လရောင်မှိန်ပြပြအောက်က တိတ်ဆိတ်အေးချမ်းနေတဲ့ ဘုံကျောင်းလေးထဲမှာ မိသားစုလေးတစ်ခုရောက်နေတယ်။ကျောင်းရဲ့အဝင် မလှမ်းမကမ်းမှာဆိုရင်နတ်ဆရာဖိုးဖိုးကြီးနေတဲ့ သစ်လုံးအိမ်ကလေးကနေရာယူထား၏။ထိုအိမ်ကလေးထဲမှာတော့ ဖိုးဖိုးကြီးဟာကောင်လေးတစ်ယောက်ကို အဆောင်တစ်ခုဖြစ်ပုံရတဲ့ အနီရောင်ကြိုးကို ဆွဲပေးနေပါတယ်။
" စာတော်ပြီးသား ကျောင်းသားတစ်ယောက်ဟာ ဒီစာမေးပွဲကိုကျော်လွှားဖို့လွယ်ပါလိမ့်မယ်။ဒါပေမဲ့ စာလုပ်ချိန်မှာခေါင်းကြည်လင်နေဖို့က ပထမဆုံးအရေးကြီးတယ် "
" ဟုတ်ကဲ့ ဖိုးဖိုး "
" သားက ဝမ်သခင်မကြီးရဲ့မိသားစုဆိုတော့ ဖိုးဖိုးလည်းကူညီပေးတာပါ။ဒီလိုအဆောင်မျိူးကို ဖိုးဖိုးအနေနဲ့ဘယ်သူ့ကိုမှ မလုပ်ပေးဖူးဘူး "
" ဟုတ်တယ် သားရေ။အန်တီက ဒီကျောင်းမှာဘုံကျောင်းဆောက်ဖို့ အစစအရာရာကူညီအားဖြည့်ပေးပြီး ကုသိုလ်ယူထားတာလေ။ဖိုးဖိုးနဲ့ဆိုလည်း အနာဂတ်အကြောင်းတွေခဏတိုင်း ပြောဖြစ်တော့သားအတွက် ဒီအဆောင်လေးလုပ်ပေးဖို့ တောင်းဆိုလိုက်တာ "
" ကျေးဇူးတင်ပါတယ် အန်တီအိုက်။အစ်ကို့ကိုတင်မဟုတ်ဘဲ သားကိုပါဂရုစိုက်ပေးလို့ "
" ရပါတယ် သားရယ် "
ရှောင်းချင်းချန်တစ်ယောက် သူ့လည်တိုင်မှာနေရာယူသွားတဲ့ အနီရောင်ကြိုးနဲ့ကြာပန်းပုံလော့ကတ်အဆောင်လေးကို တော်တော်လေးသဘောကျနေမိသည်။ဆွဲကြိုးလေးဆွဲလိုက်တော့မှ သူ့စိတ်တွေပိုပြီးလန်းဆန်းသွားလို ခံစားလိုက်တာအမှန်။လော့ကတ်ဆီမှရနေတဲ့ ရနံ့လေးကလည်းသင်းသင်းလေးနဲ့ တကယ်ကိုစိတ်ကြည်သွားတာ လက်မခံလို့မရဘူး။မေဟွားကတော့ လော့ကတ်လေးကိုကိုင်ပြီး ပြုံးနေတဲ့သူမရဲ့သားငယ်ကိုကြည့်ပြီး မေးလိုက်တယ်။
" သား သဘောကျလား "
" ကျတယ် မာမား။ဒါနဲ့လေ သူ့ရနံ့လေးကတစ်မျိူးလေးနော် "
" ဟုတ်တာပေါ့..ဒါဟာ ဖိုးဖိုးစုဆောင်းထားတဲ့သက်တမ်းရင့် စန္ဒကူးသားကနေရတာလေ။ဒီကုမုဒြာကြာပန်းပုံလေးကို ပုံဖော်ပြီးလည်ဆွဲအဖြစ်လုပ်ပေးဖြစ်တာက ခုသားရနေတဲ့စန္ဒကူးနံ့လေးကြောင့် စာလုပ်ချိန်မှာစိတ်တည်ငြိမ်နေနိုင်တယ် "
YOU ARE READING
Under The Influence __ UTI { Completed }
Fanfictionဘ ယ် သူ လွှ မ်း မိုး ခံ ချ င် လ ည်း..... " ဝ မ် ရိ ပေါ် " ဆို တဲ့ ကျူ ပ် ခြေ ဖ ဝါး အော က် မှာ လေ.....
