قرية النساء🕌مكتملة🕌

🕌الجزء 55🕌

#سلوى_العلوي ✍️
🕌#قرية_النساء 🕌
البارت 55 👑
مشارف النهاية 🥀
السما صافية والقلوب مغيمة .. الطريق طوالت على غير العادة .. العيون مدمعة .. كترات الأفكار وكترو التوقعات .. وكل واحد خايف من لي جاي .. بعد نزال أو يمكلنا نقولو مواجهة دامت للحظات مانقدروش نوصفوها بالقليلة أو السهلة .. بل كانت لحظات طويلة وصعيبة تستنزفات فيها طاقتهم .. لكن فالأخير توج صبرهم وتحملهم بانتصار عادل .. حط بهاء الدين سيفو على عنق دربال لي عرف بأنها آخر حلقة فحياتو كايتسنى الموت تطرد روحو من جسدوا حتى أن الشهادة تلفات عليه ولسانو تعقد .. صحيح بهاء الدين ضريف لكن ماشي فأمور الحكم .. وماشي مع لي غدرو ... لي كان. مع دربال النص تصاب والباقي حطو سيفهم باستسلام .. كايتسمعو غير دقات قلوبهم .. البعض خايف من لي جاي .. والبعض الآخر غي عيا من النزال .. والباقي دقات قلوبهم ناتجة على الروح لي كاتودع جسدهم ..
بهاء الدين: (ببرود) دابا عاد نقدر نفهم آش واقع هنا (تسناه يجاوب لكن بقى ساكت) واخا ماناويش تهدر
رفع سيفو كأنه غايقطع راسو لكن حبس فآخر لحظة دور وجهو وبحركة سريعة قطع راس واحد من الحراس لي كان مع دربال .. تسمعات شهقات ذعر وصدمة من الموجودين .. كيفاش بدم بارد وبهاد السهولة قطع راس شي واحد بلاما يرفلو جفن سيليا لي كانت شادة لمرا طلقاتها بالخلعة .. أما المرا فاكانت كاترجف من شدة الخوف ركابيها تحشو وحسات بلي هادا لي قدامها غايدوز عليهوم العذاب بلا شفقة ولا رحمة .. فخر الدين منين حس بالقضية غاتعقد آمر حراسو يكبلوهوم ويجروهوم لقصر الشرفة حتا يتفاهمو معاهم لكن قاطعاتو سيليا
سيليا: حبس أفخر (شافت فدربال مطولا) هادا و(شافت فالمرا) هادي غايمشيو معانا حيت كاين طرف ثالث فهاد اللعبة يقدر يعاونهوم يهربو
بهاء الدين(شاف فيها بنظرة شوق حب اشتياق اطمأنان استغراب خوف نظرة جامعة كل أحاسيس الكون المتناقضة فهاد اللحظة بالذات بغا يعنقها ويشبع منها لكن الظروف ماكاتسمحش ) هادشي فيه بزاف دالأطراف
توجهو للعربة لي كانو جايبيين معاهم ركبو فيها كل من سيليا المرا ودربال وبهاء الدين أما فخر الدين ركب مع سائق العربة القدام .. دازو ديك الساعات بحال السنين .. شي كايشوف فشي بحقد وغضب كايحمل عتاب شديد .. يمكن فهاد اللحظة بهاء الدين مكسور أكثر من أي وقت داز .. حيت غضبو لي كايبان على وجهو .. ما إن تحقق فعينيه كاتشوف حزن وصدمة قوية .. تمنى يكون هادا كلو حلم ويفيق يلقا حبيبتو ناعسة حداه وهوما مرتاحين وفرحانين لكن .. تمشي الرياح بما لا تشتهي السفن ..
أخيرا وصلو للقصر .. كان كولشي مبهم  حتى حاجة مواضحا .. شي كايشوف فشي وشي ماقادر يهدر مع شي ..أول حاجة دارها بهاء الدين مور ما آمرو الحراس يديوهوم للمطمورة هي أنه جر سيليا بلاما يعير اهتمام للحاضرين .. عنقها بكل قوة .. كايختازل فيها جميع الكلمات لي ممكن يقولها .. وهي بدورها اختازلات فتعنيقتها ليه كاع الخوف لي كانت خايفة عليه
بهاء الدين:(شاد وجهها بين يديه) ماتخيليش شحال خلعتيني عليك كنت غانموووت
سيليا:بعييد الباس عليك يموت عدوك لي مايبغيك
بهاء الدين:(هز يديها بين يديه كايشوف فيهوم) شنوو داروولك ؟ آشش وقع ليدييك ؟ كانقسم بالله حتى يقاسيو أضعاف
سيليا:(قاطعاتو) شششش تهدن ماوقعلي والو مايقدوش علي أصلا باش يآذيوني 😌
بهاء الدين:(ابتسم فخضم كاع لي واقع ابتسم من ثقتها بنفسها لي كاتشل كيانو ) بعدا ماعندي مايتسالك ديما الثقة فالنفس
قرب من وجها بضعف باغي يزيد يروي شوقو ليها ماوعاش على نفسو حتا سمع تحنحين شاففالأرجاء لقا كولشي كايشوف فيهوم 🤣 شي متأثر شي غيران شي فرحان وشي كايدخل فشي بالحشمة كولهوم عارفينو آش كان ناوي يدير وكولهوم حشمو من آش كان غايوقع .. تقدمو الناس والعائلة كايسلمو عليهوم ويدعيو معاهوم بالهناء لي غادرهم .. وأقاموا عشاء متول تجمعو عليه في جو من الحب والألفة من بعد كل واحد مشا ينعس يصبح ويفتح .....
#قرية_النساء💃