ဝမ်ရိပေါ်ရဲ့မေးခွန်းကို ဖြေဖို့အတွက်အောက်နုတ်ခမ်းလေးကို အသာဖိကိုက်ပြီးအားယူမိတယ်။ရိပေါ်နဲ့မျက်ဝန်းချင်းမဆုံရဲတော့ဘဲ အဖြူရောင်မွေ့ယာအိအိကြီးကို အကြောင်းမဲ့စိုက်ကြည့်နေရင်း ဖြေစရာစကားတွေရှာနေမိပေမဲ့ ရေရေရာရာမရှိခဲ့ပါဘူး။
" မောင် မေးတာဖြေလေ မောင့်ရှောင်း "
" ကျစ်! ... မင်းငါ့ကို ချောင်ပိတ်မေးမနေနဲ့ရိပေါ်ရာ။ငါစိတ်ပူတယ်ဆို ပူတယ်ပေါ့။ဘာလို့လေကြောရှည်နေတာလည်း "
" မောင် သိချင်လို့လေကွာ။မောင် မင်းကိုဒီလောက်ချစ်ပေးနေတာကိုတောင် မင်းပြန်မချစ်တာ။ဒါလေးမေးတာကိုတော့ ဖြေသင့်တယ်မလား "
မျက်နှာငယ်လေးနဲ့ ပြောလာသူအား အားတုံ့အားနာလေးကြည့်မိတယ်။မြတ်နိုးရသူမို့ စိတ်ပူတာကိုသိစေချင်သော်လည်း တကယ်တမ်းမှာဝန်မခံခဲ့ပါဘူး။မိုးနဲ့မြေလို ကွာခြားလွန်းတဲ့အခြေနေတွေမှာ နှလုံးသားနဲ့ယှဥ်လာခဲ့ရင် ဦးနှောက်ကိုပဲ ဦးစားပေးမိမှာပင်။ချစ်မိစိတ်ကို ရှေ့တန်းတင်ပြီး အတ္တကြီးပစ်ဖို့အထိရှောင်းကျန့် မတွေးမိဘူး။စီးပွားရေးလောကမှာ လျှမ်းလျှမ်းတောက်အောင်မြင်နေတဲ့ မိသားစုတစ်ခုက မိခင်နဲ့သားကို သူ့လိုမျိူးသာမာန်လူတန်းစားတစ်ယောက်ကြောင့် သိက္ခာတွေမကျစေလိုတာ ရှောင်းကျန့်ရဲ့စေတနာလေးပါ။
ဒါကြောင့်လည်း တွယ်တာမိသူမောင့်ကို ငြင်းနေရခြင်းပဲ။လွယ်တယ်ထင်နေသလား မောင်ရယ်...။
" ငါစိတ်ပူတယ်ဆိုတာက မင်းအဲ့လိုတွေငါ့ကို ချစ်ပေး၊ဂရုစိုက်ပေးနေလို့လေ။ငါမှ မင်းကိုလက်မခံနိုင်တော့ အားနာတယ်။အဲ့ဒါကြောင့်မို့ပါ "
" ဒီတော့ မောင့်ကိုအားနာလို့ ခုလိုလာဂရုစိုက်ပေးတယ်ဆိုပါတော့ "
" အင်း အဲ့လိုပဲ "
" ဟုတ်ပါပြီ..မင်း ပြန်ပြီးအနားယူလို့ရပြီ။မောင် အဆင်ပြေတာမို့ "
" ငါတောင်းပန်ပါတယ် ရိပေါ်။ငါ့ဆီကနေ ဘာကိုမှမမျှော်လင့်ပါနဲ့။ငါက မင်းဝမ်းသာကြည်နူးရမဲ့အဖြေကို မပေးနိုင်သလိုမင်းအတွက်လည်း ပြီးပြည့်စုံစေတဲ့သူ မဟုတ်ဖူး "
YOU ARE READING
Under The Influence __ UTI { Completed }
Fanfictionဘ ယ် သူ လွှ မ်း မိုး ခံ ချ င် လ ည်း..... " ဝ မ် ရိ ပေါ် " ဆို တဲ့ ကျူ ပ် ခြေ ဖ ဝါး အော က် မှာ လေ.....
