Chapter 23 part 1
"Papa, pinatawag mo daw ako?" bungad ni Dennis ng mapasukan ang kanyang ama sa study room.
"May sinabi sa akin ang Mama mo and I was surprised to hear that." nakangiti ang matandang lalaki.
Marahas na buntong hininga ang pinakawalan ni Dennis bago naupo sa tapat ng ama. "I think its about my wedding with Emer right?"
Tumango si Mr. Almonte bago nagsalita. "Ipinakilala mo sa amin si Emer as your fiance kaya we're expecting na pakakasalan mo sya. Bakit ngayon ganyan ang reaksiyon mo?"
Hindi nakakibo si Dennis pagkarinig sa sinabi ng ama.
"Kung ako ang tatanungin mo gusto ko si Emer para sayo, I believe that she's not after with your money." patuloy ni Mr. Almonte.
"I don't think so Papa, hindi pa natin sya lubos na kilala. But don't worr, I will marry her." mabilis na depensa ni Dennis.
"Fix your problem with your mom, nagtatampo yun sayo ipinahiya mo daw sya sa harap ni Emer" utos nito sa anak.
Tumango na lang si Dennis para hindi na sila magkasagutan pang mag-ama.
"Papa who will be assigned sa expansion natin sa Singapore?" pag-iiba ni Dennis sa usapan. Alam nya pagdating sa negosyo ay laging handang makinig ang ama.
"Ikaw sana pero alam kong magiging busy ka."
"I want to be assigned in Singapore because I don't trust our people."
"But how? I know magiging busy after the wedding."
"I'll talk to Emer and I'm sure she'll understand me." pagpupumilit ni Dennis.
"Pag-usapan na lang natin yan after ng wedding nyo. Talk to your mom first para matapos na ang tampuhan nyo." pagtataboy ni Francis sa anak.
Pinuntahan ni Dennis ang kanyang Mama sa kitchen. Abala ito sa pagsusupervise sa mga katulong habang naghahanda ng kanilang tanghalian.
"Hi, Mama." pilit na pinapasigla ni Dennis ang boses.
"Hmm" inirapan lang sya ng ina.
"Mama, dapat hindi na kayo nakikialam dito sa kitchen, kayang kaya na nila ang gawain dito. Makakasama sa inyo ang napapagod." paglalambing ni Dennis sa ina sabay halik sa pisngi nito.
"Do you care? kahapon lang halos sigawan mo ako sa harap ni Emer." panunumbat ni Divina sa anak.
"Mama, I'm sorry okay. Pumayag na akong pakasalan si Emer. Hwag ka ng magalit." ngayon naisip ni Dennis kung gaano kaselan ang kalagayan ng kanyang Mama.
Inismiran pa rin nito ang anak bagp nagsalita. "Ano ang naging usapan ninyo ni Emer?"
"Ano po ba ang sabi niya sa inyo?" balik tanong ni Dennis sa ina, dahil hindi naman sila talagang nakapag-usap ng maayos ni Emer kahapon.
Tinitigan ng mabuti ni Divina ang anak. "I think you should call her para mapag-usapan natin ang detalye ng kasal ninyo."
"Mama, busy yun. Ang alam ko marami syang mga kliyenteng nakaschedule for today." palusot ni Dennis. Sa totoo lang ay ayaw niya munang makausap o makita si Emer dahil nabubuhay ang galit sa dibdib nya.
Matagal na nag-isip ang ginang at biglang nangiti ng may maisip na magandang ideya. "Kung busy si Emer baka makalimutan niyang kumain, ang mabuti pa hijo pagdala mo na lang siya ng lunch." excited na sabi ni Divina.
Pagkarinig ni Dennis sa sinabi ng ina ay parang gusto niyang iuntog ang ulo sa pader. Napakakulit talaga ng kanyang Mama at hindi susuko hangga't hindi nakukuha ang gusto.
"Mama naman! ginagawa mong bata si Emer of course hindi magpapagutom yun." protesta ni Dennis sa gustong ipagawa ng kanyang ina.
"Hwag ka ng komontra pa basta ipaghahanda ko sya ng food nya at ang gusto ko ikaw ang magdadala." sabay talikod nito sa anak para ayusin ang dadalhin kay Emer.
Wala nang nagawa si Dennis kundi sundan ng tingin ang ina. Kahit kailan hindi naman sya mananalo dito.
_______________________
Samantalang si Emer naman ay busy nakikipagmeeting kay Toffer sa office ng kanyang boutique. Ipinapakita nito ang mga bagong disenyo mula sa Europe.
"Fren look at this one, kung ikaw ang magsususot niyan talbog ang beauty ng mga sikat na model dito sa Pinas." pakikay na komento ni Toffer sa isa sa mga disenyong hawak nya.
"Ikaw kahit kailan talaga masyado kang bilib sa akin." nakangiting sabi ni Emer sa baklang kaibigan.
"Ikaw lang naman ang walang tiwala sa sarili mo eh. " biglang natigilan si Toffer parang may naalala.
"Kumusta nga pala kayo ni Mr. Almonte? I was expecting na darating sya sa opening nitong boutique mo." curious na tanong ni Toffer.
Hindi na nakatiis si Emer ngayon niya kailangan ng kaibigan na pagsasabihan ng sama ng loob. Ikinuwento nya lahat kay Toffer ng nangyayari sa pagitan nila ni Dennis at kung paano nagsimula ang lahat.
Halos lumuwa ang mata ni Toffer pagkarinig kay Emer. "Oh My God! This is beyond my expectation fren, hindi ko alam na magagawa mo yun."
"Actually nahihirapan na rin ako at lalo akong nasasaktan kapag pinagpipilitan niyang ayaw pakasal sa akin." may mga namumuo ng luha sa mga mata ni Emer.
"Mahal mo ba sya?" direct to the point na tanong ni Toffer.
Napabuntong hininga si Emer bago nagsalita. "Hindi ko alam." sabay iling ng kanyang ulo. "Pero nasasaktan ako tuwing may nababalitaan akong nalilink na mga babae sa kanya." patuloy nya.
"I think you love him already but right now nasa denial stage ka pa but you're feeling can't deny it." umiiling na sabi ni Toffer.
"Toffer anong gagawin ko? I know right now galit na galit sa akin si Dennis." malungkot na sabi ni Emer.
"Kung saan ka masaya yun ang dapat mong gawin, but you should know the consequences." matapat na sabi ni Toffer sa kaibigan.
Nararamdaman ni Toffer ang paghihirap ng loob ni Emer kaya ginagap nito ang kamay ng kaibigan para iparating dito na kung ano man ang mangyari ay nandti sya para damayan ito.
Pareho silang nagulat ng biglang bumukas ang pinto ng opisina at walang babalang pumasok si Dennis na nakakunot ang noo.
Agad na nahagip ng paningin ni Dennis ang mga kamay nina Emer at Toffer na magkahawak.
_________________
A.N.
UD po ulit para naman makabawi ako sa inyo. Thanks for reading :)
Please leave your vote and comments ^ ^