قرية النساء🕌مكتملة🕌

🕌الجزء 41🕌

#سلوى_العلوي ✍️
🕌#قرية_النساء 🕌
البارت 41👑
"ما تعرف العدو من الصديق غير فالشدة والضيق"
منين يوقف معاك لي شفتيه غريب .. وظنيتيه يمكن يجي نهار ويخليك .. تتقاتلو وتتناكرو لكن القلوب تصفى والمحبة تبقى .. فاش تعيشو لي ما يتعاش .. وتفهمو بعضكوم بحال التوام .. وتفصلو وتخيطو مع بعضكوم .. عرف بلي لقيتي الصديق لي ما يغضرك ما يضرك .. يوقف معاك فضيقك وهمك ويفرح ليه ففرحك ..
كانت كالسة على كرسي كاتشوف فيها محسرة وكاتقول معا بالها شوف كيف كانت ضاحكة حتى فجأة ولات باكية .. مور ليلة طويلة وصعيبة تشاركو فيها الهموم وتخالطو الدموع نعسات إيمان بلا مماتحس .. يمكن رتاحت حيت عاودات لشي واحد هاد السر .. مشات سيليا بلا عقل لبيتها حتى شداتها شي يد
بهاء الدين:علاش ما جيتيش ليلة البارح عييت نتسنى فيك ؟
سيليا: (بتعب) بقيت مع إيمان
بهاء الدين:(كايقيس وجهها) مالك ؟ مناعساش ؟
سيليا: لا مانعستش الليل كامل غانمشي نبدل علي ونرجع نطل عليها
بهاء الدين:(قارن حجبانو) مالها آش واقع معاها ؟
سيليا: مشاكل ديالها أبهاء مانقدرش نشركهوم معاك
بهاء الدين:ممم  واخا (عنقها) توحشتك بززااف
سيليا:حتا أنا .. كيف بقات يدك
بهاء الدين: مزيانة ..ممم أنا خاسني نمشي لقاعة الحكم عندي شي شغال نتغداو بجوج ؟
سيليا: واخاا
باس راسها ومشا خلاها تايهة ماعارفا كيفاش تخفف على صاحبتها الحمل لي هازاه هادي سنين ...
فاقت إيمان وراسها ضارها تنهدات فاش ملقاتش سيليا حداها طرفات حالتها وخرجات تقلب عليها وهي باقا حاسة بالدوخة .. كانت غاطيح كون ما شداتها يد علات راسها تشوف شكون
إيمان:(بتوتر) ف ف فخر الدين
فخر الدين: (قارن حجبانو) رديي بالك .. مالك خارجة ونتي باقا مريضة
إيمان: أ أ اه ماشي مريضة .. زعما مريضة ولكن مابقيتش مهم شكرا بسلامة (باغا تهرب)
فخر الدين:(شدها من يدها قبل ماتمشي ودار اليد التانية على جبهتها كيتحسس حرارتها) باقا فيك السخانة
إيمان:(بعدات عليه) ااا لا لا راه غير مممم
فخر الدين:(بعد فاش شافها متوترة) فين غادا على صباح
إيمان: عند سيليا
فخر الدين: ممم مزيان الله يشافيك (شاف فيها لابسة جبادور مزير ويديه عريانين حيد سلهامو دارو فوق كتافها) لبسي هادا دابا يضربك البرد 😑
إيمان:(وا فيينن هيي راها سخفااات ااا لا زعما قريبة تسخف مشى بحالو وهي بقات تدوي مع راسها) أويلي هادا مالو فين هو فخر الدين لي كانعرف (حطات راسها على حناكها غايطرطقو بالحشمة) الله الله قاسسنيي فجبهتيي 😳
سيليا:(قاطعاتها) مالك كاتهدري مع راسك 🤣
إيمان: اااا والو والو
سيليا:(بمكر حيت شافت كولشي ) جاك السلهام غزااال 😉
إيمان: ااا شنو ؟
سيليا:تصمكتي قلتلك السلهام دسييي فخر الدين جاك غزاالللل 😂
إيمان:(خنزرات) سيليا راني عاودتلك آش كاين
سيليا:(جمعات الضحة ودوات بجدية) إيلا كان باغييك بصصح غايتفهمك أما الى ماكانش باغيك الما والشطابة
إيمان: كيفااش غانقولهالو واش كاتدوي بنيتك
سيليا : آه بننيية نييتي مالي قلت شي حاجة ماشي معقولة لاكان باغي مرا للزواج راكي كاملة مكمولة ويلى كان باغيي جارية للفراش يقلب فبلاصة أخرى (بقات إيمان حادرة راسها ودموعها على طرف عينها) شوفي في الى تقدم خطوة للقدام نتي غاتوقفيه غاتهدري معاه بالتي هي أحسن إلى بغا تبارك الله مابغاش أنا فيي عائلتك كولهاا ويلا ماهزك هاد الكتف يهزك لاخور ويلا ماهزوكش كتافي غانهزك فوق راسي
تعانقو لبنات ومشاو لغرفة لحكام يبرككو فيهوم شكايديرو حتى سمعو الكلمة ليي فشاتلهوم الركابي وصدماتهوم بجوجات
فنظركم البنات شنو سمعوا سيليا وإيمان؟ وشنو غايوقع مع عصافير الحب ؟؟
هادشي لي غانعرفوه فقصتنا #قرية_النساء 💃