Unicode
သူဒီအခန်းကြီးထဲထပ်ရောက်လာပြန်ပြီ ။
ဇက်လေးပုလို့စိတ်ပျက်နေတဲ့ပုံနဲ့သားကိုပွေ့ထားရင်းသူငြိမ်နေမိတယ် ၊ သူ့ပုံစံကနဲနဲ ။
မဟုတ်သေးဘူး တော်တော်ကြီးရယ်ချင်စရာကောင်းမယ်။
ဒီညနေခင်းမှာတစ်ကယ်ဆိုသူ့ကွန်ဒိုအောက်ကပန်းခြံထဲသားနဲ့လမ်းလျှောက်ထွက်နေရမယ့်ဟာကို ခုကျဒီငြီးငွေ့ဖွယ်အခန်းကြီးထဲရောက်လာရတယ် ။
ဒါတော်တော်ကိုစိတ်ကုန်ဖို့ကောင်းတာဘဲ ။
ဘာနေနေသားကိုတော့ပုံမှန်အတိုင်းညနေခင်းလေကောင်းလေသန့်ပေးရှူရမှာဘဲဖြစ်သည် ။
သားကိုချီလျက်တံခါးကိုသွားလို့ဖွင့်တော့ ကိုစိုင်းလူမျက်နှာကြီးကဘွားခနဲ ။
" ဘုရားရေ! အာ ကိုစိုင်းလူ ဘယ့်နှယ့်ကြောင့် "
" ကန်တော့ ကန်တော့အကိုလေး ဘာလိုချင်လို့လဲ "
မျက်နှာကြီးနောက်ဆုတ်ပေးလို့မေးလာတော့ နိုင်ကမေးမယ့်ဟာတောင်အစောပိုင်းကပျောက်သွားသလိုဘဲ ။
အာ တစ်ကယ်ပါဘဲ ဒီဆရာနဲ့တပည့်နဲ့ ဘာကြောင့်သူ့ကိုဒုက္ခပေးရတာချင်းတူနေရတာလဲ ။
" သားကညနေဆိုလေကောင်းလေသန့်ရှူနေကျလို့ခင်ဗျားဆရာကိုသွားပြောပေးပါ "
နိုင်ပြောတော့ ကိုစိုင်းလူကခေါင်းလေးဆတ်ဆတ်ငြိမ့်လို့တံခါးပြန်စေ့ပြီးပြေးသွားတယ် ၊
စိတ်ချလို့တော့မဟုတ်ဘူး တစ်ခြံလုံးကိုမဟာ့အစောင့်တွေနဲ့ပြည့်နေပြီမို့လို့ဘဲ ။ချက်ချင်းခြေလှမ်းကျဲကြီးတွေနဲ့ပြန်ရောက်လာတော့ နိုင်ကအံ့သြမိသား ဒီလူတော်တော်မြန် ။
" 'ကလေးကိုစိတ်မချဘူးလို့ပြန်ပြောလိုက်' လို့ပြောပါတယ်အကိုလေး "
တစ်လုံးချင်းဆီဆန်တစ်စေ့ကောက်ရာမကျန်အောင်ပြောလာတဲ့ကိုစိုင်းလူစကားကြောင့်နိုင်ကဒေါသတကြီး ။
" သားကိုစိတ်မချရအောင် ခြံထဲမှာဘယ်ကောင်မတွေထည့်ထားလို့လဲ လို့ပြန်မေးလိုက်ကိုစိုင်းလူ "
YOU ARE READING
မဏ္ဍိုင်
RomanceUnicode " မောင့်ရဲ့တိမ်စိုင်လေးလုပ်မလား မောင်ကကမ္ဘာကြီးလုပ်မယ်လေ " " တိမ်စိုင်တွေကပြေးနေတတ်တာလေမောင်ရဲ့ " " အဲ့ဒီတိမ်စိုင်တွေက ကမ္ဘာရဲ့အဝေးဆုံးထိပြေးလို့ရလို့လား " Zawgyi " ေမာင့္ရဲ႕တိမ္စိုင္ေလးလုပ္မလား ေမာင္ကကမၻာႀကီးလုပ္မယ္ေလ " " တိမ္စိုင္ေတြကေျ...