💎مكتملة💎
❌حصرية على الواتباد❌
قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍
العنوان:#قرية_النساء💃
للكاتبة: #سلوى_العلوي ✍️
⚜️🏰⚜️
حجايتنا كتهدر على زمان غير زمانا وناس غير ناسنا نبداوها باسم الله ونصليو...
#سلوى_العلوي ✍️ 🕌#قرية_النساء 🕌 البارت 11 👑 اليوم السحاب والشمس تناقشو هي تقول أنا ليوم شارقة وهو يقول والله اليوم مانتي لضيك ناشرة حتى جات الشتاء وقالت اليوم عرس الذيب خاصنا كاملين نديرو اليد فاليد ونبانو باش السماء تتزين .. وهكذا كان اليوم عرس الذيب في القرية الشمس والشتاء والسحاب خلاو قوس قزح يبان كان جو زوين خلا كولشي يقول ما شاء الله .. في غرفتها كانت شمعتنا المطفية سيليا لي من نهار غاب عليها حبيبها وهي حازنة كتفكر فيه وتناسات أشنو طلب منها عمها . خافت الى خوات هاد الرحبة يجي يقلب عليها مايلقاها .. وهي ساهية فتخمامها سمعات صوت خيل كيقرب من القرية سيليا: زعما يكون هو ؟؟ ناضت مخطوفة من بلاصتها لبسات حايكها وخرجات كان الصباح يالله صبح والعيالات مشاو للأرض ينقيو الزرع من الشوك لي كينبت وسطو والبنات لعويتقات نزلو للحمام يتحممو بقات بوحدها تراري بهمها توكلو وتشربو من أفكارها تا يزيد يكبر ويولي ياكل فيها لحم وعضم .. خرجات سيليا ويا ريتها ما خرجات شافت رجال كثار أول مرة يدخلو للقرية هرسو الشجر وبيبان الدار وغير لمحها واحد فيهوم لي كان وجهو مألوف ابتسم بشر وطلب منهوم يجيبوها ليه .. كانت مصدومة هزوها وهي عن وعيها غايبة الشيخ :(لي ضرباتو داك النهار) هانتي طحتي فيدي فين زعامتك ازعيمة ولا صافي تحدات وتقصولك جناح سيليا: آش بغيتي يا الشيبة العاصية اتقى الله فنفسك ونتا رجل فالقبر ورجل فالدنيا وما باغي توب للمولاك الشيخ:(صفعها بقوة حتا بدات كتتنتر من بين يديهوم) مازال عندك لوجه لي تهضري بيه معايا زمي فمك وعرفي مقامك 😡 سيليا: (بتحدي) راسي عمرو ينزل ولساني عمرو يتلجم ونتا لي خاصك تعرف مقامك حيت نهار تعرف شكون قدامك غايفوت فيك الفوت وتتمنى الارض تنشق وتبلعك أجيفة (قالتها وهي كتورم على لحروف) الشيخ:(زاد تعصب وقال بلغوات) هزوها اليوووم بيا وللاا بيهااا مادام ماعطاوناش آش بغينا ناخدولهو حنا أسيرة 😈 مشاو وداو معاهوم سيليا لي كتفوها وسدولها فمها ولكن واخا حسات بالحكرة مانزلات حتى دمعة حيت كيماا كان لحال موتة وحدة لي كاينة ولي مكتابة هي لي غاتكون.... .............. شد بهاء الدين الطريق تلاقى شلا ناس هازين معاهم سلعة غاديين للشمال البعض غير من لباسو عرفوه عندو مقام رفيع أما هو ما دا ما جاب فيهم همو غير إيمتا يحط الرحال .. وصل أخيرا لقرية النسا لقا حدودها مدورين بالشوك والحجر استغرب من هاد الحال وبقى متبع الطريق لعل وعسى يلقى مدخل منين يدوز يقلب على محبوبتو وخا عارف بللي هادشي غايجبد عليه غير المشاكل وصداع الراس .. وصل لمدخ ولكن كانو واقفين فيه حراس ملكيين بهاء الدين : السلام عليكم الحارس : وعليكم السلام آش قربك لهاد لمكان أشريف راه هادي ولات منطقة محظورة بهاء الدين : أنا جيت كانقلب على السيدة لي غاتكون مراتي الحارس: (بشك) شنو سميتها ؟ بهاء الدين : سيليا الحراس شافو فبعضياتهوم وقالو يقدر يكوون كيتمسكن باش يتمكن شدوه بغفلة منو كتفوه بهاء الدين : طلققووو مالكوووم شاادييننييي .آششش واقققععع طلقونييي الحارس: سككتت الغددااررر غاتمشي معانا لقصر الشرفة بهاء الدين بقى كيتنتر من يدسهوم ولكن هوما زربو عليه وكتفوه داوه للقصر ودخلوه للحبس لي كاين فبيت القضاء بهاء الدين: آش كدييير هنااا 😳 الشخص: موولاااي 😳 فنظركم باش غتفك هاد الحريرة ؟ وشكون هاد الشخص لي كاين فغرفة القضاء مع بهاء الدين؟ هادشي لي غانعرفوه فقصتنا #قرية_النساء 💃إيمان 👇
Oops! This image does not follow our content guidelines. To continue publishing, please remove it or upload a different image.
