ترجل رعد من سيارتو هو ودرصاف وتوجهو بخطوات سريعة نحو الميتم
وأمام باب الخيرية كان الحارس لفتح ليهم الباب ظان في نفسو انهم من الشرطة خصوصا السيارات لاصطافت خلف سيارة رعد وخرجوا منها اشخاص ملثمين ومرتادين لباس عليه اشارة OFC
رعد(مسك كتفي الحارس):واش باقا عندكم بنتي حفصة راه ممرضة وكتجي مرات عنددكم(نفضوا بقوة):جاووووبني
حارس(تلف معرف مايقول ليه):م..معرفتش اسيدي دخل شوف انا مكنعرفش
رعد(دفعو جانبا وتوجه داخل لميتم كيصرخ باسم بنتو وكيفتح كل غرفة كيبحث بعينيه عليها):حفصصصة ..... بنتتتي حفصة فيننننك
درصاف(الدموع انساابو من عينيها):ياربي بنتي تكون غير هنا هئ هئ حفصصصة
بسباب صراخ رعد خرجوا بنات الميتم خائفات من غرفهم كيرمقوا رعد بنظرات متوجسة
البنت1:ش...شكون هذا وكيفاش داخل علينا
البنت2:فين هي المديرة تجي تشوف هاد الحمق يقدر يعمل لينا شي حاجة
البنت1: البنات سمعوه كيقول حفصة واش يكون هذا هوباباها
البنت3:اه يقدر حيث انا فايتة شايف شعر حفصة بحال ديك المراة(درصاف):وعينيها زرقين بحال هاد راجل
البنت2:ولكن هو علاش كيغوت هكذا واش وقعات ليها شي حاجة
البنت1:معرفتش هاهي مديرة جات
مديرة(كتعدل في حجابها):بسلامة بسلامة اشريف شنو هاد صداع لعامل هناا وعاد هذا ميتم ديال البنات ماشي عيب داخل عليهم في هاد الوقت
رعد:شكون نتي
مديرة:انا هي مشرفة على الخيرية
رعد(قرب نحوها بلهفة):بنتي حفصة كانت ليوم عندكم فيييين هي!!!! علاش مكاايناش
مديرة:غير بشوية عليك حفصة (نظرات للبنات لخلفو):واش مزال مجاتش
البنت1:لا مزال
مديرة(باستغراب): ولكن هي عمرها طولات حتى هاد وقيتة(نظرات لرعد ولدرصاف لعينيهم غياكلوها بالفضول): هي راه كتكون ديما غير في الباب الخلفي ديال ميتم كتطل على البحر
درصاف:فين هو هاد الباب الخلفي... فين جا
مديرة:اجيو تبعوني ومتخافوش عليها انشاء الله ميكون واقع والوا...
درصاف(بأمل): نتمناو
مديرة(قطبات حاجبيها باستغراب منين وجدات مكان حفصة المفضل فارغ):فين غتكون مشات ميمكنش...
رعد:فييين هي فييين علااااش حقصصصة مكااايناش هنا
مديرة(بخوف):معرفتش هي كتكون ديما هنا تقدر تقدر تكون نزلات حيث مرات كتنزل هنا وخا ديما كنحذرها تهبط
رعد(توجه نحو الدرج كينزل من اسفل التلة ): وخلفه عديد من رجال حاملين المصابي في يدهم واخرى معلقينها على جبينهم
احد رجال ofc: الشاف انا غنعطيهم الاشارة باش يبداو في البحث لعلما نلقاو شي دليل
درصاف:هئ هئ رعد شكون هادو ومنين كيعرفوا حفصة ياك حنا مخبينها على الكل... حتى حد معارفها بنتنا من غيرعائلة
رعد: هادشي لمحيرني ،منظمة خفات معلوماتها على جميع المنظمات الاخرى والمافيات يعني من سابع مستحيلات يعرفوا بالأمر
درصاف:ودابا شنو غيوقع
رعد(مسح دموعها):دابا نلقاوها تقدر ديك المافيا ميكون عندها حتى دخل وحفصة تكون تجلات كلشي ممكن
درصاف :ياربي ميوقع لها والوا راه منقدرش نصبر ارعد خصوصا حفصة نتا عارف شخصيتها لمشات حتى طاحت عند واحد من أعدائنا مغتسكتش ليه وغيصدق قاتلها
مريم(كترمق خديجة بصدمة):لااا لااا راه ميمكنش انا يلاه دويت مع حفصة غيردابا يلاه قطعت معاها. (بعدم تصديق):ميمكنش توقع ليها شي حاجة(مسكات يد صهيب):كنقسم ليك يلاه قطعت معاها هانتا شوف تيليفوني
صهيب(ربت على رأسها):مريم متخلعيش يقدر ميكون واقع ليها والوا
مريم:ووعلاش مزال مصوناو...خديجة شنو باغين منكم علاش حفصة شنو دارت ليهم😭😭
صهيب:رعد عندو بزااف ديال اعداء واصلا منظمة كدير حماية مشددة على عائلة كل عميل
خديجة ( ابتاسمت بصعوبة ): مهم نتسناو بابا يصوني هو لقدر يقول لينا شنو واقع.....
.......
الرجل الايطالي(سانتو): واش هاديك سكتات
المساعد:اه (مد ليها بلاستيكة سوداء): راه خدرناها ولقينا بطاقة تعريف وبعض الصور في جيبها
سانتو(مسك لبلاستيكة ووضعها في جيبو):حتى من بعد ونعرفو شكون هي. قول ليا واش عملية كملات واش اختاطفوا بنت الفارسي
المساعد:للأسف لا رجال ديال ofc كانوا محاوطين لفيلا
سانتو (بصدمة): كيفاش ساقو خبااار
المساعد:بنتو كانت سمعات هدرتهم منين كانوا سكرانين وعلمات باها
سانتو:وفين هما واش شدوا شي حد فيهم
المساعد: لا هربوا ولكن تصابوا جوج من رجال
سانتو(رد على مكالمة سكايلر):الو مسيو رينييا يلاه سقت بالخبار العملية فشلات
سكايلر:سانتو... سمعني بغيت اول حاجة تخرجوا من مغرب ليوم قبل غدا وهادوك لحمير متقيسهمش الفا هو لغيتفاهم معاهم وخا مكرهتش نشبع فيهم غدايدي عندهم الزهر
سانتو(صمت حيث عارف ان موضوع الفارسي كيتعتابر وتر حساس لرئيسهم): راه تزادو بعض الفتيات ومنكذبش ليك وحدة منهم لسانها مكيسكتش
سكايلر(بضحة شيطانية):هه لكانت فيها الهدرة بزااف نقطعوا ليها لسانها يلاه نخليك
سانتو(نظر امامه):مصيبة هادي الفا غيكون معصب بغيت نعرف واش مخدم معايا حمير برهوشة لعباتها عليهم
......
فتح ليها السائق باب سيارة. وترجلات من سيارة بعد ماعدلات من ملابسها ..هزات رأسها بغرور وتمشات بخطوات واثقة مرفوقة بابتاسة صغيرة مرسومة على ثغرها كانت هالة القوة منباعثة منها بشدة ،، زولات نظراتها الشمسية بهدوء قبل ماتضم الشخص لواقف امام باب الفيلا
نور:عمو توحشتك لباس
نزار:بخير الكتكوتة ونتي لباس بخير؟
نور(كتلعب بخصلات شعرها): هه انا. بنت رياض ارذوجان ومنكونش بخير هه
اريج:مرحبا بلالة البنات نورتينا
نور:شكرا خالتو
ريتاج/كيف دايرة ماما(حسنا):لباس عليها ؟ منين سالا الحج قالت ليا غتمشي لمغرب عندكم
نور:ههه جد راه ضاحكة وناشطة مع ياسر لاصقاه على راجل ههه صراحة احسن حاجة دارتها هي منين جات عندي ونساتني بزااف
نزار(نظر للخدم بنظرة آمرة): جهزوا ليها الجاكوزي وخوذوا الحقائب لغرفتها
نور:متحلوهمش انا غنقاذ حوايجي بيدي غير حطو شانطات في بيتي
الخادم:على راحتك
ريتاج(خذات. نور بيدها):اجي دخلي نو متبقايش واقفة حدا باب ونتي غتكوني عيانة من السفر
نزار:ومبغيتش رياض يصدعني متهليتيش في بنتي
نور:هه نتا عارف بابا عزيز عليه تحكار وكيبقى يفكر فيا هادشي علاش
......
ريتاج(كتنادي على بناتها):اريج سارة هبطوا هاهي نور جات (بتنهد)دوك البنات الله يهديهم نهار كامل شادين غير دوك تليفونات لومكانش نزار مزيرهم على اداب ماكلة ميخرجوش من بيتهم
نور:سارة باقة هي سارة
ريتاج:باقا هي ومزال كتمنى ياسين يخطبها شي نهار وصراحة مغتلقاش حسن من خوك ظرافات واداب(نظرات لنزار بفرحة):وانا ونزار مكرهناش يتزوج بها على اقل يدير ليها عقلها خصوصاهي كتحتارموا بزااف وعزيز عليها
نور(في نفسها):مبغيتش نخسر فرحتكم دابا ولكن حتى تكونوا مجموعين حسن ،خويا راه حاط في بالو وحدة اخرى، واصلا خويا مجايش يربي واخر وحدة تزوج به هي ديك سارة
ريتاج:يلاه اجي غسلي يدك وتعشاي غيكون فيه جوع هه وقبلي علينا عارفة مولفة طياب غيثة ههه ولكن راه نزار جاب طباخ معروف على قبلك
نور:هه ماشي مشكل نحاول نولف...
وبعد دقائق قليلة دخلوا غرفة الطعام فتاتان، الاولى في منتصف عقدها الثاني كتحمل بشرة بيضاء. وشعر وعيون سوداء اما الثانية. فكانت قصيرة القامة عكس اختها بشرتها بيضاء ولون عدستيها بنية وشعرها كان مصبوغ باللون البنفسجي..
كانت ملابسهم وحتى المظهر وطريقة المشي ديال كل وحدة فيهم كتدل على الفرق الشاسع بين افكارهم وهدفهم حتى قليل من الناس لكيصدقوا انهم اختان الكبيرة اسمها سارة والثانية ريتاج
سارة: نور مرحبا بك توحتشك بزااف مكانش فراسي غتجي
نور(بابتاسمة صفراء): شكرا
سارة:كديرا خالتي غيثة علاش مجاتش هي وعمي وفين هو ياسين
نور:واش مفراسكش خبار؟
نزار:احم احم سارة واش مسمعتنيش بارح شنو قلت ليك نتي وختك
نور هي لجات بوحدها لاخرين باقي في المغرب
سارة(اختافت ابتاسمتها تدريجيا):وعلاش مخلني نزوق راسي هكذا بففف شحال ماشفتو جاية لعامين
اريج: فين ساطة بخير على سلامتك
نور(بابتسامة)؛بخير ازين ونتي
اريج: كيف ديما
نور: جا معاك لموف
اريج: قوليها ليهم حتى واحد معجباتو وزيد عليها ديك سارة كتحل فمها متخرجيش معايا هكذا اخخ بحال انا غير لاسقة فيها
ريتاج(نظرات لنور):مخاصكش تشجعيها على هادشي لدارت وبالعكس خاص تعلميها كيفاش تأنث وتعلم ايتيكيت البنات بحالك
نور:غير خليها على راحتها حيث اولا خاص رغبة وبالنسبة ليا انا مولفة اريج هكذا
نزار(غمز بنتو):ديري لعجبك شعرك هذاك
اريج:هه اصلا بابا عاجبو لوك تاعي حيث حتى هو كان بحالي منين كان صغيركان من صحاب هيب هوب
نزار:داكشي علاش مبغيتش نحرمك واصلا راك باقا صغيرة عيشي حياتك
نور:يلاه نخليكم نطلع لبيتي
ريتاج:ولكن مكليتي والوا
نور:مزال وقت مخربق عليا وحتى سفر مزال دايخة غنطلع نتكى شويا ونعلم بابا أنني وصلت على خير هه
صعدات نحو غرفتها وخلفها خادمة تابعاها كتشير ليها نحو المكان
الخدامة:هنا غرفتك آنسة
نور:شكرا اه ومبغيت حتى حد يصدعني غدا لسولوكم عليا قولي ليهم عيانة ومافيها مايفطر
الخادمة(رمقاتها باستغراب لكن منين لاحظات نظرات نورالباردة اماءت رأسها بطاعة):على راحتك آنسة
دخلات لغرفتها الجديدة وغلقات خلفها الباب.. صوبات نظراتها نحو حقائبها ابتاسمت منين وجداتهم مقفلين وحملات هاتفها بين اصابعها كتاصل بوالدها
رياض:على سلامة ابنتي
نور:الله يسلمك باباتي سمح لي صونيت عليك في هاد وقيتة غتكونوا ناعسين في المغرب لكن عارفة مغيرتاحش ليك البال
رياض:راه تاصل بيا نزار هادي نص ساعة علمني
نور:اممم كنت بغيت نديرها ليك مفاجأة..
رياض:ماشي مشكل واش نتي مرتاحة.؟
نور:اوفكورس والا فمكنتش غنزيد دقيقة ولكن عمي نزار ومرتو فرحانين بيا
رياض(تفوه بنعاس):دابا غنرتاح
نور:يلاه بابا ارتاح ليك وسير تنعس راه غيثة مكتبغيكش تبعد عليها
رياض:يلاه نور عيني تصبحي على خير
نور: ونتا من أهلو
قطعات على والدها ونظرات لهاتفها مطولا اختافت من ملامحها اي ذرة من المشاعر حتى من ابتاسمتها المرحة سقطات ..
استلقات فوق سريرها واضعة كفيها خلف رأسها ونظرها تعلق بالسقف وعقلها غارق في التفكير..ترسمات ابتسامة شيطانية على فمها ،ابتسامة لمتعاوداتش الانظار تلاحظها على هاد الملامح البريئة خاصة من طفلة مدللة مثلها
نور(بهمس):موعدنا قريب بزاف
..........
في قاعة غالب عليها اللون الاسود، ظهرات صورة تلاثية الابعاد لشخص مرتادي قناع نصفو ابيض ونصف الاخر اسود ولابس زي اسود كالرهبان وفي نفس الوقيتة ظهرات صورة تلاثية ابعاد لشخص اخر لمقابلة معاه مرتادي نفس ملابسو وكذلك نفس القناع لميزهم هما الاثنان
المقنع1: الامور طورات كثر من داكشي لمخيلين
المقنع2: منظمة سكيمرس مزال متواصلة في أعمالها لكن في الآونة الاخيرة بدات كتوغل في العالم السياسي بدرجة كبيرة ومخيفة اكيد غيكون عندها هدف
المقنع1( كيتمشى حول المائدة لكانت تلاثية شكل وكتحمل كرة على شكر بلورة سحرية موضوعة في الوسط): اي حاجة كتجي من ديك المنظمة مكطمأنش معرفتيش ه فين اختارت اللوفيس دير انفجارها الجديد واشمن دولة سقطات ضحية بين يديها هاد المرة
المقنع2:اغلبية فرضيات كتقول في الهند او في استراليا ومزال البحث قائم
المقنع1: لهيدرا مكايناش شي اخبار جديده عليه
المقنع2:لا ولكن كان باغي ابحاث على منظمة سكيمرس كنظن غيكون ياعرف او فهم شنو باغا دير ديك المنظمة
المقنع1: هادشي مجديدش عليه لكن امتا غيحتل المركز الاول من نهار منظمتو ريجيس بدات كتوغل في عالم المنظمات وهي كتعرف صعود في النفوذ وفي القوة لكن غير ريجيس شغلات المنصب الثاني توقفات من أنها تعدي على اللوفيس
المقنع2:قلتيها بفمك اللوفيس هي ماشي اي منظمة هي الاقوى وباش هيدرا يحتل مكانها الامر شبه مستحيل وصعيب.بحكم اكثر منظمة غامضة وكتحمل اسرار كثيرة هي ديك منظمة شبه وصول ليها صعب لهذا هيدرا توقف ،حيث دارك ان الحرب على المركز الاول غتكون فاشلة ليه وغيكون الخاسر وهادشي بدون منكذكرك بشخصية هيدرا النرجسية
المقنع1: في نظرك واش هاد عام غيكون مختالف او غيكون كباقي الاعوام
المقنع2: بالنسبة ليا نفس الروتين المعتاد ونفس الحكاية شنو الجديد لغيكون؟
المقنع1(تسمعات قهقهة قوية من طرفو ونظر للمقنع الاخر): ولقلت ليك ان نور ارذوجان رجعات امريكا ولوحدها !واش غتبقى محافظ على رأيك
المقنع2:ههه واش خلاها ارذوجان تسافر اذن المجاهيل غيترصدوا ليها من جديد ههه الحرب غتبدا
المقنع1( كيتأمل شاشة لأمامو ظاهرة فيها كوكب الارض): الحرب لغتقوم قوية وغيكون نتائجها خايبين ومتقللش من نور ارذوجان ماشي نفسها لفي الاخبار او الشاشة هاديك مجرد مسرحية كباقي المسرحيات ومجرد قناع واضعاه على وجهها
خاص تعرف أن هاد المجاهيل وحتى المنظمات هما فقط كالبنزين او ليصانص خاص تعتابرهم لكن نور ارذوجان. هي ديك شعلة من النار لتقدر تدمر كلشي.. هي لغتبدا هاد الحرب وهي الوحيدة لغادي تقدر تحبسها...
(بين قوسين باش الامور تبق واضحة ليكم،مكثرتش عليكم مجاهيل لا هاد المقنعين مجرد طريقة جديدة للسرد عوض ما الكاتبة تحكي ليكم غتشعروا بالملل لهذا دخلت هاد المقنعين اسمهم واضح حيث لابسين اقنعة .ماعلينا هما غيتوغلوا معاكم في اسرار المنظمات والجانب المظلم ليهم باش تحسوا بالتشويق ولحكاو ليكم هما غتحسوا بمصداقية اكثر من كاتبة لغتشعروا نوعا ما بالملل من داك السرد عكس الحوار وكنعتاذر حيث قاطعتكم وللمرة الاخيرة عدنا اربع جهات في القصة
المجهول(المجاهيل بصفة عامة): شخصيات شريرة
المنظمات:كل وحدة واختصاصها
(هو لكيتواصل مع ياسين وياسر )Mr.Shadow(سيد الظل)
اخيرا المقنعين هما طرف محايد ماشي طيبين وماشي اشرار
نتمنى تكونوا فهمتوا)