قرية النساء🕌مكتملة🕌

🕌الجزء 1🕌

#سلوى_العلوي ✍️
🕌#قرية_النساء 🕌
البارت 1 👑
"يا شمس طلي علينا وفرحي أهل القبيلة .. نوارتنا اليوم تولدات .. جات وجابت معاها الخير لهاد المكان .. تنصفنا يا بنات الناس .. وولات عندنا كلمة وحق نحكمو قريتنا ونعيشو بسلام .. سمعوني العيالات القادات.. كنا وكنتو وصرنا وصرتو .. زمان لي كنا فيه محكورات ولى غير خيالات .. دابا عندنا قيمتنا وجاهنا .. كفطو كمامكم وجمعو جلايلكوم ونوضو خدمو على ولادكوم وحرثو أرضكوم .. من اليوم ما علينا راجل يحكمنا ولا يخدم علينا .. غنسدو بابنا ونعيشو ما تبقى من حياتنا " هادا كان كلام القايدة إيزة مرة مناضلة وقادة مات راجلها من زمان وما خلالها ولاد بغاو يزوجوها ناس القبيلة بخو راجلها (فزمان كانت لمرا ما تروح لدار باها واخا تولي أرملة يزوجوها لواحد فعائلة راجلها) تحدات التقاليد وتحبسات شحال من مرة حتى هربات لهاد الثلث الخالي لقات فهاد البلاد حاكم دخلها لقصرو وتهلا فيها وبعدما رواتلو قصتها حن فيها وفنساء بلادوا لي تا هوما كايعانيو من نفس الحاجة فقرر يبني قرية تكون خاصة بالنساء ما يوطاها راجل يديرو فيها ما بغاو ويحكمو راسهم براسهم وهو ما عليه غير يحميهوم ويمهد الطريق باش يثبتو راسهم .. وفهاد اليوم لي تسنا فيه الاتفاق وولاو لعيالات حرات تولدات نوارة القبيلة "سيليا"(وهو إسم أمازيغي يعني فائقة الجمال) بنت الأميرة تيثريت زوجة الأمير يعقوب الله يرحمو لي توفى من قبل أشهر قليلة وبعدما قررو يزوجو مرتو بالملك أحمد رفضات وقررات تجي تعيش في قرية النساء لي سنين وهوما كيحاولو يقنعوا أهل القبيلة يتقبلو وجودها لكن شاءت الأقدار أن خبر موافقتهم تزامن مع أول صرخة لهاد البنيتة الصغيرة في هاد الدنيا جات وجابت معاها الخير .. كانت آية في الجمال ..جمال أمازيغي حر لعيون لكبار لمشفرين والشعر الأسود والبشرة البيضاء بحال الحليب كبرات سيليا وسط النساء كانت مدللة من طرف الجميع لم لا وهي فرحتهم وأملهم في الحياة حظها دائما حاضر فينما حضرات ولي بغا تصدقلو شي حاجة كيديرها فجنبو بحال شي حجاب .. هادي هي قرية النساء لي غانعيشوا فيها أحداث قصة ولا في الخيال تبعوا معايا البنات وحضرو عقلكوم حيت حجايتنا باقي فيها مايتقال ♥️
سيليا👇

بلاد الشرفة 🕌

قرية النساء 💃