Nang makuha na ng dalaga ang bagay na kinakailangan nito ay agad itong lumabas sa gusali, matapos ang ilang metrong paglalakad ay agad itong napahinto.
Matalim na tiningnan ni Recka ang ilang kalalakihang nasa harapan nito.
Nakasuot ang mga ito ng itim na tuxedo habang may iba't ibang klase ng maskara sa kanilang mukha.
Mahinang napatawa na lamang ang dalaga ng makita nito ang pamilyar na maskara na suot ng isa sa mga lalaki, ito kasi ang nakalaban nito sa bidding sa loob ng auction house.
"Siguro naman alam mo kung bakit kami nandito?"
"Can't win in the bidding thus you can only hire those people to get it from me huh?"
"Shut up!"
"Stultus, pinapahamak mo lang angsarili mo." Napailing na lamang si Recka.
Walang gana itong napatingin sa kanyang relo.
It's almost time.
Marahang inikot ng dalaga ang tingin sa paligid, halos lahat ng mga tao sa paligid ay tahimik lamang na nakatingin sa kanilang direksyon.
Nakaupo o di kaya ay nakahiga ang mga ito sa lupa, walang suot na damit ang iian sa mga ito, mapapayat rin ang hubog ng kani-kanilang katawan na halatang kulang sa pagkain ang lugar. Kung magkakaroon man ng gulo ay pikit-mata lamang ang mga ito na mananatili sa kanilang posisyon.
Napakamot na lamang si Recka sa kanyang ulo at napailing.
Di na nakapagtatakang malakas ang loob ng hayop na gawin 'to sa publiko.
Dahan-dahan nitong inalis sa lalagyan ang isang pamilyar na dagger.
Agad na tumalim ang mata ng lalaking kaharap ni Recka nang makita nito ang bagay na hawak ng dalaga.
My family heirloom!
"Kunin niyo ang hawak niya!"
Di na nagawa pang makakilos ng mga armadong mga lalaki nang biglang mawala sa kanilang harapan si Recka.
Isa isang sinaksak ng dalaga ang mga ito sa pinaka kritikal na mga parte ng kani-kanilang katawan gamit ang dagger.
Hindi na nagawa pang magsisi ng mga ito na tinanggap nila ang utos ng lalaki, sa sobrang bilis ng pangyayari ay agad na binawian ng buhay ang mga ito na hindi man lang nalalaman ang nangyari sa kanila.
Sa ilang kisap-mata lamang ay tanging ang lalaking nag-utos na kunin ang dagger mula sa kamay ni Recka na lamang ang mag-isang nakatayo sa lugar.
Lahat ng mga kasama nito ay may mga tama na sa maseselang bahagi ng kanilang mga katawan dahilan upang humantong sa agarang kamatayan.
Nanlalaking mga matang tiningnan ng lalaki ang mga kasama nito na nakahandusay sa malamig na lupa.
Agad na nanlamig ang kanyang buong katawan, nanginginig na napaupo ito sa lupa habang takot na tiningnan si Recka na nakatayo sa kanyang harapan.
Napanganga ngunit walang boses na lumabas mula sa lalamunan nito. Sa isang iglap lang ay hindi na nito nagawa pang makapagsalita ng lalaki.
BINABASA MO ANG
I AM NUMBER 10: BOOK I
Science FictionSa gitna ng normal na takbo ng mundo ay biglang may kakaibang pagsabog ang nangyari sa kalangitan. Isang araw lamang ang itinagal upang tuluyan na ngang mabago ng kakaibang pagsabog ang buhay ng lahat nang nakatira sa daigdig. Ang minsan nang pinapa...
