Chapter 46 part 1
Samantalang ng mga sandaling yun ay masayang masaya si Joan sa nakuhang impormasyon. Halos hindi siya makapaniwala sa report na natanggap mula sa kanyang inutusang imbestigador. Agad-agad niyang tinawagan ang mansion ng mga Almonte para makausap ang mga magulang ni Dennis. Ngunit napag-alaman niyang nasa America ang mga ito at sa susunod na lingo pa ang babalik ng Pilipinas.
Hindi mapakali si Joan, palakad lakad siya sa living room ng kanyang maaliwalas na condo unit sa Makati. May mga plano na siyang nabubuo kung paano sila magkakabalikan ni Dennis. And this time she's pretty much sure na kakampi niya sina Divina at Francis.
"I'm sure mawawala na ang tiwala nila sayo Emerald Ignacio." nakangisi nitong bulong.
_____________________
"Dennis, kaya mo bang harapin ang papa namin?" tanong muli ni Emily ng mahalata ang pananahimik ng kausap.
"Of course, I'll talk to him. Ako na ang magsasabi tungkol sa amin ni Emer." matatag na sabi nito.
Nasiyahan si Emily sa sagot na narinig mula kay Dennis. Nginitian niya ito. "Good luck. I want to remind you na hindi ito ganun kadaling tatanggapin ng papa. You need to convince him about your good intention for my sister."
Tumango si Dennis, kahit medyo kinkabahan siya sa pakikiharap sa patriarka ng mga Ignacio.
"Hayan na pala sila." Masiglang sabi ni Emily habang nakatanaw sa paparating na sasakyan.
Unang bumaba si Eliza pero ng makita niya si Dennis sa terrace na kausap ni Emily ay parang hindi na niya maihakbang ang kanyang mga paa. Napakalakas ng kabog ng kanyang dibdib at ng lingunin niya ang asawa ay papalapit na ito sa kanya.
"Sweetheart, may bisita pala si Emily? Kaya hindi ko siya napansin sa reception." sabay akbay ni Gerardo sa asawa.
"Baka may importante lang silang pinag-uusapan, mas makakabuti kung hwag na natin silang istorbohin. Maybe it's about business, you know your daughter she's business oriented." hiling ni Eliza sana paniwalaan siya ng asawa. Hindi niya rin alam kung paano haharapin ang galit nito kung sakali mang malaman niya ang sitwasyon ng bunsong anak.
"I think I know him." sabi ni Gerardo habang papalapit sa dalawa.
Pigil ang hininga ni Eliza habang palapit sila ng palapit kina Dennis at Emily.
"Hi papa, mama." tumayo si Emily at humalik sa pisngi ng mga magulang. 'Where is Emer? kanina pa siya hinhintay ni Dennis." kunwaring tanong ni Emily para maipakilala niya ang lalaki sa kanyang papa.
"Good afternoon po." magalang na sabi ni Dennis sabay tayo at lahad ng kamay kay Gerardo. "I'm Dennis Almonte, sir." pakilala niya sa sarili.
Tinanggap naman ni Gerardo ang pakikipagkamay ni Dennis kahit may pagkadis-gusto siyang nararamdaman.
Parang gustong himatayin ni Eliza ng mga oras na yun. Hindi niya alam kung ano ang pumasok sa isip ni Emily at niyaya pa niya si Dennis sa rancho.
"Maupo ka hijo." sabi ni Gerardo.
"Papa, iwan ko muna kayo. Hahabol ako sa reception baka magtampo sina Althea." nagmamadaling tumayo si Emily.
Nang tumayo si Emily ay sinundan ni Eliza ang anak at inabutan niya ito sa sala. "Emily, why did you bring him here?!" mataas na ang boses nito.
"Mama, para matapos na ang problemang ito." umiiling na sagot niya sa ina.
"This is not the right time at dapat nagsabi ka sa akin ng mga plano mo."
"Ma, when is the right time?. I'm sorry for not informing you na nandito si Dennis. Actually wala ito sa plano kaya lang nagkataon lang kanina. I hope you'll understand me." malumanay na paliwanag ni Emer. Hindi niya gustong makipagtalo sa ina ang tanging hangad lamang niya ay matulungan ang kapatid sa problema nito.
"Ano ang gagawin natin ngayon? I'm sure magagalit ang papa mo at hindi ko alam kung ano ang gagawin niya kay Emerald." nanghihina itong naupo sa sofa.
"Mama, calm down. Baka makasama sa inyo ang masyadong pag-aalala." mabilis na tinabihan ito ni Emily.
Nakinig naman si Eliza sa anak. Ayaw din naman niyang maapektuhan ang kanyang kalusugan.
"Ano ang napag-usapan ninyo ni Dennis?"
"Inamin niya sa akin na mahal niya si Emer and he's willing to work out their marriage. Kaya don't worry, kaya ni Dennis yan." sabay kindat ni Emily sa ina para pagaanin ang kalooban nito.
Napabuntong hininga na lamang si Eliza. Umaasa siya na magiging maayos ang pag-uusap ng asawa at ng manugang.
"Mama, ano ba ang sabi ni Emer tungkol dito? bakit naman kasi pumasok sa ganitong gulo tapos takot naman kay papa." nakakunot na pahayag ni Emily.
"She told me that she'll file an annulment."
Nanlaki ang mga mata ni Emily sa sinabi ng ina. "Is she crazy? kung mahal niya si Dennis dapat hindi siya nagpapadalos-dalos ng pagdedesisyon." parang gusto ng mainis ni Emily sa kapatid.
"Ang tigas ng ulo ng kapatid mong yan. From the beginning I'm not favor with their relationship pero hindi pa rin nakinig kaya hinayaan ko na. I was thinking that she needs to learn her lesson. Pero kung alam ko lang na magiging ganito ang kahihinatnan ng sinasabi niyang pagmamahal sana talagang hindi ko na pinyagang makasal ang dalawang iyan." malungkot na sabi ni Eliza.
"Don't blame yourself, wala na tayong magagawa. Dapat ayusin na lang niya yang gulong pinasukan niya. Gusto ng annulment pero iyak naman ng iyak." reklamo ni Emily.
"Mas mainam yata na tawagan mo ang kapatid mo at sabihin na kailangan niyang umuwi ngayon din." utos ni Eliza sa anak.
Tumayo si Emily at dinampot ang telepono. Tama ang kanyang Mama dapat nandito ngayon si Emer para dalawa sila ni Dennis ang humarap sa kanilang papa.
_______________________
A.N.
Sorry sa UD today...