Fly to air ✈️ [Zhanyi Complete ]

Flying 22✈

මාව බිමට තල්ලු කරල දාලා එයා යන්න යද්දි මම කිසිම දෙයක් හිතාගන්න බැරි හැගීමකින් ටයිල් පොලවෙම වාඩි උනා.... මට තේරෙන්නෑ මොකද්ද එයාට උනේ කියල ..... ඇයි එයාට තේරෙන්නැත්තේ ඒකට මම සම්බන්ධ නැහෑයි කියල .....අඩුම තරමෙ මම ඔය කියන කෙනාට රිප්ලයි එකක් වත් දාලා නැහැනේ.....

මට කමක් නෑ එයා ඒ ගැන කියල කොච්චර බැන්නත්...මොකද්ද ඒ අන්තිමට කිය්පු කතාවෙ තේරුම...එදත් ඕක කියල මට බැන්නා.... අනික එයාගෙ කලින් කෙනා එයාව රැවැට්ටුවට මම පළිද..... ඇයි දෙයියනේ මම මෙච්චර එයාට ආදරේ කරලත් එයා එහෙම හිතන්නේ..... මගේ පපුව පැලෙන්න වගේ.... මම අඩන්නෑ.....මට අඩන්න හේතුවක් නෑ...මොකද මම වැරැද්දක් කරල නෑ.....ඒත් හදවත බරයි... එයා ඒ වගේ හැසිරෙයි කියල ජිවිතේට හිතුවෙ නෑ..... ජිවිතේට ප්‍රශ්නයක් ආවම ඔහොම කලබලකාරී විදියට හැසිරිලා උත්තර හොයන්න බෑ.....එයාට තිබ්බ මාත් එක්ක කතා කරල ඒ ප්‍රශ්නේ විසදගන්න.....මොකද්ද උනේ කියල හොයන්න මට මගේ පෝන් එක වත් නෑනේ......

එයාගෙ වචන වලට ඇස් වලට ආව කදුලු පිහදාන් මම සීතල ටයිල් පොළවෙන් නැගිට්ටා....එයා මාව දාලා ගියා...අයෙ එයිද... පොඩි හරි බලාපොරොත්තුවක් තීනව එයා දවල් වෙලා හරි එයි කියල මාව බලන්න.....

" ආදරෙයි අයියේ.....ගොඩාක්.... පරිස්සමෙන් ගිහින් එන්න කියනකන් වත් ඔයා ඉදියේ නෑ......."

එයාගෙ ගලවල දාපු ටී ෂර්ට් එක පපුවට ගුලි කරන් මම ඇදේ හාන්සි උනේ ප්‍රශ්න ගොඩක් අස්සෙ අතරමන් වෙලා..... හැම ප්‍රශ්නයකටම වඩා මට තීන්නේ එයා එච්චරටම ආදරේ කරපු මට එහෙම කතා කරන්නේ කොහොමද කියල .... පපුව පුරවලා ආදරේ දුන්න එයා වචනයක් කියද්දි මට මෙච්චර දුකයි නම් .....කවදහරි එයාම මාව අතරමං කරල දාලා ගිය දාක ....මට මගේ ජිවිතෙත් එපා වෙයි අයියේ..... මම ඔයාට කිව්වා....මට ළං වෙද්දිම .., මාව අතරමං කරල යන එපා කියල ..... මට තියෙන්නේ අහිංසක හදවතක් අයියෙ....සමහර වෙලාවට මම මටම වෛර කරගන්නව ඇයි මෙච්චර ළාමක කියල .... ඔයා ඔහොම කරද්දි මගේ හදවත කෑලි වලට කැඩිලා යනව...

අඩන්න ඕනේ නැති උනත් එයාගෙ දරුණු වචන මතක් වෙන වාරයක් පාසා මගේ ඇස් වලට කදුලු ඉනුවා.... එයාගෙ ෂර්ට් එක පපුවට තුරුල් කරන් ඇස් පියාගත්ත මම නැගිටිද්දි වෙලාව දවල් එක විතර වෙලා තිබ්බා.....දරන්න බැරි ඔලුවෙ කැක්කුමක් එක්ක ඇස් ඇරපු මම දුවල ගිහින් සාලෙ බැලුවේ එයා ඇවිත්ද කියල .....එයා කීයට හරි එයි කියල හිතල මම දොර ලොක් කළෙත් නෑ.... ඒත් එයා ආවා කියල සලකුණක් වත් නෑ...... ඒ කියන්නේ එයා තාම ඇවිත් නෑ.......