قرية النساء🕌مكتملة🕌

🕌الجزء 5🕌

#سلوى_العلوي ✍️
🕌#قرية_النساء 🕌
البارت 5 👑
في طريقو للشمال كان فارسنا المغوار راكب على عودو الأدهم سوادو ظلام الليل كون تكلم منو يخاف معاه عوينو راكب على عود بركي أصيل
لعوين: مولاي آش بانلك نحطو رحالنا فهاد لبلاد بانتلي ريحها طيبة وناسها كرماء من غير شي هادي يوماين وثلاث ليالي ما رتاحينا ؟
بهاء الدين: لي بانلك أدربال ولكن خلينا نشوفو شيخ لقبيلة واش كيقبلو ضيف الله حسن مانوليو فالله يتبقي الستر
دربال: نعم أمولاي
قصدو الشيخ ودقو بابو كان راجل بهمو وشانو هاز تسابيح بلا هدرا بلا كلام وقبل حتى مايقراو عليه سلام الله فتح الباب وابتاسم برضى
الشيخ: مرحبا بضيف الله جيتو بخيركوم لقيتو الماكلة عاد تحطات
شاف فيه بهاء الدين باستغراب ولكن سما الله ودخل للدار لقى طابلة مشكلة كأنهوم كانو كيتسناو الضياف
بهاء الدين: السلام عليكم يا أهل المكان سمحولنا على دخلتنا لهاد المقام حنا جينا طالبين ضيف الله فقبيلتكوم ما توقعناش ترحبو بينا قبل ما نطلبوه
الشيخ: مارحبا بيكم لي وطات رجلو بلاد الشرفة مايخرج منها تا يكمل أيام الضيافة كيما كايقولو جدودنا دير الخير  ولوحو في بحر جاري الا ضاع عند العبد عمرو يضيع عند الباري ايوا تفضلو تفضلو
بهاد الدين: الله يبارك فيكوم ويكثر من أمثالكم يا ناس الخير كلنا عباد عند الله وما يدوم غير الخير
جلسو تعشاو وتعارفوا مزيان ضايفوهوم ضيافة القصور واخا الدار ما ساكنينها ملوك
بهاء الدين : سمحلي الى زعمت عليك وتطاولت فالهدرو ونتا دخلتيني لدارك بلا حتى كلمة .. واش كنتو كاتسناو الضياف
الشيخ: (ضحك بخفة وقال) أولدي دار شيخ لقبيلة بحال الجامع لي مالقا فين يكون يقصدها داكشي علاش نوارة الدار كتوجد كول يوم وليمة لعلا وعسى يزورنا زائر وتعمر الدار علينا ونهار ماكانصيبو لي ياكل معانا كانهزو دوزانا ونقصدو جيرانا نتشاركو الطعام والكلام ونقصرو تا يجي وقت النعاس
بهاء الدين: الله يجعلها في ميزان حسناتكم ويقوي وتادكم ويعلي مقامكم عند الخالق بارك الله فيكم ونعم
سالاو حديثهوم ووراهوم الشيخ لبيت فين يكونو الليلة يصبح ويفتح ..
العيون تغمضات وكل كائن طيب نعاسو إلا جوج نفوس وحدة كاتخمم فللي جاي وحاسة بلي قريتهوم خايدخلها الغاشي بعد أيام وهي عمر إحساسها ما خاب والآخر كيفكر فالجود والكرم ديال هاد لبلاد لي ياما سمع عليها حجايات كثار من صغرو  وعرف بللي ملكها شاب وباقي على موت مرتو حزنان وبلي ما عندو ليي يورت أملاكو ولا لي يكون مكانو ويقوم بمهاموا غير الله يلطف بيهم ويخليهوم فرحانين على الدوام ..
صبح صباح وأذن الفجر لي صلا صلا ولي مشى لخدمتو مشى أما بهاء الدين يالله خرج يتوادع مع الشيخ لي ما خلاهش يزيد خلفة دالطريق قال ضيافة النبي ثلاثة أيام ومايمكنلوش يخلي أمير بلاد الجيران يمشي
الشيخ: عار الجار على جارو أولدي كلس حتى تكمل الليلة الثالثة وشد الطريق للشمال
بهاء الدين: ربي يطول فعمرك أسيد الشيخ ولكن هادا هو الوقت خاصني نوصل قبل ماتكمل سبعيام تابعني شلا شغالات
الشيخ: ما خليتيلي كلام على الأقل دوز لقصر مولاي احمد الشريف صيل الرحم معاه
بهاء الدين : ناوي فالرجعة ندوز عندو أما دابا ماجاتش ندخل بيدي خاوية ونكسر العهد لي عطيت لببا
الشيخ : ايوا الله يعرضك السلامة وينقي طريقك من شوك (مدلو رزمة) ها هي شوية دالمونة دوز بيها الطريق علاما توصل  لي نوصيك عليه غير تعتب حدود بلاد الشرفة ما تييق فحتى كائن سوى كان إنس أو جان حيت بلادنا  وبلادكوم ماشي بحال باقي البلدان الطمع عامي عيون الناس والشرك طاغي على قلوبهم
بهاء الدين :مع السلامة
مشا وكلام الشيخ كيزنزنلو فراسو بصح بلاد الفقهة وبلاد الشرفة مأمنين ما فيهوم حروب وناسهم مسالمين ولكن جارتهم بلاد الشمال فيها شلا حكايات ودغل لي مخلي كولشي منها يبعد ..
فنظركم واش أميرنا غايوصل لبلاد الشمال سالم ؟ هادشي لي غانعرفوه جميع فقصتنا #قرية_النساء💃