قرية النساء🕌مكتملة🕌

🕌الجزء 33🕌

#سلوى_العلوي ✍️
🕌#قرية_النساء 🕌
البارت 33 👑
قالوا حتى قالوا على الدنيا :اللي فاتْ ماتْ حسْبو دازْ غْمامَةْ ٠٠٠لا تلومْ النفسْ عليه ويَّاكْ الندامةْ
   لَعْجبْ كـيـفـاشْ بْـنادَمْ يْـشـوفْ وْراهْ ٠٠٠وَعـلـى قـدَّامـو يَـتْـعـامـى
  نُوصيكْ ديرْها فيدْ مولاها٠٠٠ وْرَحَمْـتو ديما تْرَجَّاها
  رْجاكْ ف الله لا تْحاولْ تْقطْعو٠٠٠ قْطيعْ الرْجا فاللهْ معدودْ سْفاهةْ
  شفْتْ الدنيا مْثَلْها مثَلْ سْحابة ٠٠٠ اللِّي يقولو ظلّْها يْدومْ كَـذَّابةْ
  لغْشـيمْ عاضّْ بَ اسْـنانو عْليها ٠٠٠ وْلَفْطينْ دارْ ليها الشَّطَّابَةْ
الدنيا شْتا وَرْبيعْ وْصيفْ وَ خْريفْ ٠٠٠ شي عْشَقْها شي اشْتَفْ عْليها اشْتيفْ
الدنيا دوارة وكل واحد آش كاتغرفليه مغرفتو ماعرفنا غدا نحياو ولا نصبحو من الميتين ...
فاتو ليلتين وجا وقت سفر بهاء الدين .. كانوا واقفين هي وياه موسدة صدرو ماساخياش بيه وحتى هو ماساخيش كيفاش يسخى وهي أخيرا ولات مرتو وكيما قالت ماكملو حتى سبعيام دالباكور
بهاء الدين:صافي أحبيبتي راني ماغانطولش الغيبة
سيليا:بهاء أنا حاسة بقلبي مقبوط وعقلي مشلول وغمامة كحلة على عيوني هاد السفر مارتاحيتلوش
بهاء الدين: ماعندك مناش تخافي راه معايا دربال وفخر الدين والحرس
سيليا: ويلا وقعلك بحال المرة الفايتة ؟
بهاء الدين : (بمزاح) نلقى تاني شي وحدة داويني 😉😌
سيليا:(ضرباتو لصدرو) ياك الغدار عريتي على نيابك وبنتي على حقيقتك راه نهز حايكي ماتعرفني فين زدت
بهاء الدين : نجيبك نجيبك واخا تكوني فسابع أرض الحب كاينشف لبحور ويرسم الطرقات
سيليا:(ابتسمت بخجل ) أ
دربال:(قاطعهوم للمرة الألف بغى يموت واقيلة 🙄) مولاي خاصنا نشدو الطريق دابا أأأ (تخلع فاش خنزرو فيه بجوج بيهوم ) هيهيهي صاف خودو راحتكم سمحولي 😅
بهاء الدين:(ولا تلفت لسيليا قبل جبينها بحنان وطول بحالا كيحيد فيها شوقو ليها فهاد السفر ) تهلايلي فراسك أنا غانحاول مانطولش
سيليا: (عنقاتو زعماات 😂) الله يديك ويجيبك على خير
بهاء الدين : آمين
نمشيو لمكان مابعيدش بزاف عليهوم ونشوفو آش طاري
كانت إيمان كاتفرج فهاد عصافير الحب وهي متأثرة بالمشهد حتى حسات بشي واحد وقف جنبها دارت بخفة ولقاتو فخر الدين توترات ماعرفات ما تقدم ولا توخر
إيمان: أ أ
فخر الدين:(شافها كاتمتم عليه قال واش هادي هي لي كانت طالقا حلوقها وكاتلاج معاه 😏) سلام
إيمان : آه السلام كيف داير بيخير كولشي مزياان اللهم بارك (فاش كاتوتر كاتولي تهدر بزربة وجيب يا قول وفم ماشي جيب يافم وقول 😂)
فخر الدين:(بابتسامة جانبية) مالك كاتمتمي راه قرينا عليك غير سلام الله
إيمان:(سكتات شوية كاتفكر) شكرا
فخر الدين:(باستغراب) علاش ؟
إيمان: حيت حيت داك النهار غوتي على سلمى على ودي
فخر الدين: (دار يديه بجوج مور ضهرو) درت داكشي لي خاصو يدار هي قللات لحيا وانا تفاهت معاها
فلاش🔙
سلمى: تقادو لكتاف او وليتي تدويي ألالة عرفي راسك معاامن كاتدوي ولا خرجي من القصر الباب وسع من كتافك
الصوت: (بالغوات ) سلمى سكتيييي
سلمى:(شداتها الخلعة من صبع رجلها الصغير) خ خ خوياا
إيمان:(ويلي تيي كييفاش خووك الله ياربي كنت مكحلاها غا معاه صدقت مكحلاها حتى مع ختو )
فخر الدين: (قارن حجبانو وكايدوي معصب) آش هاد قلت لحيا لي كادوي بيها مع الناس هادشي ما تعلمتي تقولي من إيمتاولينا ننقصو بالضياف
سلمى:و و ولكن هي راه
فخر الدين:(غوت تا زعزع كولشي وولات وحدة تدخل فوحدة بالخلعةة) سكااات قطعي حسسك وسيري لبيتك ماباغيش نغلط فيك حدا الناس 😡
أم كلثوم :(أم فخر الدين مسكينة ماكاتدوي ماكاتكلم كاتحشم بزاف وفاش كانت بنتها كاتراد مع إيمان فالهدرة يالله غاتسكتها حتى سمعات فخر الدين) صاف اولديي ماتعصبش هاهي غاتمشي
يالله سلمى غاتعتب الباب رجع قال
فخر الدين:اعتذري
إيمان:(فييين هي إيمان راها مصدومة واش هادا لي كاتقيل تعايرو دابا كايدافع عليها ) لا لا ماعليش غي سيري
فخر الدين:(خنزر فيها وهي تسكت)
رجعات سلمى واعتاذرات من إيمان تخاف ماتحشم أما فخر ما تسناهاش حتى تشكرو دار وخرج بقى كايتسمع غير توشويش بنات العائلة ولخدم على فخر الدين أكيد ما هو وبهاء كايطيحو الزرزور من فوق الصور وكيخليو بنات القصر يقولو تحت رجليكوم حنا عبد مأجور (مدلولات🙄)
نهاية الفلاش 🔙
إيمان: ممم الله يديكم ويجبيكوم على خير
فخر الدين:(شاف فيها مطولا) آمين ... تهلاي فراسك
إيمان:(واش هادا داوي معايا 😳 وا ردوولي فخر الديين لي كانعرف راه غانسخف ) احم شكرا حتى نتا تهلى فراسك
فخر الدين: شكرا
مشاو أبطالنا شادير الرحال وحاسين بلي مور هاد السفر كاين شلى مفاجآت ماعرفوهوم واش خايبين أو مزيانين الحاجة لوحيد لي عارفينها أنهم خلاو مصيرهم بين يدين الرحمان هو لي غايمشيهوم للي فيها الخير ..
#قرية_النساء 💃