CONCEALED VAMPIRE

BLOOD 22: DREAMS OF REALITY

KATHRYN’s POV

“Ano ba? Bakit mo ba ako kinakaladkad?” Narinig kong pagmamaktol ng isang pamilyar na boses sa malayo.

“Anong ginagawa mo rito?” Isa na namang pamilyar na boses ng isang lalaki. Maya-maya’y narealize ko na kung kani-kaninong boses yun. Anong ginagawa nila? Bakit magkasama sina Sam at Bea? Is there any problem? Nakita ko sa mga mata ni Sam kanina ang kakaibang emosyon sa pagdating ni Bea. Anong ibig sabihin noon?

“Masama ba?” Sa sobrang pagtataka, pinili kong sundan ang dalawa. Alam kong mali ang makinig sa pribadong usapan nila kaya lang there is something that urges me to do so.

“You told me that you will come back home next week. Are you insane?” Galit si Sam. Hindi ko alam kung bakit ganun na lang ang reaksyon niya.

“Hindi ba pwedeng dalawin ang kuya ko dito?” Kuya. Siya ang kapatid ni Sam. Si Bea ang matagal ng binabanggit sa akin ni Sam na kapatid niyang nasa… teka. Sabi ‘di ba ni Sam, nasa France ang kapatid niya, pero ang sabi ni Bea, galing siyang America? How come…

“I never failed to visit you there anyway. What is the real reason kung bakit ka pumunta dito sa ‘Pinas?” Seryosong tinig. Alam kong seryoso si Sam sa pagkakataong ito.

“Bakit? Ano bang reason ang pwede kong ipunta ditto, Kuya? Meron ba?” Nakita kong napatikhim ang labi ni Sam.

“W-wala…”

 

 

“Oh baka naman, may itinatago ka sa aking lihim, Kuya?”

 

 

“Anong lihim?! Baka naman ikaw ang may hidden agenda, Bea.” Biglang nag-iba ang ihip ng hangin ng inemphasize ni Sam ang salitang “hidden agenda”.

Hindi ko alam kung saan patungkol ang mga pinag-u-usapan nila ngunit sigurado akong may kakaiba sa kinikilos nilang dalawa. Alam kong may lihim silang dalawa na itinatago. Pero sino ba naman ako para alamin ‘yun? Isa pa, kung si Bea ang kapatid ni Sam, malamang, siya’y isa sa kanilang mga immortal.

“Hidden agenda.” Narinig ko ang kaunting hagikhik mula kay Bea, isang tawa na tila may kakaibang sangkap na emosyon. “You should be aware of what you are saying, Kuya Sam. Baka nga meron.”