" အဲ့မမ ဖေ့ကိုကြိုက် ဒယ်ဒီ "
နှုတ်ခမ်းလေးထော်လို့ ကောင်တာမှာထိုင်နေတဲ့သူ့ဖအေနဲ့ ငွေရှင်းနေတဲ့အမျိုးသမီးကိုလက်ညှိုးထိုးရင်းပြောလာတဲ့သားကြောင့် သူမော့ကြည့်လိုက်သည် ၊ အင်း ဘေးလူကြည့်ရင်တောင် တော်တော်သိသာနေပြီ ၊
ကလေးဆန်တာလို့ဘဲဆိုဆို သူတစ်ကယ်နိုင့်အနားလူတွေဝိုင်းနေမှာကိုသဘောမကျပါ ၊ သူကနိုင်နဲ့မတူဘူး ။
သားကိုခဏထားခဲ့လို့သူကောင်တာဆီလှမ်းသွားရင်းမတ်တပ်ရပ်နေသူရဲ့ခါးကိုဆွဲကာသူ့ဘက်ကပ်လိုက်တော့ နိုင်ကရင်ခွင်ထဲအလိုအလျှောက် ။
" ငယ့်သားကသွားချင်လို့ဖင်တကြွကြွဖြစ်နေပြီလေငယ် "
အမျိုးသမီးငယ်ရှေ့မဖွယ်မရာလုပ်ပြတာမဟုတ်ပေမယ့် လုပ်ပြမှဖြစ်မယ့်ကိစ္စ ၊ မဟာထူးလွင်ကသူဦးဆောင်သူဖြစ်ကြောင်းသိပ်ပြချင်တာ ။
နိုင်ကဒါကိုရိပ်မိနေတာမို့ခပ်ဖွဖွပြုံးတော့ မဟာကမကျေနပ်တော့ ၊
သူမဟာ့ဘက်လှည့်ကာနှုတ်ခမ်းဖျားကိုဖိကပ်နမ်းပစ်လိုက်တော့မှသာလျှင်မှိုရသွားတဲ့မျက်နှာလိုပြုံးဖြီးသွားတော့သည် ။
" ခဏဘဲစောင့်လေမောင်ရဲ့ ငယ်ခဏနေပြီးပြီ "
ချက်ချင်းတွေအခေါ်အဝေါ်တွေပါပြောင်းလို့သူ့ကိုယ်သူ ငယ်ဆိုတော့ မဟာထူးလွင်ရဲ့မျက်ဝန်းညိုတွေဟာမမြင်ရလောက်အောင်ကိုပိတ်ကျသွားသည်အထိ ပြုံးနေသည် ။
အမျိုးသမီးငယ်ဟာမျက်နှာအပျက်ပျက်နှင့်ရှက်ကလဲရှက်စွာ ကမမ်းကတမ်းပြေးထွက်သွားလေ၏ ။
နိုင်ကတခုတ်တရပင်ရယ်တော့ မဟာသဘောကျစွာ ။
" သွား မင်းထိုင်နေတော့ လူရှေ့လာကလူနေတယ် "
နားနေခန်းဝင်ဖို့လှည့်သွားတဲ့နိုင့်ဖင်ကို ဖျန်းခနဲရိုက်လို့ညှစ်ချလိုက်တော့ နိုင်ကလက်ပြန်လက်ခလည်ထောင်ပြသွားလေသည် ။
အဟင်း ၊ သိပ်ချစ်ဖို့ကောင်းတဲ့အရိုင်းတုံးလေး ။
/
" ဘေဘီမပြေးရဘူး "
ပန်းခြံထဲတစ်တောက်တောက်နဲ့ပြေးနေတဲ့သားကိုသူဖမ်းပင်မမိတော့ နိုင့်ကိုလှည့်ကြည့်တော့ ဖျာခင်းပေါ်မှာစာအုပ်အပီအပြင်ဖတ်နေတာ ။ သူ့ကျသားကိုထိန်းဆိုပြီးလွှတ်ထားရက်တယ်ပေါ့ ။
YOU ARE READING
မဏ္ဍိုင်
RomanceUnicode " မောင့်ရဲ့တိမ်စိုင်လေးလုပ်မလား မောင်ကကမ္ဘာကြီးလုပ်မယ်လေ " " တိမ်စိုင်တွေကပြေးနေတတ်တာလေမောင်ရဲ့ " " အဲ့ဒီတိမ်စိုင်တွေက ကမ္ဘာရဲ့အဝေးဆုံးထိပြေးလို့ရလို့လား " Zawgyi " ေမာင့္ရဲ႕တိမ္စိုင္ေလးလုပ္မလား ေမာင္ကကမၻာႀကီးလုပ္မယ္ေလ " " တိမ္စိုင္ေတြကေျ...