قرية النساء🕌مكتملة🕌

🕌الجزء 47🕌

#سلوى_العلوي ✍️
🕌#قرية_النساء 🕌
البارت 47 👑
قال تعالى في كتابه العزيز: كلُّ نَفْسٍۢ ذَآئِقَةُ ٱلْمَوْتِ ۗ وَإِنَّمَا تُوَفَّوْنَ أُجُورَكُمْ يَوْمَ ٱلْقِيَٰمَةِ ۖ .. وقال أيضا: كُلُّ مَنْ عَلَيْهَا فَان وَيَبْقَى وَجْهُ رَبِّكَ ذُو الْجَلالِ وَالإكْرَامِ ٍ ۝ صدق الله العظيم
أقيمة الجنازة في قصر الشرفة وجاو حكام من بلدان بعيدة يحضرو ويقومو بالواجب .. وجاو عائلة أحمد اولاد عمو لي كاينين فالشمال .. فاتت ثلاثة أيام ديال الحداد وبداو الناس يرجعو لشغالهوم والبعاد يرجعو لديارهم واخا الحزن باقي مخيم عليهوم .. وقف على الجنازة بهاء الدين بيدو مساند مرتو فمحنتها واخا هادي ثلاثة أيام ماشافها كايسمع خبارها غير من إيمان مرة مرة ... كيف عادتها كالسة فالقنت كاتشوف فالنساء شي كايبكي شي ساكت كايسمع القران شي كايهدر وهي حاطا راسها على مها ودماغها خاوي ماكاتبكي ماكاتفكر وماكاتهدر غير ساكتة ةساهيا بحال الميت وإيمان ويزة واقفين على الخدم كايوريوهوم آش يديرو .. جات عمة سيليا لي عاد وصلات شافتها تيثريت وناضت عنقاتها كايتباكاو
العمة: مشاا الغاليي ولد الغالي مشااا مشا ليي كان كايراسلنيي ومسخن كثافي واخا من بعييد .. مشا يعقوب وتبعو أحمد .. مشااو خوتيي بجووج أمرات خويااا مشااو
بقات كاتندب وسيليا كاتسمعها وكل كلمة كاضرها فخاطرها كثر .. ناضت بلا طاقة خرجات لبرا تشم لهوا .. كل بلاصة فالقصر كاتفكرها فعمها .. من خلال زياراتها القليلة لي دارت .. بقاتا غير كاتجر رجليها فالجردة ماوعات حتى حسات بيد جراتها ودخلاتها فالأحضان .. عرفاتو هو .. شكون من غيرو لي حضنو دافي وكاينسيها العالم وما فيه .. ديك التعنيقة بحاللى فتحاتلها المجال تبكي وتهدر وتعبر .. وهي لي كانت مصدومة هاد الأيام
سيليا:(كاتبكيي بجهد ومزييرة علييه) علااشش حتى هو مشى علاش .. حتى قلت عندي باا تاني رجعت عشت نفس الكية لكن هاد المرة الضربة كانت قوية .. حيت عشت معاه وولفتو عنقتو بيديي هادوو وشمييت رييحتو .. مشاا دابا وخلاني بوحدي (زاد زير عليها بهاء الدين) آش غاندير أنى وكيف ندير ننسى .. كان كافيني نعرفو عايش وكايتنفس وفاقنا نفس السماء وتحتنا نفس الأرض .. ولكن دابا مابقيناش غانشركو حتى الهوا
بقا كاتبكي وتخرج كاع ديكشي لي مخبياه فقلبها وهو ماكايدويش غيي كايسمعها وقلبو محروق على دموعها كايحاول يواسيها غير بحضنو وبسكاتو حيت هو عمرو عاش هادشي ومايقدرش يتخيل النهار لي غايعيشو فيه حيت غايدمر .. الواليدين هوما نور حياتنا .. هوما الشمعة المضوية فوسط الضلام .. كايولدو ويربيو ويعلمو ويوعيو ويتمحنو بلا مقابل ..حتى لو كانو كايقساو علينا مرات كثيرة لكن هاماهوم غير مصلحتنا وباغيين لينا غير الخير .. فاش كايمشيو .. كايطيحو ركايزنا وكانبقاو بوحدنا الريح لي جات تدينا وترجعنا ... الله يسمحلنا من الواليدين والله يخليهوم لينا ولي ماتو الله  يرحمهوم ويجعل مثواهم الجنة ..
كايقولك الناس فالناس والقرع فمشيط الراس .. الناس حازنين على فراق أحمد وكاينين ناس باغيين غير الحكم وماكايفكرو فحتى حاجة .. تجمعو العائلة فقاعة الحكم .. تيثريت وسيليا وبهاء  وعمة سيليا وراجلها وولاد عم أحمد لي جاو من الشمال  وعوين أحمد وعلماء الدين والوزراء والرؤساء ..
ولد عم أحمد البكر: إيوا اسيادنا ولد عمنا السلطان أحمد مات الله يرحمو والبلاد بقات بلا سلطان وكيفما عارفين ماعندوش ولي العهد يعني خاسنا نبايعو واحد من عائلتو باش يولي حاكم البلاد
سيليا:(بغضب) تراااب عميي مازاال مانشف ونتوما كاتفكرو غيير فالحكام مناش مصنوعييين منااشش
علال(ابن العم) : شكوون عطاك الحق تدويي ونتي غيير وليية وكاترفعي صوتك بين الرجال وكاتهزي في عينيك
سيليا: شكوون نتا باش تدوي معايا وتتكلم ونتا غرييب على هاد القصر
علال: تبارك الله تقادو لكتاف عمرني ضنييت يجي نهار لي توقف فوجهي ولية والناس كايتفرجو كونما حشمت كون راني
بهاء الدين:(قاطعو بنبرة هادئة) كون شنو درتي ؟؟
علال:(عارفو سلطان بلاد الفقهة) بيني وبين بنت ولد عمي لاش كايدخل غريب فينا
بهاء الدين: هادي مراتي تحت جناحي نهار تقتلني وتدفني ديك السعات علي صوتك عليها وأعلى ما فخيلك ركبو أما دابا غاتسكت وتحني الراس وتخلي الناس لي مكلفين يدويو ...(خنزر فييه) فهمتييي ؟
علال هبط عينو حيت مايمكنش يزيد يرد عليه الهدرة غايقطع راسو بلا رحمة اللهم يتكون فبلاصتو وكيما كان الحال هو أكثر واحد مؤهل للحكام يعني ماعندو مناش يخاف
عوين أحمد: سيادنا هادي وصية مولاي السلطان أحمد تغمده الله برحمته .. يوصي السلطان أحمد بن علي الشريف بشعبه ومملكته وعائلته وييشد بيد ولي عهده ليمسك المشعل وينهي مهمته المنوطة إليه وهي الحكم بالعدل بين الناس و الحفاض على البلاد من جبروت الأعداء
علال:(باستغراب) شكون هاد ولي العهد على بالي أنا ماعندو ولاد وخوه (شاف فسيليا) عندو غير بنت
عوين أحمد : ولي العهد موجود وتمت مبايعته من قبل رجال الدين والوزراء والفقهاء في بلاد الشرفة وسلمه السلطان أحمد الحكم بالوثائق قبل موته
علال:(كارز على يدو ومعصب) شكون هادا
.............
#قرية_النساء💃