ညကအိမ်ပြန်ရောက်ကာမှ Company ကအရေးကြီးကိစ္စပေါ်လာတယ်ဆိုလို့ မဟာထူးလွင်တို့မျက်နှာမှုန်ကုပ်ကုပ်နဲ့ထွက်သွားသေးသည် ။ နိုင်ကအိပ်ပျော်သွားတာမို့မဟာထူးလွင်တစ်ယောက်ဘယ်အချိန်ပြန်လာလဲမသိလိုက်ပါချေ ။
အခုလဲအစောကြီးထထွက်သွားပြန်တာလားမသိ ၊ အိပ်ယာထဲလူးလိမ့်နေမိတာတစ်ဖက်ခြမ်းကအေးစက်နေဆဲဘဲ ၊ စိတ်ကအနည်းငယ်တော့အလိုမကျဖြစ်မိသား ၊ ဒါပေမယ့်မောင်ကအလုပ်နဲ့အကိုင်နဲ့မို့လား ။
အိပ်ယာထကာသန့်ရှင်းရေးလုပ်လို့သားကိုသွားနှိုးရသည် ။ အိပ်နေတာများပုစွန်ထုပ်လေးလိုကွေးကွေးလေးနဲ့ ဖင်ကိုဖြတ်တီးပစ်ချင်စရာ ။
ဖင်လုံးလေးအားညှစ်လို့ပါးအားငုံ့နမ်းတော့ တအင့်အင့်နဲ့ညည်းသည် ။ ရွှတ်ခနဲဖိမွှေးလိုက်တော့ ဖအေမျက်နှာအားလက်ဖနှောင့်နဲ့တွန်းလာ၏ ။
" ဟင့်! ဖေ့! "
" ထတော့လေ ဖေ့သားရဲ့ ဒယ်ဒီ့မွေးနေ့ကိတ်လုပ်မယ်ဆို "
" အင့်! လုပ်မာ "
အိပ်ချင်မူးတူးနဲ့ဖင်လေးထောင်ကာငုတ်တုတ်ထထိုင်လာပြီးနိုင့်ပေါင်ပေါ်ကိုတက်ခွကာရင်ခွင်ထဲမျက်နှာအပ်ထားသည် ။
" မှိုလုံး ဖေမျက်နှာသစ်ပေးရမှာလား "
" အင့်! ဖေသစ်ပေး "
ဝူးဝူးဝါးဝါးနဲ့ရင်ဘတ်ကိုမျက်နှာအပ်ထားရင်းပြောတော့နိုင်ကရီမိသည် ။
" ဖေချီမယ်ဗျာ "
တင်ကနေပင့်ချီတော့ သားကလည်တိုင်ကြားမျက်နှာအပ်လျက်မှောက်လာသည် ။ တအီအီညည်းနေတဲ့အပျင်းထူကိုသာရေချိုးခန်းထဲဆွဲသွင်းလို့မျက်နှာသစ်ဘာညာလုပ်ပေးရတော့၏ ။
ဒီနေ့သားကသူ့ဖအေအတွက်မုန့်ကူလုပ်ပါမယ်တဲ့လေ ။
သားအဖနှစ်ယောက်အဝတ်အစားလဲလို့ ကော်ဖီဆိုင်ဘက်ကိုခြေဦးတည့်ရသည် ။ မစုနဲ့ကိုဇေယျာတို့ကိုဒီနေ့ဆိုင်နားဖို့သွားပြောရမည်လေ ။ နောက်ပြီးကိတ်ဖုတ်ဖို့လိုအပ်တာတွေလဲဆိုင်ကယူရမည် ။
မောင်ဝယ်ပေးထားတဲ့ကားနဲ့ဘဲ သားကloverseat မှာငြိမ်ငြိမ်လေး လုံးဝကိုမလှုပ်ရှာ ။ မျက်လုံးတွေကတော့တောင်ကြည့်မြောက်ကြည့် ။
YOU ARE READING
မဏ္ဍိုင်
RomanceUnicode " မောင့်ရဲ့တိမ်စိုင်လေးလုပ်မလား မောင်ကကမ္ဘာကြီးလုပ်မယ်လေ " " တိမ်စိုင်တွေကပြေးနေတတ်တာလေမောင်ရဲ့ " " အဲ့ဒီတိမ်စိုင်တွေက ကမ္ဘာရဲ့အဝေးဆုံးထိပြေးလို့ရလို့လား " Zawgyi " ေမာင့္ရဲ႕တိမ္စိုင္ေလးလုပ္မလား ေမာင္ကကမၻာႀကီးလုပ္မယ္ေလ " " တိမ္စိုင္ေတြကေျ...