" သားလေး အို့အို့..ဒယ်ဒီ့ကိုကြည့်နေတာလား သားက..ဟုတ်လား..အို့..ဒယ်ဒီ့သားငယ်လေး.. သြော် ပြုံးနေတာ ကလေးက..ဟင်.. သားလေး "
" အဲ့..အဲ့.."
" ဟောဗျာ ..စကားတွေပြောနေတာလား သားက..ဒယ်ဒီ့ကိုစကားတွေပြန်ပြောနေတာပေါ့ "
ညကမှမွေးထားတဲ့ ကလေးပိစိကွေးလေးကိုရင်ခွင်ထဲပွေ့ပိုက်ပြီး စကားတွေပြောကာမြူနေတဲ့ရိပေါ်။
မျက်လုံးလေးမဆိုစလောက်လေးပွင့်ကာ လက်ကလေးကားယားနဲ့ ကလေးလေးကသူ့အဖေမှန်းသိနေပုံနဲ့ တအဲ့အဲ့အသံလေးပေးလို့ပေါ့။ဘာမှမသိတတ်၊မခံစားတတ်သေးတဲ့ကလေးလေးကို ချော့မြူနေတဲ့ဝမ်ရိပေါ်ဟာ ခုမှတကယ်ကိုရင့်ကျတ်သွားတဲ့ ဖခင်တစ်ယောက်နှယ်။ပြုံးရွှင်စွာနဲ့သားဖြစ်သူကို မြူနေတဲ့မြင်ကွင်းလေးဟာဆိုရင် မြင်ရသူအဖို့ကြည်နူးစရာပါ။
" အဲ့..အူဝဲ..အင့်..အူဝဲ.."
" သားလေး..မငိုနဲ့လေကွာ..ကျွတ် ကျွတ်..ဒယ်ဒီရှိတယ်လေ သားရဲ့..။ဖွားဖွားရေ နို့ဘူးလေးမြန်မြန်လုပ်ပါ..ဒီမှာ သားသားဗိုက်ဆာလို့အော်ငိုပြီ "
" လာပါပြီတော်..လာပါပြီ..ရော့ ရော့ "
ကလေးအတွက်နို့ဘူးလေးဖျော်ကာ လာပို့ပေးတဲ့အိုက်မိတ်က သားကိုနို့သေချာတိုက်နေတဲ့ရိပေါ်ကို ပြုံးပြီးကြည့်နေတယ်။သူမရင်ထဲမှာ ရိပေါ်ငယ်ငယ်ကလည်း ခုလိုလေးပဲဆိုတာကိုပြောပြချင်နေခဲ့ပေမဲ့ ဖခင်မေတ္တာငတ်ခဲ့တဲ့သားလေး ဝမ်းနည်းမှာဆိုးတာနဲ့ပဲ တိတ်ဆိတ်နေလိုက်ရတယ်။
လူသားတိုင်းက လူချင်းတူပေမဲ့ ဘဝချင်းကျခြားနားကြတယ်လေ..။
" ပြွတ်..ပြွတ်..အင်းး..ပြွတ်.."
" အောင်မလေး အစို့သန်လိုက်တာ ငါ့သားရယ်။မင့်ဟာက ငါ့သားလို့ကိုမပြောရဘူးနော် "
" ချွတ်စွပ်များတူနေမလား သားငယ်ရယ်..ဟင်းဟင်း.."
နို့ဘူးက နို့သီးခေါင်းလေးကိုတစ်ပြွတ်ပြွတ်နဲ့ အသံတွေထွက်အောင်စို့နေတဲ့ကလေးလေးကြောင့် ရိပေါ်နဲ့အိုက်မိတ်မှာသဘောတကျနဲ့ ရယ်နေကြတယ်။ရိပေါ်က နို့ဘူးလေးကိုကိုင်ကာထိန်းတိုက်ရင်း မိခင်ကိုပြန်စနောက်နေတာ။
YOU ARE READING
Under The Influence __ UTI { Completed }
Fanfictionဘ ယ် သူ လွှ မ်း မိုး ခံ ချ င် လ ည်း..... " ဝ မ် ရိ ပေါ် " ဆို တဲ့ ကျူ ပ် ခြေ ဖ ဝါး အော က် မှာ လေ.....