Unicode
ဒီနေ့မနက်တော့နေကတော်တော်သာပါတယ် ၊ ညကမိုးရှိန်ကြောင့် အေးစိမ့်စိမ့်လေးဖြစ်ပြီး မနက်မှာနေလို့ထိုင်လို့ကောင်းပါတယ် ။
မဟာကတော့မျက်ခမ်းအောက်လေးနဲနဲမဲချင်နေပါသည် ။
ဒါညကသားလက်ချက်ဘဲ ။
နာရီခြားတိုင်းတအဲ့အဲ့နဲ့သားကနိုးလာတော့
သူကလဲလန့်နိုးမိကောလေ ၊ နိုင်ကတော့တရေးနိုင်းတိုင်းသူ့ကိုရှိတယ်လို့ကိုမမှတ်ပါ လုပ်စရာရှိတာလုပ်ပြီးပြန်အိပ်သွားတာကြီးဘဲ ။ခုလဲ King Size plus မွေ့ရာကြီးမှာ သားကအလည်မှာထီးထီးလေးရှိနေပြီး နိုင်ကတော့ထောင့်ဘက်စွန်းနားလိမ့်နေ၏ ။
သူကတော့ပုံမှန်နိုးနေကျအချိန်မို့နိုးနေပြီဖြစ်ပါသည် ။ လက်မလေးစုပ်လို့ကိုယ်လေးစောင်းပြီးကွေးကာအိပ်နေတဲ့သားရဲ့ပါးတွဲကြီးကိုတနင့်တပိုးနမ်းလို့ တစ်ဖက်က ကလေးကြီးရှိရာဆီလှမ်းလာခဲ့လိုက်တယ် ။
အိပ်နေတော့လဲ သူ့ပိုင်ဆိုင်မှုလေးက နှုတ်ခမ်းထော်လေးနဲ့ချစ်ဖို့တော့ကောင်းသားဘဲ ။
ထိုနှုတ်ခမ်းဖူးကိုတစ်ချက်စုပ်နမ်းလို့မျက်ခွံလေးကိုပါဖိကပ်နမ်းလိုက်ပြီး သူထွက်လာခဲ့လိုက်တယ် ။
ဒီနေ့အတွက်သူလက်မှတ်ထိုးရမှာတွေတစ်ပုံကြီး ။
ရေချိုးခန်းထဲဝင်လို့အရင်တုန်းကလိုလုပ်ပေးဖူးတဲ့အတိုင်းငယ့်အတွက်သွားတိုက်တံသွားတိုက်ဆေးအသင့်ပြင်ထားပေးခဲ့လိုက်ပါတယ် ။
သူဒါတွေဘယ်တော့မှရိုးအီသွားမှာမဟုတ်ဘူး ။
ဘာလို့ဆိုသူ့ပိုင်ဆိုင်မှုလေးကငယ်ဖြစ်နေလို့ ။ကော်ဖီတစ်ခွက်ကိုင်ပြီး စာကြည့်ခန်းရဲ့ဆိုဖာမှာlaptop ပေါင်ပေါ်တင်လို့သူရှိနေတယ် ။ သူ့ရှေ့မှာfile တစ်အုပ်ကြီး ။
အော် ဒါတွေပြီးရင်ရှင်းစရာလဲရှိသေးသား ၊
ဒီနေ့ကမင်္ဂလာဝတ်စုံရွေးရမယ့်ရက်ဆိုပြီးပြောခဲ့တာဘဲမဟုတ်လား ။သူလက်ချောင်းကြီးတွေက keyboard ပေါ်တစ်တောက်တောက်ဖြတ်ပြေးလို့ အလုပ်တစ်ခုကိုတိတိကျကျနဲ့စမတ်ကျစွာလုပ်နေတာဖြစ်သည် ။ သိပ်ခန့်ညားတာဘဲမဟုတ်လား ။
YOU ARE READING
မဏ္ဍိုင်
RomanceUnicode " မောင့်ရဲ့တိမ်စိုင်လေးလုပ်မလား မောင်ကကမ္ဘာကြီးလုပ်မယ်လေ " " တိမ်စိုင်တွေကပြေးနေတတ်တာလေမောင်ရဲ့ " " အဲ့ဒီတိမ်စိုင်တွေက ကမ္ဘာရဲ့အဝေးဆုံးထိပြေးလို့ရလို့လား " Zawgyi " ေမာင့္ရဲ႕တိမ္စိုင္ေလးလုပ္မလား ေမာင္ကကမၻာႀကီးလုပ္မယ္ေလ " " တိမ္စိုင္ေတြကေျ...