CONCEALED VAMPIRE

BLOOD 50: REVELATIONS (2)

SAM’S POV

“Kamusta si Kath?”

Yun kaagad ang itinanong ko sa mga taong nakapaligid sa akin. Kakagising ko lang mula noong nagkaengkwentro kami ni Kath. Hindi ko alam kung anong nangyari sa kanya. Pero sigurado akong tagumpay niyang naibalik ang alaala niya. Pero bakit ganun ang mga inakto niya? Bakit galit na galit siya sa akin? Posible kayang may alaala siyang hindi nabalikan?

“Nasa kwarto niya. Nagpapahinga kasama si Daniel.” Sabi naman ni Julia.

Pagkagising ko kasi, naroon na sina Mr. Jun, Mr. Ruth, Julia, at Quen sa kwarto. May pinag-uusapan sila pero hindi ko kaagad nalaman kung ano ‘yun. Medyo masakit pa kasi ang braso ko. Hindi ko talaga maitatanggi na si Kath lamang ang maaaring magpahina sa akin. Ni hindi ko kayang saktan ang nakababata kong kapatid. Mahal na mahal ko ‘yun eh. Kaso hindi ko pa rin maintindihan ang ginawa niya. Ngayong nagbalik na ang dati niyang kakayahan, mas mapoprotektahan niya na ang sarili niya.

“Kamusta ang pakiramdam mo?” Tanong sa akin ni Quen. Inayos ko muna ang sarili ko para makaupo ako ng maaayos.

“Ayos lang naman ako. Medyo masakit lang itong braso ko.” Sagot ko. “Pasensya na kung pati kayo nadamay.”

“Ayos lang ‘yon.” Sabi ni Julia, “May mga bagay yata kaming hindi nalalaman, Sam?”

Tumahimik silang lahat. Nakatitig sa akin ang mga nakapaligid sa akin. Panahon na nga siguro para sabihin sa kanila ang lahat.