Unicode
" မောင်သားကိုသွားခေါ်တော့ "
ဆွယ်တာအသားရောင်လေးကိုဝတ်ထားလို့ အသီးပန်းကန်လေးပိုက်ကာယခင်နှင့်မတူပါးလေးများဖောင်းလို့မြုံ့နေတဲ့နိုင်ကလှမ်းပြောတော့ ခုထိ bathrobe နှင့်ကွန်ပြူတာကိုပေါင်ပေါ်တင်ကာလက်ချောင်းများတစ်တောက်တောက်ဖြတ်ပြေးနေတဲ့မဟာကလှမ်းငဲ့ကြည့်လေတယ် ။
" အင်း ခေါ်စရာမလိုတော့ဘူးငယ် ခုပြန်လာနေပြီလို့ဘရဏီဖုန်းဆက်တယ် "
မဟာကပြောတော့နိုင်ကချက်ချင်းပင်ခေါင်းလေးပြန်လှည့်သွားတာ ဝရန်တာမှန်တံခါးကိုဖြတ်လို့ငေးနေလိုက်တော့သည် ။
တစ်ကယ်ဆိုမနေ့ကနားပြီးပြီကိုဒီနေ့အပြည့်အဝပျော်နေရမှာ ၊ ခုတော့မဟာ့ကြောင့် သူ့မှာဘောင်းဘီတိုလဲဝတ်မရ ၊ summer shirt လဲဝတ်မရနဲ့ ငုတ်တုတ်လေးထိုင်နေရသည် ။
စိတ်ပေါက်ပေါက်နဲ့စတော်ဘယ်ရီသီးတစ်လုံးကိုခရင်းဖြင့်ဆောင့်ထိုးချလိုက်ပြီးပါးစပ်ထဲသွပ်ချလိုက်တော့သည် ။ သူကိုကလိုလိုချင်ချင်ဖြစ်နေတာကိုး ခုမှတော့ဘာတတ်နိုင်မှာတုန်း ။
Ting"
ဟော သားလာပြီ ။
ပန်းကန်ကိုဘေးကခုန်ပေါ်ကမမ်းကတမ်းပြေးတင်လို့နိုင့်ခမျာတံခါးဝကိုခပ်သုတ်သုတ်သွားရသည် ။
" ကြည်နိုင် "
" အင်း ကျေးဇူးဘရဏီ ၊ သားကနေရဲ့လား "
သူ့ကိုမြင်တာနဲ့တခတ်ခတ်ပင်ရယ်လို့ ဝမ်းသားသွားတဲ့သားကြောင့် နိုင်ကဟက်ခနဲပင်ရယ်မိသွားသည် ။
" နေပါတယ် ၊ ငြိမ်တယ်ကလေးက "
" အင်း ကျေးဇူးဘဲနော် လာ ဖေ့သား "
သားကိုလက်ပြောင်းယူချီတော့သားကသူ့လည်တိုင်တွေကြားအတင်းတိုးဝှေ့လို့ သူ့ကိုကျစ်နေအောင်ဖက်ထားလေတော့သည် ။ ကြည့်ရတာသူ့ကိုမြင်လိုက်တော့ ဘရဏီတို့နဲ့ထပ်ထည့်ပေးလိုက်မှာဆိုးနေသလိုပင် ။
မဟာက ရင်ဘတ်ဟောင်းလောင်းဖြင့် နိုင့်အနောက်တွင်လာရပ်ကာတစ်ဖက်ကခါးကိုဖက်လို့ တစ်ဖက်ကတံခါးဘောင်ကိုတံတောင်ထောက်ကာမှီလိုက်တော့ နိုင်ကလှည့်ကာကြည့်လေတယ် ။
أنت تقرأ
မဏ္ဍိုင်
العاطفيةUnicode " မောင့်ရဲ့တိမ်စိုင်လေးလုပ်မလား မောင်ကကမ္ဘာကြီးလုပ်မယ်လေ " " တိမ်စိုင်တွေကပြေးနေတတ်တာလေမောင်ရဲ့ " " အဲ့ဒီတိမ်စိုင်တွေက ကမ္ဘာရဲ့အဝေးဆုံးထိပြေးလို့ရလို့လား " Zawgyi " ေမာင့္ရဲ႕တိမ္စိုင္ေလးလုပ္မလား ေမာင္ကကမၻာႀကီးလုပ္မယ္ေလ " " တိမ္စိုင္ေတြကေျ...