" အိုက်မား "
" ရှင်.. ပြောပါရှင့် "
မနက်စာ ကော်ဖီနဲ့မုန့်စားရင်းစကားစ ပြောလာတဲ့သားဖြစ်သူရဲ့ခေါ်သံကို ခပ်ပြုံးပြုံးထူးလိုက်တာမို့ သဘောကျသွားတဲ့သားချောလေးဟာ တစ်ချက်ပြုံးလိုက်သေးတယ်။ထို့နောက် ကော်ဖီလေးတစ်ငုံသောက်ကာ သူ့စကားကိုဆက်ပြောခဲ့သည်။
" ကျွန်တော့်ကို ကားတစ်စီးလောက်ဝယ်ပေး "
" အလို...သားမှာ ဆိုင်ကယ်တွေရော၊ကားတွေရော စီးလို့တောင်မနိုင်တာကို ထပ်ဝယ်အုံးမလို့လား "
" အိုက်မား ကဝယ်မပေးချင်ဘူးလား "
" မဟုတ်ပါဘူးကွယ်။ကားတစ်စီးက ဘာမှမဟုတ်ပါဘူး။သား အသုံးလိုတော့လည်းထပ်ဝယ်ပေးမှာပေါ့ "
" ကျေးဇူးတင်ပါတယ်ဗျ "
" ဟုတ်ပါပြီ.. ဒါနဲ့ဘာလုပ်ဖို့လည်း သား "
" ရှောင်းကျန့် အတွက် "
ရှောင်းကျန့်အတွက်ဆိုတော့ ဝမ်အိုက်မိတ်တစ်ယောက် မျက်ခုံးမြင့်တက်သွားရသည်။ရှောင်းကျန့်ကို စိတ်ပူပြီးချစ်တတ်လွန်းတဲ့ရိပေါ်ဟာ ကားပေးမောင်းမယ်ဆိုပဲ။ဒါက မဖြစ်နိုင်တာမို့ သူမ သိချင်တာကိုထပ်မေးရပေဦးမည်။
" သားရှောင်းကို ကားမောင်းခိုင်းမယ်ပေါ့ "
" မဟုတ်ပါဘူး .. မိုးတွင်းရောက်လာပြီလေ။ပြီးတော့ သူဆိုင်သွားရင်လည်းကားငှားနေရတာကို မမြင်ချင်တော့လို့ "
" အမလေး ဟုတ်ပါပြီတော်။ချစ်ပြီဆိုမှတော့ ဝမ်ရိပေါ်တို့များ ရှယ်အမ်းတာနော် "
" ရှောင်းကျန့် မို့ပါ။ကျန်တဲ့လူတွေဆို ရှိတယ်လို့တောင်မသတ်မှတ်ဖူး "
" သြော်ဟော်.. လိုက်လို့ကို မမှီတော့ဘူး "
" နည်းနည်းပါ။ဒါဆို ဒီနေ့ရှောင်းကျန့်ကို လိုက်ပို့လိုက်အုံးမယ်။သွားပြီနော် အိုက်မား..ပြွတ်စ် "
" ကောင်းပါပြီရှင် "
မိခင်ရဲ့ပါးပြင်ကို တစ်ချက်နမ်းပြီးဆိုင်ကယ်သော့ကိုယူကာ ထွက်သွားတဲ့သားကိုလိုက်ငေးရင်း ပြုံးလို့ကျန်ရစ်ခဲ့တာဝမ်အိုက်မိတ်ပါ။လိင်တူချင်းကိုကျမှ အသဲစွဲအောင်ချစ်တတ်နေတဲ့သားကို စိတ်ချမ်းသာစေဖို့တစ်ခုသာ ရှေ့ပြေးဦးစားပေးတတ်တဲ့မိခင်မို့ သားရဲ့ရွေးချယ်မှုကိုအပြုံးတောင် မပျက်ခဲ့သူပါ။
YOU ARE READING
Under The Influence __ UTI { Completed }
Fanfictionဘ ယ် သူ လွှ မ်း မိုး ခံ ချ င် လ ည်း..... " ဝ မ် ရိ ပေါ် " ဆို တဲ့ ကျူ ပ် ခြေ ဖ ဝါး အော က် မှာ လေ.....