قرية النساء🕌مكتملة🕌

🕌الجزء 20🕌

#سلوى_العلوي ✍️
🕌#قرية_النساء 🕌
البارت 20 👑
الشمس غربات وقالت للنجوم كونو مكاني .. راني مليت فالعالي نبقى ديما نلالي .. جاوبها القمر وقال .. انت ضوءك غالي خليني نكون مكانك ونتي علميني كيفاش نصبر ونراري .. في بيت مضوي سمعو تخرشيش قالو يمكن غير خيالات .. كملو زينتهم عادي حتى سمعو صوت غليض كاينادي
الصوت : وهيبة (وحدا من الغنايات ) وهيييبباااااا
وهيبة:(شافت فلبنات بهلع)لبنااات واش سمعتو هادشي
البنت 1: آهه 😬
البنت 2: سمعت 😰
الصوت: لااششش دخلتو لرحبتييي آش بغيييتو منيي
وهيبة : التسلييم التسلييم أعوذ بالله من الشيطان الرجيم
الصوت: باغااا تجرييي عليياااااا هاداا مكااانييي ونتي دابا فقصرييي تعدييتيي على ملكييي الييوم اليوم آخرتك على يدي
وهيبة: أ أ أش بغيتي منيي أ أ أ أنا غيير ضيفة راه راه صوتي ماعلاش وحسي مقطوع
الصوت: سكتيييي سكتييي غداا غددا قبل ماطلع الشمس خويي هاد الرحبة وايياااك تعاوديي هادشي لشي واحد حييت غاتندميي
وهيبة: أ أ لا لااا فمييي مقفول بسبع قفال وساروتهوم لحتو فبير غارق
الصوت: عنداااك يكون لبيير كايشرب قبيلة
وهييبة : البيير ناشف ما فييه ماا
الصوت : يالله ركدييي ركديي نتييي وخواتاتك وهنيونيي صوتكووم يتتقققطعع وأثركم يغغببر
وهيبة: وا وا وااخااا
وهيبة من كثرة الخلعة تخشات فلفراش وتغطات من راسها لرجليها هي والبنات ما بقات دوات والا تكلمات قالت بناقص من شي غنى وقررات عمرها تحضر لا فرح لا قرح آش داها على اخر يامها تدوي مع جنون (أجنون هوما بنادم 😂)
فرحبة الحريم كانو كايتلاوحو على بعضياتهم بالضحك والدموع ماليا عيونهوم
سيليا : نااريي مسكيينة تيقاات وامييي كانموت بالضحك
إيمان: ولينيي أفكار عندك أوووف كرشيي ضراتني بالضحك
صوت:(من بعيد سمعو تصفاق وصوت كايقول) أتباركالله عليكوم خاصني نتعلم لقوالب منكوم
سيليا:(ضارت يمين وشمال مالقات حد) باسم الله الرحمان الرحيم شكون داوي
الصوت :هانا هانا لتحت  ياكما نبانلك بصيفتي
سيليا وإيمان هبطو عينيهوم بانت ليهوم قطة كحلة كتدوي معاهوم هربوو ما بقااو تلفتو وراهوم مالهوم غي هوما ليي يخلعو الناس 😂
إيمان: أويليي وليينا كانعلمو جنون آش يديرو
سيليا: (كاتقرى المعوذتين) صدق الله العضيم أستغفر الله أستغفر الله خلعنيي ولد الهم 😰
إيمان: أماتخافيش راه باين عليه من اهل لمكان ماكايآدي حد
مشار لبنات مور ما سالاو وجدو راسهوم حيت الليلة أول ليالي الاحتفال
دخلات القاعة وكلسات فمكانها فين كانو الحريم جالسين فاصلهم على الرجال ستار شبه شفاف لكن ماكايفرزش الوجوه بداو الأمسية وجا دور سيليا تنغمهوم بصوتها بدات الآلات الموسيقية تعزف وبدات تغني "أنا ديني دين الله " أغنية من التراث الشعبي لناس الشمال كان كولشي كايتمايل معاها وكانو البعض باغيين يحيدو الستار يشوفو مولات عيون المها كيف دايرة أكيد عرفتوهم شكون 😂 السلطان عدنان ... كملات الأغنية وصفقو عليها الحضور لي كان بينهم عمها السلطان أحمد سمع الصوت وتفكر بنت خوه لكن دار فبالو بليي غير تشابه فالأصوات حيت مايمكنش تكون فبلاد الشمال وفقصر السلطان وماتحكيش قصتها ليهوم باش يرجعوها لبلادها نفض من راسو الأفكار وحاول يكمل الأمسية في سلام واخا مابقى سلام مور ما غابت عن ناظرو بنتو الغالية
فاتو ساعات قليلة وتفرق المجمع يالله كانت ماشية فالكولوار هي وإيمان حتى وقفهوم صوت
الصوت: تسناي
ضارت سيليا بالعرق البطيء كان الحاكم عدنان (توما هادا مالو داخل رحبة الحريم )
سيليا : سلام امولاي واش محتاج شي حاجة
عدنان: أ أ (تايه فيها حيت اول مرة يشوفها بلا نقاب) لا غير بغييت نهنيك صوتك رنان وكلامك حلو وألحانك مضبوطة ماشاء الله
سيليا:(بخجل مصطنع هي راه باغا غا تفك منو ) شكرا امولاي شرف لي يعجبكوم صوتي
عدنان : (شاف فإيمان بديك النظرة ديال دكي الطريق وهي ما بغات تفهم ) أحم واش ممكن تشاركيني الجلسة
سيليا: (كاتشوف فإيمان بنظرة عتقيني الله يعطيك لخلا ولوخرا كاتقولها شغانديرلك هادا راه السلطان سيري تبعيه ) أ آهاه واخا
تمشى عدنان وتبعاتو سيليا وهي كاتشوف كيفاش تفك هاد الحريرة المحرحرة ليي خلطاتها وها هي دابا كاطيب فيها ما بغات تعقد خلاص وتهنا 😂
وصلو لجناحو وجلسو بجليسة مغربية أصيلة
عدنان: حكي لي على راسك اياقوت
سيليا:(كادور فعينيها شغاديير دابا شغاتقول فكرات وفكرات ولقاب بليي تغرقها كدوب حسن ) أنا امولاي بحالي بحال لبنات تربيت فبلاد الشرفة مع مي وعلماتني لغنى وصاف شاءت الأقدار نولي غناية
عدنان: واش ماعندكش باك
سيليا:(بحزن) الله يرحمو
عدنان: الله يرحمو (سكت شويا وقال ) ممم واش باقا بلا زواج ؟
سيليا:(علات فيه عينها) كون كنت مزوجة ماكنتش غانكون غناية
عدنان:(صدماتو فاش علات فيه عينها عمر بنت لمراة زعمات تعلي فيه الراس هيهيهيي هادي راها سيليا تربات فبلاد الشرفة لي عمر المراة فيها تحني راسها ) مممم مزيان وماكاتفكريش تزوجي (هادا لاش باغي يوصل )
سيليا: تابعا المكتاب فينما داتني رجلي نكون (قبل ما يهدر وقفات) سمحلي أمولاي تعطل الحال وليل مظلام خاسني نرجع لبيتي
دارت بلاما يجاوبها خلاتو مصدوم ما عرف راسو باش تبلا
عدنان : قمعاتني 😳 (مور لحظات استوعب الأمر وابتاسم ) بغيتها 😍
ايوا البنات فنظركم علاش ناوي عدنان ؟ وكيفاش غادوز هاد ليام ؟ هادشي لي غانعرفوه فقصتنا #قرية_النساء💃