෙ හදපු මාව එයා ඇදෙන් වාඩි කරවල එයාට ඕනෙ විදියට කොණ්ඩෙ හදන්න ගත්තා...
" ම්ම්හ්......"
" එහෙනම්......??"
එයා එහෙම ඇහුවෙ පුදුමයෙන්....
" pilot කෙනෙක් වෙන්න හීනයක් දැක්කා..... ඒත් අප්පච්චිගෙ මරණෙන් පස්සේ මට ඒ හීනේ පස්සෙ යන්න බැරි උනා.....අහස අල්ලන්න බැරි උන එකේ මම වහල හරි අල්ලනව කියල තමයි මේ ජොබ් එකට ආවෙ....ඒකට මාව හොදට මැච් වෙනවනේ... "
" හැමදේම වෙන්නේ හොදට සුදු මැණික ... ජිවිතෙ කියන්නේ සල්ලි නෙමෙයි කියල මිනිස්සු කියනව අහල තියෙනවද......හැබැයි සුදු මැණික මම නම් ඒක විශ්වාස කරන්නෑ....සල්ලි නැතුව ජිවත්වෙන්න තියා එක වේලක් යැපෙන්න වත් මිනිස්සුන්ට බෑ..... ජිවිතේ කියන්නේ සල්ලි නෙමෙයි කියල කියන එකාම කරන්නේ ඌරගෙ මාළු ඌරගෙ ඇගේම තියල කපන එකනේ... ඒ වාක්යේ ගැඹුරු අරුතක් තියෙනව සුදු මැණික .....මම නෑ කියන්නෑ.....ඒත් සල්ලි නැතුව මේ සමාජෙ ජීවත් වෙන්න බෑ....අතපය හතරම තියන් හිගාකන මිනිස්සු මේ ලෝකෙ ඕනෑ තරම් ඉන්නව... "
එයා හරිම ලස්සනට මගේ කොණ්ඩෙ ජෙල් ගාලා උඩට උස්සල නළලට වැටෙන්න හැදුවා...
" සමහරු කියනව සුදු මැණික ' මම ආදරේ කරන්නේ මූණට නෙමේ හදවතට ' කියල ....මම ඒ වාක්යත් විශ්වාස කරන්නෙම නෑ සුදු මැණික ... ඒ කියන මනුස්සය එහෙම කියන්නේ එවෙලෙත් තැඹිලි ගෙඩියක් වගේ කෙල්ලෙක්ව හරි කොල්ලෙක්ව ඉස්සරහ තියන්.... මිනිස්සු මුහුණ දැකලයි හදවත දකින්නේ....හදවත දැකල මුහුණ දකින අය අඩුයි.... ඒත් සුදු මැණික හැමදේකින්ම පරිපූර්ණ වෙන්න මටවත් ඔයාට වත් බෑ...මොකද අපි කවුරුත් දේවයන් වහන්සේ වත් බුදු සාධුවත් නෙමෙයි....."