Chapter 24 part 2
Nagmamadaling bumaba si Dennis para komprontahin si Michelle. Inabutan niya itong prenteng nakaupo sa living room.
"Ano ang ibig sabihin nito?" dumadagundong ang boses ni Dennis.
"Hi sweetie!." tuwang tuwang salubong ni Michelle kay Dennis sabay yakap dito.
Inis na inilayo ni Dennis sa kanya si Michelle. "Ano na naman ang gusto mong palabasin this time?"
"Don't worry sweetie nakausap ko na ang Mama mo at sinabi ko na sa kanya ang tungkol sa relationship natin." masaya nitong pagbabalita.
"Wait a minute Michelle." sansala ni Dennis sa babae ng akmang yayakapin na naman sya nito. "From the start alam mo naman kung anong meron tayo. I've told you before that I like you as my bed partner at wala ng hihigit pa dun." pagpapaliwanag ni Dennis.
Umupo si Dennis sa pandalawahang upuan na naroon at walang pakundangan tumabi si Michelle sa kanya, inihilig pa ng babae ang ulo sa balikat niya.
"Ngayong nasabi ko na sa Mama mo ang tungkol sa atin I think it's time for us to be in the next level." malambing na sabi ni Michelle habang hinihimas nito ang hita ni Dennis.
Pinipigilan ni Dennis na maapektuhan siya sa ginagawa ni Michelle sa kanya.
"Alam mo naman na I hate commitment kaya hindi kita mapagbibigyan sa gusto mo." sinasabi ito ni Dennis habang tinatanggal ang kamay ni Michelle sa kanyang hita.
"I love you." malambing ang tinig ng babae at ipinulupot ang mga kamay sa leeg ni Dennis.
'Hmmm" sadyang sumunod sa baba si Divina para bantayan ang kilos ng dalawa.
Nang makita ni Michelle ang ina ni Dennis ay dali dali itong lumapit sa ginang at inihanda ang pinakamatamis niyang ngiti.
"Tita hindi pa po kami tapos mag-usap ni Dennis, nagpapakipot pa ang anak ninyo."
Naningkit ang mata ni Divina pagkarinig sa sinabi ni Michelle. Ang pakiramdam niya ay itinataboy sya ni sa sarili niyang pamamahay. Walang sabi sabing tinalikuran niya ang dalawa.
Nang mga oras na yun ay walang tigil naman si Emer sa pagpindot sa kanyang cellphone. Nakailang tawag na sya kay Dennis pero hindi nito sinasagot ang kanyang telepono.
"Asan kaya ang lalaking yun? bakit hindi sinasagot ang tawag." bulong ni Emer sa sarili.
Gusto niya sanang sabihin dito na nagcancel ang kliyenteng kausap niya kaya mapapaaga sya ng dating sa mansiyon. Nang akmang tatawagan niya ulit si Dennis ay siya namang pasok ng kanyang secretary.
"Maam Emer, hindi pa po ba kayo aalis? Ibinilin po sa akin ni Sir Dennis na paalalahanan kayo tungkol sa dinner ninyo."
Napangiti si Emer, mula ng simulan niya ang kanyang boutique ay nakita niya kung gaano ka efficient sa trabaho si Joy. Hindi rin niya akalain na talagang ibinilin pa ni Dennis dito ang tungkol sa pagpunta sa mansiyon.
"Aalis na rin ako Lorna mas mainam na maaga akong makarating doon para makapagkwentuhan pa kami ni Mama Divina." sinasanay na ni Emer ang sariling tawaging Mama si Mrs. Almonte dahil alam na niya na sa kasalan na talaga sila hahantong ni Dennis.
Inayos na niya ang sarili ng biglang tumunog ang kanyang direct line.
"Siguro si Dennis ito, nakita na niya ang mga missed call." bulong ni Emer at dalidaling sinagot ang telepono.
"Emerald! ano itong nabalitaan ko kay Toffer?" tumitiling bungad ni Jessica sa kabilang linya.
Nawala ang ngiti sa mga labi ni Emer ng hindi si Dennis ang nasa kabilang linya. Ang makulit niya palang kaibigan ang tumatawag.
"Kahit kailan talaga tsismoso ang baklang yun, hindi ako hinintay na ako mismo ang magsabi sayo." palatak ni Emer.
"Totoo bang may kasalan ng mangyayari? Ano ang sabi ng mga magulang mo?" sunud sunod na tanong ni Jessica.
"Hindi ko na pwedeng bawiin ang nasabi ko kay Mama Divina kaya kailangan kong panindigan ito, kung hindi man matutuloy ang kasal namin si Dennis ang gagawa ng paraan. Ang tungkol naman kina Mama at Papa hindi ko pwedeng ipaalam sa kanila siguradong malalagot ako." mahabang paliwanag ni Emer sa kaibigan.
"Ang mabuti pa dito ka na magdinner sa restaurant para makapagkwentuhan tayo." excited si Jesica sa kabilang linya.
"Sorry Jes, not today kasi may dinner kami ni Dennis with his parents."
"Wow! talagang kina career mo na yan sis at parang inlove ka na sa mokong na yun ah." pang-aasar nito kay Emer.
"Tigilan mo nga ako, I'll see you next time na lang." tinapos na ni Emer ang pakikipag-usap sa kaibigan.
Habang sa mansiyon ng mga Almonte ay gigil na gigil sa galit si Divina. Pinuntahan nito sa study room ang asawa para magsumbong.
"Sweetheart hayaan mo ang anak mo ang umayos ng gulong pinasok niya this time." pang-aalo ni Francis sa asawa.
"Ayoko sa babaeng yun mabigat ang dugo ko sa kanya." patuloy pa rin sa pagmamaktol ang ginang.
"Kaya nga darating si Emer ngayon para mapag-usapan natin ang tungkol sa kasal nila kaya stop worrying okay.." hinalikan nito sa noo ang asawa at niyakap.
'Isa pa yan sa inaalala ko, baka biglang dumating si Emer at maabutan niyang hinaharot ng babaeng yun ang anak natin." sabay buntong hininga ni Divina.
Sinabihan na ni Dennis si Michelle na mag-usap na lang sila sa ibang araw pero ayaw pumayag nito.
"Sweetie, I miss you." ipinulupot na naman nito ang mga kamay sa leeg ni Dennis at walang babalang hinalikan nya ito.
Nang maramdaman ni Dennis ang pagdidikit ng labi nila ni Michelle ay naputol na kanyang pagtitimpi. Ilang buwan na rin syang walang nakakatalik na babae mula ng makilala niya si Emer.
Nang biglang maalala ni Dennis si Emer ay parang binuhusan sya ng malamig na tubig.
Nagmamadaling nagpark si Emer pagdating sa mansiyon, at pagbungad niya sa living room ay nasorpresa sya sa naabutang tagpo.
___________________________
A.N.
Hayan guys may UD today.. pagdating ko sa offie ito ang unang una kong ginawa :)
Happy reading and please leave your vote ang comments ^ ^