Season 2
Chapter 38
Sky POV
Music Playing: Ikaw Lang
Katahimikan, nakita ko na lamang si Zandro na nakatingin sa aking mukha. Pakiwari ko ba ay pinagmamasdan nito ang aking mukha.
Oh, kay gandang pagmasdan
Ang iyong mga mata
Kumikinang-kinang
'Di ko maintindihan
"Ang ganda ng mga mata mo, nangungusap ang mga ito para bang sinasabi sa aking mahalin kita at wag ng pakawalan pa."Wika nito sabay haplos sa aking pisngi.
Ang iyong mga tingin
Labis ang mga ningning
Langit ay bumaba
Bumababa pala ang tala
Namula ang mukha ko sa aking narinig. Wala pang pumuri sa aking mga mata ganoon. Noong bata ako ay ang turing ko sa aking mata ay isang malaking sumpa. Ito ang dahilan kung bakit wala akong naging kaibigan noong ako ay bata pa lamang. Ito ang unang pagkakataon na may pumuri sa aking mata. Ang sarap sa pakiramdam. Hindi ko alam ngunit ang kaniyang mga sinabi ay nagbigay ng kakaibang kiliti sa aking kaluluwa.
Tumingin ka sa 'king mga mata
At hindi mo na kailangan pang
Magtanong nang paulit-ulit
Ikaw lang ang iniibig
"Salamat,"sagot ko dito.
Ngumiti ito at nagsalita ito, "Pero bakit ganun, kahit anong ganda ng mata mo ay may naaaninag akong kalungkutan dito? Malalim ito at nakakalunod, ikinukubli ito ng matatamis na ngiti na sumisilay sa iyong labi,"wika niya habang pinagmamasdan ang aking mata.
At kung 'di kumbinsido'y magtiwala ka
Hawakan ang puso't maniwala
Na ikaw lang ang s'yang inibig
Ikaw lang ang iibigin
Oo, totoo Zandro. Miski ako ay lunod na lunod na rin sa kalungkutang aking nadarama.
"Marahil ang aking pangungulila ang nakikita mo sa aking mga mata. Ang pangungulila ang sanhi ng aking kalungkutan. Halos ilang buwan na rin kaming nanatili dito sa Thalia, hindi ko maiwasang hindi mangulila sa aking mga magulang,"pagsisinungaling ko.
At sa iyong paglalambing
Ako ay nahulog din
'Di ko alam kung ano ang gagawin
'Di ko alam kung saan titingin
Batid kong hindi ito dahil sa pangungulila sa aking mga magulang. Ito ay dahil sa kailangan ko burahin sa alaala ni Zandro. Iyon ang napagkasunduan namin ni Dritan. Buburahin ko ang mga alaala na may kaugnayan sa akin, lahat ng tungkol sa aming pag-iibigan ay mawawala sa kanyang isipan. Napakadaya lamang dahil hindi ko kayang burahin ang sarili kong alaala.
Katahimikan ang namayani sa aming dalawa. Marahil parehas na kaming naubusan ng sasabihin. Wala akong ibang naririnig kundi ang hampas ng mga alon sa tabing dagat at ang mga huni ng mga ibon na lumilipad. Tahimik kong pinagmamasdan ang mukha ni Zandro na ngayon ay nakatangin sa malawak na karagatan. Nakatulala ito, marahil ay may mga bagay na tumatakbo rin sa kanyang isip.
"Sky,"pagbasag nito sa katahimikan.
Halik sa labi
Tinginan natin
![](https://img.wattpad.com/cover/212626879-288-k890744.jpg)
BINABASA MO ANG
SKY [Volume 1:Chronicles of Sin and Sky]
FantasyMagic Universe Series # 1 Sky Light Ramos isang tipikal na college student. Ngunit ang kan'yang mata ay may itinatagong sikreto. Sikretong baka hindi maintindihan ng mundo. Isang gabi habang inaabangan nila ang Super Blood Moon ay may isang pangyaya...